DEUTERONOMIO 10 - Ilokano Form-Based Bible: Ti Biblia (1973)

Di maicadua a panagtaeng ni Moises iti bantay. Maigunamgunam ti panagraem ken Jehova.

1Iti daydi nga aldaw kinuna ni Jehova caniac, Ex. 34:1, 2.Mangdalumpinasca iti dua a taptapi a bato, a capada dagidi immuna ket sumang-atca caniac iti bantay, ket Ex. 25:10.mangaramidca iti maysa a lacasa a cayo.

2Ket isuratconto iti rabaw dagiti taptapi dagiti sasao nga adda cadagidi immuna a taptapi a binuracmo, Ex. 25:16, 21.ket icabilmonto ida iti lacasa.

3Gapuna a nangaramidac iti maysa a lacasa a cayo ti Ex. 25:10; 37:1.acacia, ket Ex. 34:4.nangdalumpinasac iti dua a tapi a bato a capada dagidi immuna, ket simmang-atac idi bantay a siiiggemac cadagiti dua a tapi a bato.

4Ket Ex. 34:28.insuratna iti rabaw dagiti taptapi ti cas cadagidi immuna a naisurat, dagiti sangapulo a bilin, a ni Jehova Ex. 20:1.sinaona cadacayo iti bantay nanipud idi tengnga ti apuy iti daydi nga aldaw a pannacagimgimong: ket ni Jehova intedna ida caniac.

5Ket siac nagsubliac ket Ex. 34:29.simmalogac idi bantay, ket incabilco dagiti Ex. 40:20.taptapi iti lacasa nga inaramidco; ket 1 Ar. 8:9.addada idiay cas ni Jehova imbilinna caniac.

6(Ket dagiti annac ti Israel nagnada nanipud iti Beerot-bene-jaacan Num. 33:31.agingga iti Num. 33:30.Mosera. Num. 20:28; 33:38.Ni Aaron natay idiay ket idiay ti nagtabonanna: ket ni Eleazar nga anacna ti nangannong iti takem ti kinapadi a sonona.

7 Num. 33:32-33. Nanipud idiay nagnada agingga iti Gudgoda ket nanipud Gudgoda agingga iti Jotbat, maysa a daga dagiti wa-waig ti danum.

8Iti daydi nga aldaw ni Jehova Num. 3:6; 8:14; 16:9.inlasinna ti caputotan ni Levi a Num. 4:15.mangawit idi lacasa ti tulag ni Jehova, tapno Deut. 17:12; 18:15.agyanda nga agannong kencuana iti sango ni Jehova, ket tapno Lev. 9:22.mamendicionda iti naganna agpapan itoy nga aldaw.

9 Num. 18:20. Isu ti gapuna a ni Levi awan bagina wenno tawidna a pacairamananna cadagiti cacabsatna; ni Jehova isu ti tawidna cas ni Jehova a Diosmo sinaona kencuana.)

10 Deut. 9:18. Ket siac nagyanac iti bantay cas idi naminsan, iti uppat a pulo nga aldaw ken uppat a pulo a rabii: ket ni Jehova impangagnac met iti daydi nga aldaw; ni Jehova saannaca a cayat idi a dadaelen.

11 Ex. 32:34; 33:1. Ket ni Jehova kinunana caniac, Tumacderca, magnaca iti sango ti umili; ket sumrecdanto nga agtagicua iti daga nga insapatac cadagiti ammada nga ited cadacuada.

12Ket ita ngarud, Israel, Mik. 6:8.ania ti sapulen ni Jehova a Diosmo kenca, no di la ti Deut. 6:2.panagbuteng ken Jehova a Diosmo, ti Deut. 5:33.panagnam cadagiti dalanna, ken ti Deut. 6:5.panagayatmo kencuana, ken ti panagservim ken Jehova a Diosmo iti isu-amin a pusom ken cararuam,

13Ti panangsalimetmet cadagiti bilbilin ni Jehova, ken dagiti al-alagadenna nga ibilinco kenca itoy nga aldaw Deut. 6:24.tapno agimbagca?

14Adtoy, ni Jehova a Diosmo ti agtagicua iti langit, ken iti langit dagiti langlangit, iti daga agraman amin nga adda kencuana.

15 Deut. 4:37; 7:7. Ni laeng Jehova ti naay-ayo cadagiti ammam a nagayat cadacuada, ket pinilina dagiti putotda a sonoda, a dacayo a naipangrona ngem amin a tattao, cas ita nga aldaw.

16Cugitenyo ngarud nga iccaten ti Deut. 30:6.abbong ti pusoyo, ket saancayo metten a Deut. 9:6.natangken ti panaglenglengngesna.

17Ta ni Jehova a Diosyo isu ti Dios dagiti didios, ken Apoc. 17:14; 19:16.Apo dagiti ap-appo, ti dackel a Dios, ti mannacabalin, ken nacabutbuteng, nga D. Ara. 10:34. Rom. 2:11. Gal. 2:6. Ex. 6:9. Col. 3:25.awan idadumana a tao, wenno di agala iti panocsoc.

18 Sal. 68:5. Isu aramatenna ti kinajusticia cadagiti ul-ulila ken balo, ket ayatenna ti gangannaet iti panangited iti taraon ken pagan-anay.

19Gapuna Lev. 19:33-34.ayatenyo ti gangannaet: ta naggangannaetcayo met iti daga nga Egipto.

20 Deut. 6:13. Agbutencanto ken Jehova a Diosmo; agservicanto kencuana ket cumpetcanto kencuana, ket iti naganna agsapatacanto.

21 Sal. 22:3; 109:1. Isu ti pacaidayawam, ket isu ti Diosmo a nangaramid cadagiti maipaay kenca cadagiti naindaclan ken nacabutbuteng a gapuanan, a nakita dagita matam.

22 Gen. 46:27. Dagiti ammam simmalogda a napan sadi Egipto a pitopuloda a tattao; ket ita ni Jehova a Diosmo inaramidnaca a Gen. 15:5. Deut. 28:62. Neh. 9:23.cas caadu dagiti bitbitwen sadi langit.