1Ket naaramid iti calpasanna, nga isu magmagna cadagiti amin nga Il-ili ken purpuroc a mangascasaba ken ipacaammona ti naimbag a damag ti pagarian ti Dios; ket dagiti sangapulo ket dua cumuycuyogda kencuana,
2Ken dagidi Mat. 27:55, 56. Mar. 15:41.dadduma a babbai, a naagasanda cadagiti dakes nga espiritu ken cadagiti sacsakit; da Maria a nanaganan ti Magdalena, isu a rinuaran ti pito a sairo,
3Ken Luc. 24:10.ni Juana, asawa ni Chuza, a mapagtalcan ni Herodes, ken ni Susana ken adu pay a sabsabali a nagserservi kencuana cadagiti gamengda.
Pangngarig ti agmulmula.4Ket Mat. 13:2-11, 14. Mar. 4:1-12.idi a nagguurnong ti umariwecwec a tattao a naggapuda cadagiti inilin-ili immayda kencuana nagsao nga inaramatna ti pangngarig:
5Ti agmulmula rimmuar a napan nangimula iti bin-ina: ket idi a nagmula, dadduma nagdissoda iti igid ti dalan ket napayatpayat, ket dagiti tumatayab iti tangatang kinnanda ida.
6Ket dadduma nagdissoda iti bato, ket apaman a timmubo nagango agsipud ta awan dam-egna.
7Ket dadduma nagdissoda iti cacalunayan; ket idi a timmubo met dagiti calunay a nakirana, saanda ida a pinalung-aw.
8Ket dadduma nagdissoda iti nasayaat a daga ket idi a timmubo, nagbunga ti ginasut. Idi nasaona dagitoyen, impuccawna: Ti addaan pagdengngeg, dumngeg coma.
9Ket dagidi adalanna inintuudda kencuana no ania ti caipapanan daytoy a pangngarig.
10Ket kinunana: Cadacayo maited ti panangammo cadagiti palimed ti pagarian ti Dios; ngem cadagiti sabali biig a pangngarig, Isa. 6:9.tapno uray kitkitaenda saanda a mailasin, ket uray dengdenggenda dida maawatan,
11 Mat. 13:18-23. Mar. 4:13-20. Daytoy ngarud ti pangngarig: Ti bin-i isu ti sao ti Dios.
12Ket dagiti nagdisso iti asideg ti dalan, isuda dagiti nagdengngeg; iti calpasanna umay ti sairo, ket iccatenna ti sao iti pusoda, tapno dida patien ket dida maisalacan.
13Ket dagiti agdisso iti bato, isuda dagiti idinto a nagdengngegda, awatenda ti sao a siraragsac; ket dagitoy awan ti ramutda; ket mamatida iti apagbiit, ket iti aldaw ti pannacasulisog suminada.
14Ket dagiti nagdisso cadagiti cacalunayan, isu dagitoy dagiti nagdengngeg; ket idinto a mapanda iti dalanda, malpesda cadagiti agagawa ken gamgameng ken ragragsac ti daytoy a biag ket dida agbunga ti maloom.
15Ket dagiti nagdisso iti nasayaat a daga, isu dagitoy dagiti tao nga iti nasayaat ken nalinteg a puso dinengngegda ti sao ket salimetmetanda ket Mat. 24:13. Heb. 10:36. Sant. 5:7.agbungada a siaanus.
Pangngarig ti silaw.16Ket awan ti tao nga inton Mat. 5:15. Mar. 4:21. Luc. 11:33.nagangatanna ti maysa a silaw, calubanna iti banga, wenno icabilna iti siroc ti maysa a pagidaan; no di ket icabilna iti maysa a pagsilawan tapno dagiti sumrec makitada ti silaw.
17Ta awan ti nailemmeng a Mat. 10:26. Mar. 4:22. Luc. 12:2.dinto maiparangarang; ken aniaman a nalimed a dinto maamoan wenno maipanayag.
