JEREMIAS 22 - Ilokano Form-Based Bible: Ti Biblia (1973)

Ti Juda mapacaammoan iti maicaniwas iti panagaramid iti kinakillo. Ti nacaay-ay-ay a nagtungpalan ni Sallum. Ti nacaay-ay-ay a nagtungpalan da Joakim ken Conias.

1Castoy ti kinuna ni Jehova: sumalugca iti balay ti ari ti Juda, ket saoem idiay daytoy a sao,

2Ket cunam, Jer. 17:10.Denggem ti sao ni Jehova, O ari ti Juda, nga agtutugaw iti trono ni David sica, ken dagiti adipenmo ken ti ilim a sumrec cadagitoy a ruangan.

3Castoy ti cuna ni Jehova: Jer. 2:12.Agaramidcayo ti kinajusticia ken kinalinteg, ket ispalenyo ti natacawan iti ima ti mangidadanes: ket dicayo agaramid iti dakes, dicayo agaramid iti ranggas, iti Jer. 7:6.gangannaet, iti ulila wenno iti balo a babai; ket dicayo met mangibuyat iti awan basolna a dara ditoy a disso.

4Ta kinapudnona no aramidenyo daytoy, sumrecto cadagiti ruangan daytoy a balay dagiti Jer. 17:25.ar-ari nga agtugaw iti trono ni David, a sisasacayda cadagiti lugan ken cabayo, isu ken dagiti adipenna ken ti ilina.

5Ngem no dicayto denggen dagitoy a sasao, Jer. 49:13. Amos 6:8.agsapataac gapu caniac met laeng, cuna ni Jehova, a daytoy a balay agbalinto a langalang.

6Ta castoy ti cuna ni Jehova maipapan iti balay ti ari ti Juda: Sica ti Galaad caniac ken ti olo ti Libano; nupay casta aramidencanto a di bumurong a maysa a let-ang ken il-ili nga awan agnaed.

7Ket mangisaganaacto cadagiti managdadael a maibusor kenca, tunggal maysa agraman cadagiti igamna; ket pucanendanto Isa. 37:24.dagiti napili a cantingenmo, ket ipurruacda ida iti apuy.

8Ket adu a nacion lumabasdanto ditoy nga ili, ket cunadanto tunggal tao iti caduana, Jer. 5:19.Ania ti gapuna nga inaramid ni Jehova ti castoy iti daytoy dackel a ili?

9 Deut. 29:25, 26. Isuda sumungbatdanto ngarud, Agsipud ta binay-anda ti tulag ni Jehova a Diosda, ket nagrucbabda cadagiti sabsabali a diosen, ket nagservida cadacuada.

10Saanyo a sangitan 2 Ar. 22:20. Isa. 57:1.ti natay, ket isu dicayo met dung-awan; ngem sangitanyo a sipapait ti pumanaw; ta bil. 11.saanton nga agsubli dina met makitan ti daga a nacayanacanna.

11Ta castoy ti cuna ni Jehova maipapan ken 1 Cron. 3:15. 2 Ar. 23:30.Sallum nga anac a lalaki ni Josias, nga ari ti Juda, isu a nagturay iti saad ni Josias nga amana, ken isu a rimmuar manipud ditoy a disso: 2 Ar. 23:34.Isu saanton nga agsubli ditoy:

12Ngem iti disso a nangipananda kencuana a cayaw, idiay matayto, ket saannanto a makitan daytoy a daga.

13 Isa. 5:18-23. Asi pay daydiay mangbangon iti balayna babaen iti kinakillo, ken dagiti siledna iti saan a kinajusticia; nga Jer. 25:14.aramatenna ti bannog Sant. 5:4.ti caarrubana nga awan ti tangdan, ket dina ited kencuana ti gungona;

14Nga agcuna, Mangipatacderac iti maysa a nalawa a balay ken nalawa a silsiled ket mangabutac kencuana cadagiti tawtawa; ket isu mabobedaan iti cantingen, ket mapintaan iti nalabaga.

