1Ket da Sefatias nga anac ni Matan, ken Gedalias nga anac ni Jer. 21:1.Pasur, ken Jer. 37:3.Jucal nga anac ni Selemias, ken ni Pasur nga anac ni Malkias nangngegda dagiti sasao a ni Jeremias insaona cadagiti amin a tattao, a kinunana,
2Castoy ti cuna ni Jehova, Jer. 21:1.Ti agnaed itoy nga ili matayto babaen ti campilan, gapu iti bisin, ken iti angol; ngem ti rumuar a mapan cadagiti Caldeos agbiagto, ket ti biagna addanto kencuana a cas sinamsamna, ket isu agbiagto.
3Castoy ti cuna ni Jehova, Jer. 21:10; 32:3.Pudno a daytoy nga ili mayawatto iti ima ti buyot ti ari ti Babilonia, ket alaennanto.
4Idin kinuna dagiti piprincipe iti ari, Dawatenmi kenca a daytoy a tao, Jer. 26:11.mapapatay coma; agsipud ta pagcapuyenna dagiti im-ima dagiti lallaki ti gubat a mabati itoy nga ili, ken dagiti im-ima dagiti amin a tattao, iti panagsaona ti castoy a sasao cadacuada: ta daytoy a tao saanna a sapulen ti pagimbagan daytoy nga ili, no di ket ti pagdacsanna.
5Ket ni Sedekias nga ari kinunana, Adtoy, isu adda iti imayo; bil. 24:27.ta ti ari awan kencuana ti pannacabalin nga agaramid iti aniaman a maibusor cadacayo.
6Idin innalada ni Jeremias, ket isu imbellengda iti nauneg a pagbaludan ni Malkias nga anac ti ari, nga adda idi iti paraangan ti guardia: ket impababada ni Jeremias babaen cadagiti tali. Ket iti pagbaludan a nauneg awan idi ti danum no di laeng lutlut; ket ni Jeremias nailumlum iti lutlut.
7 Jer. 39:16. Ket ni Ebed-melec nga Etiope, nga eunuco, nga adda idi iti balay ti ari, nangngegna nga incabildan ni Jeremias iti nauneg a pagbaludan (ti ari adda a situtugaw idi iti Jer. 37:13.ruangan ni Benjamin.)
8Ni Ebed-melec rimmuar iti balay ti ari, ket nagsao iti ari, a kinunana,
9Apoc nga ari, dagitoy a lallaki inaramidda a sidadangkes dagiti amin nga inaramidda ken Jeremias a mammadto, isu nga impisucda iti nauneg a pagbaludan; ket isu matayto ngata iti disso a yanna, gapu iti bisin; ta Jer. 37:21.awanen ti tinapay iti ili.
10Idin ti ari, binilinna ni Ebed-melec nga Etiope, a kinunana, Manggicuyogca manipud ditoy iti tallopulo a lallaki, ket aonenyo ni Jeremias a mammadto iti nauneg a pagbaludan, casacbayan ti ipapatayna.
11Iti casta ni Ebed-melec incuyogna dagiti lallaki, ket napan iti balay ti ari iti siroc ti paggamengan, ket nangala sadiay cadagiti rigrigis ken narutrut a pagananay, ket isuda impababana babaen cadagiti taltali ken Jeremias iti nauneg a pagbaludan.
12Ket ni Ebed-melec nga Etiope kinunana ken Jeremias, Icabilmo coma dagitoy a rigrigis ken narutrut a pagan-anay cadagiti kilikilim iti licud dagiti tali. Ket ni Jeremias inaramidna a casta.
13Iti casta bil. 6.inalut-utda ni Jeremias babaen cadagiti taltali, ket isu inaonda iti nauneg a pagbaludan: ket ni Jeremias nagtaeng iti paraangan ti guardia.