18Imdenganyo ngarud cas mangngegyo; Mat. 13:12. Mar. 4:24, 25.ta siasinoman nga addaan, maicanto pay, ket siasinoman nga awanan, uray ti panpanunutenna a cucuana, maiccatto pay.
Dagiti cacabsat ken ina ni Jesus.19 Mat. 12:46-50. Mar. 3:31, 35. Ket immay ni inana ken dagiti cacabsatna; ket dida macaasideg ken cuana gapu cadagiti adu a tattao.
20Ket naibaga kencuana: Ni inam ken dagiti cacabsatmo actatacderda iti ruar, a cayatdaca a kitaen.
21Ngem isu simmungbat ket kinunana cadacuada: Ti inac ken dagiti cacabsatco Luc. 11:28.isuda dagiti dumngeg ken mangtungpal iti sao ti Dios.
Ni Jesus pagtalnaenna ti bagio.22 Mat. 8:18, 23-34. Mar. 4:36. Ket naaramid iti maysa cadagidi nga aldaw, nga isu limmugan iti maysa a barangay ken dagidi adalanna. Ket kinunana cadacuada: Intayo idiay bangir ti Luc. 5:1, 2.danaw. Ket nagluasda.
23Ngem idi nga aglaylayagda, isu naturog. Ket nagbagio idi danaw ket matintinepda ken agpeggadda.
24Ket immasidegda kencuana, ket riniingda a kinunada: Mannursuro, mannursuro, mapucawtayon! Ket idi nacariing, tinubngarna di angin ken ti daleg ket nagtalnada, ket naglinac.
25Ket kinunana cadacuada: Adino ti yan ti pammatiyo? Ket isuda nagbutengda a sisisiddaaw a cuncuna ti maysa ken maysa cadacuada: Ania a cababalin ti tao daytoy ta uray ti angin ken danum bilinenna ida ket agtulnogda kencuana?
Ti taga Gadara a nagun-gan dagiti sairo.26Ket dimtengda iti bil. 37. Mar. 5:1.daga ti Gadara, nga adda iti batug ti Galilea.
27Ket idi dimsaag ni Jesus iti daga, simmabet kencuana ti Mat. 8:28.maysa a tao a taga Ili nga adda sairona iti nabayagen nga aldaw, ket saan nga agpagpagananay, di met nagtaeng iti aniaman a balay, no di cadagiti tanem.
28Ket isu idi makitana ni Jesus nagrucbab iti sangoananna ket nagpuccaw a kinunana: Ania ti pacaibiangac kenca, Jesus, Anac ti Dios a Cangatoan? Dawatec a dinac coma parigaten.
29Ta ibilbilinna idi iti espiritu a narugit a pumanaw coma idi tao: ta nabayag a nalugananen; ket uray ipuppupocda cawaran ken grillosanda, peccaenna ida ket impan ti sairo cadagiti let-ang.
30Ket ni Jesus inintuudna kencuana a kinuna: Ania ti naganmo? Ket kinunana: Sangarbaanan; ta adu a sairo ti simrec kencuana.
31Ket dawdawatenda kencuana a dina coma ibaon ida a mapan iti Apoc. 9:1.yuyeng.
32Ket adda idiay idi ti maysa nga arban ti adu a babuy nga agararab iti bantay, ket dinawatda kencuana a baybayanna coma ida a sumrec cadacuada; ket pinalubosanna ida.
33Ket idi rimmuaren dagiti sairo idi tao, simrecda cadagidi babuy; ket di arban timmappuac iti maysa a teppang iti danaw ket nalmesda.
34Ket idi nakita dagiti agtartaraken ti naaramid, timmarayda, ket impacaammoda iti Ili ken cadagiti awaway.
35Ket rimmuarda a cumita iti naaramid ket immayda ken Jesus; ket nasaracanda daydi tao a rinuaran dagiti sairo, a Luc. 10:39.sipapagananay ken sinanakem, nga nagtugaw iti bil. 27.sacaanan ni Jesus; ket nagbutengda.
