JEREMIAS 20 - Ilokano Form-Based Bible: Ti Biblia (1973)

Ni Jeremias ipadtona ti pannacacayaw ni Pasur. Isu sangitanna dagiti pannacasuutna ken ilunodna ti aldaw a pannacayanacna.

1Ket ni Magor-missabid

4Ta castoy ti cuna ni Jehova, Adtoy, aramidencanto a maysa a pagbutngan kenca met laeng, ken cadagiti amin a gagayyemmo; ket isuda mapasagdanto iti campilan dagiti cabusorda, ket dagita matam makitadanto; ket yawatconto ti amin a Juda iti ima ti ari ti Babilonia, ket alaennanto ida a cayaw idiay Babilonia, ket papatayennanto ida iti campilan.

5Castamet itedconto amin a kinabacnang daytoy nga ili, ken amin a patubona ken amin dagiti napateg a banbanag, wen, amin a gamgameng dagiti ar-ari ti Juda yawatconto iti ima dagiti cabusorda; ket pagbalinendanto ida a samsam, ken alaenda ida, 2 Ar. 24:12-16; 25:13-17.ket ipanda ida idiay Babilonia.

6Ket sica, Pasur, ken amin nga agnaed iti balaymo mapancayto iti pannacacayaw; ket umaycanto, idiay Babilonia, ket idiay mataycanto, ket maitanemcanto, sica ken amin dagiti gagayyemmo, isuda a nagipadtoam a siuulbod.

7O Jehova, sica inuyotannac ket nagtulnogac; sica napigpigsaca ngem siac, ket nagballigica: D. Un. 3:14.nagbalinac a maysa a pagcatawaan iti amin nga aldaw, tunggal maysa rabakennac.

8Ta no maminano nga agsaoac, Jer. 6:7.agickisac; yickisco ti, Panagpilit ken pannacarbec, ta ti sao ni Jehova naaramid a pangbabain caniac, ken maysa nga uyaw, iti amin nga aldaw.

9Ket no cunac, Ti naganna saanconto a dacawaten, diacto met agsaon iti naganna, adda ngarud iti pusoc ti Sal. 39:3.cas sumsumged nga apuy a naripcan cadagiti tultulangco, ket mautoyanac nga agitured, ket saanac a macaibtur.

10Ta nangngegco ti panangumsi Sal. 31:13.ti adu, ti pagbutngan iti tunggal sikigan. Agdarum cunada, ket isu idarumminto, cuna dagiti Sal. 41:9; 55:13, 14.amin a caingongotco a gagayyem, isuda nga agururay iti pannacatuangco; nalabit isu mauyotanto, ket agbal-ligitayto a maibusor kencuana, ket datayo macabalestayto kencuana.

11Ngem ni Jehova adda caniac cas maysa a nabileg ken maysa a nacabutbuteng: gapuna a dagiti mangidadanes caniac maitibcoldanto; ket saandanto nga agbal-ligi: isuda maibabaindanto a naananay, agsipud ta saanda a nagaramid a sisisirib, castamet ti Jer. 23:40.awan inggana a pannacababas a dinto uray caanoman.

12Nupay casta, O Jehova dagiti buybuyot, a mangpadas iti nalinteg, Jer. 15:20.ken macakita iti puso ken isip, palubosannac a mangkita iti pammalesmo cadacuada: ta kenca impalawagco ti calintegac.

13Agcantacayo ken Jehova, dayawenyo ni Jehova; ta isu inispalna ti cararua ti nacacaasi it ima dagiti agar-aramid iti dakes.

14Mailunod coma Job 3:3. Jer. 15:10.ti aldaw a pannacayanacco: saan coma a mabendicionan ti aldaw a panangipasngay ni inac caniac.

15Mailunod coma ti tao a nangyeg ti damag ken amac, a kinunana, Maysa nga ubing a lalaki nayanac kenca; isu a nangparagsac unay kencuana.

16Ket dayta a tao agbalin coma a cas cadagiti il-ili Gen. 19:36. Isa. 13:19.a dinadael ni Jehova, ket dina nagbabawian: ket isu Jer. 18:22.mangngegna coma ti maysa nga ariwawa iti gubat ti agsapa ken dir-i iti matoon:

17Agsipud ta isu Job 3:10, 11.dinac pinapatay manipud iti aanacan; ket iti casta ni inac isu coma ti tanemco, ket ti aanacanna cancanayon coma a dackel.

18Ania ti gapuna Job 3:20.a rimmuarac iti aanacan tapno lac-amec ti bannog ken liday, ken tapno dagiti al-aldawco maibus coma iti bain?