14Idin ni Sedekias nga ari nagbaon, ket pinaalana ni Jeremias a mammadto agingga iti maicatlo a sercan nga adda iti balay ni Jehova: ket ti ari kinunana ken Jeremias, Cayatco a saludsuden kenca iti maysa a banag; dica ilemmeng iti aniaman caniac.
15Iti casta kinuna ni Jeremias ken Sedekias, No ipalawagco kenca, saan aya a pudno a papatayennacto? ket no itdec kenca ti pammalacad, dinacto ipangag.
16Iti casta ni Sedekias nga ari nagsapata a Jer. 37:17.sililimed ken Jeremias a kinunana, Cas sibibiag ni Jehova, isu a Isa. 57:16.nangaramid cadagiti cararuatayo, saancanto a papatayen, ket dicanto met yawat iti ima dagitoy a lallaki nga agsapul iti biagmo.
17Idin kinuna ni Jeremias ken Sedekias, Castoy ti cuna ni Jehova, a Dios dagiti buybuyot, a Dios ti Israel: No sica mapanca cadagiti piprincipe ti ari ti Babilonia, iti casta agbiagto ta cararuam, ket daytoy nga ili dinto mapuuran iti apuy; ket sica agbiagcanto ken ti balaymo.
18Ngem no dica mapan cadagiti piprincipe ti ari ti Babilonia, iti casta daytoy nga ili mayawatto iti ima dagiti Caldeos, ket isu puurandanto iti apuy, ket bil. 23. Jer. 32:4.dicanto macalisi iti imada.
19Ket ni Sedekias nga ari kinunana ken Jeremias, Siac cabutengco dagiti Judios a nagtinnag cadagiti Caldeos, di la ket ta yawatdac iti imada, ket isuda lalaisendac.
20Ngem ni Jeremias kinunana, Didacanto yawat, Dawatec kenca, agtulnogca iti timec ni Jehova, daytoy nga isaoc kenca: tapno naimbag kenca, ket ta cararuam agbiagto.
21Ngem no madica a rumuar, daytoy ti sao a ni Jehova impakitana caniac:
22Adtoy, dagiti amin a babbai a matdada iti balay ti ari ti Juda maiparuardanto cadagiti piprincipe ti ari ti Babilonia, ket dagidiay a babbai cunadanto, Dagiti caingongot a pagayammo, inuyutandaca, ket inatiwdaca: idinto ta dagiti sacsacam mailumlumda iti lutlut, timmallicudda.
23Ket iruardanto dagiti amin nga assawam ken Jer. 39:6; 44:7.dagiti annacmo cadagiti Caldeos; ket sica dicanto macaliclic iti imada, no di ket maalacanto babaen ti ima ti ari ti Babilonia: ket sicanto ti gapu ti pannacapuur daytoy nga ili iti apuy.
24Idin kinuna ni Sedekias ken Jeremias, Awan coma ti macaammo maipapan cadagitoy a sasao, ket dicanto mapatay.
25Ngem no dagiti piprincipe mangngegda a nakisaoac kenca, ket umayda, ket cunada kenca, Ipalawagmo cadacami no ania ti imbagam iti ari; isu dica ilimed cadacami, ket dacami didacanto papatayen; casta met no ania ti kinuna ti ari kenca:
26Iti casta cunamto cadacuada, Jer. 37:20.Insaclangco ti dawatco iti ari nga isu Jer. 37:15.saannac coma a pasublien iti balay ni Jonatan tapno matay sadiay.
27Idin immay dagiti amin a piprincipe ken Jeremias, ket nagsaludsudda kencuana; ket isu imbagana cadacuada ti mayalubog cadagitoy amin a sasao nga imbilin ti ari. Iti casta dida nagsaon kencuana; ta ti panggep saan a nadlawan.
28Iti casta ni Jeremias Jer. 37:21.nagtaeng iti Jer. 32:2.paraangan ti guardia agingga iti aldaw a pannacaala ti Jerusalem.
Who We AreWhat We EelieveWhat We Do
2025 by iamachristian.org,Inc All rights reserved.