36Ket sinarita cadacuada dagidi nacakita, no casano ti pannacapaimbag daydi nagungan dagiti sairo.
37Ket amin dagiti umili iti Gadara dinawatda kencuana a panawanna coma ida: ta adda dackel a butengda. Ket isu limmugan iti barangay, ket nagawid,
38Ket daydi Mar. 5:18-20.tao a rinuaran dagiti sairo, nagdawat tapno agian kencuana: ngem ni Jesus pinagawidna, a kinunana:
39Agawidca idiay balaymo ket saritaem ti dackel a banag nga inaramid ti Dios kenca. Ket napan nga inwarragawagna iti isu-amin nga Il-ili dagiti amin nga imbag nga inaramid ni Jesus kencuana.
Ti balasang ni Jairo: ti babai a masakit iti panagbulos ti dara.40Ket napasamac nga idi Mat. 9:1. Mar. 5:21.nagsubli ni Jesus, dagiti adu a tao inawatda a siayat ta isuda amin nagururayda kencuana.
41Ket adtoy, immay ti maysa a lalaki a Mat. 9:18-26. Mar. 5:22-43.managan Jairo; isu a panguloen ti sinagoga, ket nagrucnoy cadagiti sacsaca ni Jesus, ket kiniddawna kencuana a sumrec coma iti balayna;
42Ta adda Luc. 7:12.cacaisuna nga anacna a babai nga agsangapulo ket dua ti tawenna ket nganngani matay. Ngem idi a magmagna, nagaaribongbong dagiti tattao kencuana.
43Ket maysa a babai, nga agsagsagaba iti panagbulos ti dara iti sangapulo ket dua a taoenen, isu rinaritna cadagiti mangngagas ti amin a cucuana, ket awan ti nacapaimbag kencuana,
44Immasideg iti licudan ni Jesus, ket sinagidna ti gayadan ti pagan-anayna; ket naigiddato a nagsardeng ti panagbulos ti darana.
45Ket kinuna ni Jesus: Asino ti nangsagid caniac? Ket idinto a naglibacda amin, kinuna ni Pedro ken dagiti caduana: Mannursuro, dagiti adu a tao iletandaca ken agaaribongbonda kenca.
46Ngem kinuna ni Jesus: Adda nangsagid caniac; ta naricnac nga adda rimmuar a pannacabalin caniac.
47Ket idi makita di babai a saan a macalinged, immay nga agpigpigerger ket nagrucno iti sangoananna, ket imbagana iti sangoanan dagiti amin nga umili ti gapu ti nangsagidanna kencuana ken ti pannacaigiddatonna a napaimbag.
48Ket isu kinunana: Anacco, ti pammatim pinasalun-atnaca: Mar. 10:52.incan a sitatalna.
49Ket idi agsasao pay laeng, immay ti maysa a naggapu iti balay ti panguloen ti sinagoga a cuncunana: Tay anacmo a babai natayen, dica bannogen ti Mannursuro.
50Ngem idi mangngeg ni Jesus, simmungbat kencuana; dica agbuteng: mamatica laeng, ket isu mapasalun-atto.
51Ket idi dimteng iti balay, awan ti pinasrecna a sumurot kencuana, no di laeng da Pedro ken Santiago ken Juan ken ti ama ken ina di balasang.
52Ket agsangsangitda amin ket dungdung-awanda. Ngem isu kinunana: Dicay agsangit; ta saan a natay, no di ket matmaturog.
53Ket rinabrabacda, ta ammoda a natayen.
54Ngem isu, idi nga iniggamanna iti imana, nagpuccaw a kinunana: Balasang, bumangonca.
55Ket nagsubli ti espirituna ket bimmangon a dagus; ket imbilinna nga iccanda coma ti canenna.
56Ket dagiti dadackelna nagsidsiddaawda; ngem isu imbilinna Mat. 8:4.cadacuada, nga awan coma ti pangibagaanda iti naaramid.
Who We AreWhat We EelieveWhat We Do
2025 by iamachristian.org,Inc All rights reserved.