15Agturaycanto aya, gapu ta sica agawaam nga artapan ti cantingen? Saan 2 Ar. 23:25.aya a ni amam ti nangan ken imminum, ken nagararamid iti kinajusticia ken kinalinteg? Idi a casta nasayaat kencuana.

16Isu inocomna ti panggep ti napanglaw ken nacacaasi; idi a casta nasayaat: Oc. 2:10.Saan aya a daytoy ti panangammo caniac? cuna ni Jehova.

17Ngem dagiti matam ken ta pusom maipaayda laeng iti kinaagummo, ken ti panangibuyat iti awan basolna a dara, ken panangirurumen, ken panangranggas tapno aramidem.

18Castoy ngarud ti cuna ni Jehova maipapan ken bil. 11.Joakim, nga anac a lalaki ni Josias, ari ti Juda: Jer. 16:4, 6.Saandanto nga agunnoy gapu kencuana, a cunada, 1 Ar. 13:30.Ay cabsatco a lalaki! wenno, Ay cabsat a babai! Saandanto nga agunnoy gapu kencuana, a cunada, Ay Apo! wenno, Ay ti dayagna!

19Isu maitanemto cas pannacaicali ti maysa nga asno, 2 Ar. 24:6.a maiguyod ken maipurruac iti ballasiw dagiti ruangan ti Jerusalem.

20Sumang-atca idiay Libano, ket agriawca; ket ipuccawmo ti timecmo idiay Basan, ket agriawca Num. 27:12. Deut. 32:49.manipud Abarim; ta amin dagiti caayanayatmo nadadaelda.

21Nagsaoac kenca iti kinarangaymo; ngem kinunam, Diacto dumngeg. Daytoy ti cadawyam manipud iti kinaubingmo, a dica tungpalen ti timecco.

22Ti angin pagtaraonnanto Jer. 23:1.amin dagiti paspastormo, ket dagiti caayanayatmo mapandanto iti pannacacayaw: pudno ngarud a maibabaincanto ken mariribuccanto gapu cadagiti amin a kinadangcocmo.

23O agnaed ti Libano, nga aramidem ti umocmo cadagiti cantingen, Anian a nagdackel ti kinacacaasim intono dumteng kenca ti rigat, ti ri ut-ut a cas iti babai nga agpasical!

24 Isa. 49:18. Cas sibibiagac, cuna ni Jehova, uray no ni 2 Ar. 24:6, 8. Jer. 37:1.Conias nga anac a lalaki ni Joakim nga ari ti Juda Gen. 38:18, 25.isu coma ti singsing a pagtanda iti macanawan nga imac, nupay casta lapsutenca coma iti imac;

25Ket iyawatcanto Jer. 34:20.iti ima dagiti agsapul iti biagmo, ken iti ima dagiti cabutengmo, iti met laeng ima ni Nabucodonosor, nga ari ti Babilonia ken iti ima dagiti Caldeos.

26Ket ibellengcanto, ken ti inam a nangipasngay kenca, iti sabali a daga, a saanyo a nacayanacan; ket idiay mataycayto.

27Ngem iti daga isu a dagiti carcararuada tarigagayanda a pagsublian, idiay saandanto a macasubli.

28Daytoy lalaki a Conias maysa aya a mauyaw-uyaw ken buong nga alicamen? Maysa aya nga alicamen nga awan kencuana timaay-ayo? Agpay ngarud nga isuda maibellengda, isu ken ti putotna, ket maipurruacda iti daga a dida ammo?

29O daga, Isa. 1:3.daga, daga, denggem ti sao ni Jehova.

30Castoy ti cuna ni Jehova, Isuratyo a 1 Cron. 4:17. Mat. 1:12.daytoy a lalaki nga awan ti anacna, maysa a lalaki a dinto rumang-ay cadagiti al-aldawna: ta awanton ti tao cadagiti caputotanna ti rumang-ay, nga Jer. 36:30.agtugaw iti trono ni David ken agturay iti Juda.