I TAGA CORINTO 14 - Ilokano Form-Based Bible: Ti Biblia (1973)

Ti sao a di maawatan saan a maipaay a pagdayaw iti Dios.

1Surutenyo ti ayat ken tarigagayanyo iti 1 Cor. 12:31.nasged dagiti talunggading a naespirituan a nangnangrona a maipaay iti panagipadtoyo coma.

2Ta ti agsao iti sabali a pagsasao, saanna a casao dagiti tattao, no di ti Dios; ta awan ti macaawat kencuana: nupay babaen ti Espiritu agsao cadagiti palpalimed.

3Ngem, ti agipadto agsao cadagiti tattao a maipaay a Rom. 14:19.mamalaing, mamagbaga ken mangliwliwa.

4Ti agsao iti sabali a pagsasao, paglaingenna ti bagina; ngem ti agipadto bil. 17.paglaingenna ti Iglesia.

5Siac cayatco coma a dacay amin agsaocayo cadagiti sabali a pagsasao, ngem nangnangrona pay, agipadtocayo coma ket dacdackel daydiay agipadpadto ngem iti daydiay agsao cadagiti sabali a pagsasao: bil. 13.malacsid no agipatarus tapno ti Iglesia mapapigsa coma.

6Ita ngarud, cacabsat, no umayacto cadacayo nga agsaoac cadagiti sabali a pagsasao, ania ti magonggonayonto caniac, no diac agsao cadacayo babaen ti panangipacaammo, wenno sirib, wenno bil. 26.padto wenno 1 Cor. 12:8.sursuro?

7Ket uray dagiti aguni nga awan biagda flauta man wenno arpa, no dida pagdudumaen dagiti aw-aweng, casanonto ti pannacaammo ti tocaren iti flauta wenno iti arpa?

8Ta no ti trompeta mangtedto ti maysa nga uni a pagduaduaan, siasinonto ti agsagana a makigubat?

9Casta met cadacayo, no dicayto agsao cadagiti sasao a nalaca nga awaten, casanonto ti pannacaawat iti masasao? agsasaocayo ngarud iti angin.

10Caspangarigan, adda nalabit adu a kita dagiti sao ditoy lubong, ket awan uray maymaysa ti awan caipapananna.

11No ngarud diac maawatan ti cababagas ti sao, D. Ara. 28:2.gangannaetacto iti agsao, ket ti agsao ganganaet met caniac.

12Iti casta ngarud dacayo met, yantangay naregtacayo cadagiti taltalunggading a naespirituan agawaanyo ti rumang-ay a maipaay iti pannacapatibker ti Iglesia.

13Gapuna ti agsao iti sabali a pagsasao, agcararag, tapno mabalinna coma ti agipatarus.

14Ta no agcararagac babaen ti sabali a pagsasao, ti espirituc agcararag, ngem ti panunotco awan bungana.

15Ania ngarud? Agdawdawatacto babaen ti espirituc, ket agdawdawatacto met babaen ti panunotco; Efe. 5:19. Col. 3:16.agcantaacto iti espirituc, ket Sal. 47:7.agcantaacto met iti panunotco.

16Ta no saan, no mangbendicionca babaen ti espiritu ti bil. 23, 24.saan a nasursuroan, casano ti panagcunananto ti Neh. 5:13. Apoc. 5:14.Amen iti panungpalan ti 1 Cor. 11:24.panagyamanmo ta dina met maawatan ti sao-em?

17Ta sica kinapudnoanna, nasayaat ti panagyamanmo, ngem ti sabali saan a napalangit.

18Agyamanac iti Dios maipoon ta agsaoac cadagiti sabali a pagsasao nga ad-adda ngem cadacay amin:

19Ngem iti Iglesia, caycayatco ti agsao iti limlima a sao babaen ti pannacaawatco tapno maisuroc met dagiti sabali, ngem iti sangapulo ribo a sao iti sabali a pagsasao.

20Cacabsat, Efe. 4:14. Heb. 5:12, 13.saancay nga agub-ubingan iti isip; ngem iti kinadakes cas cay la coma ubbing, ngem iti panagisisip cacas cay coma tao a Mat. 11:25. Rom. 16:19.nataenganen.

21 Rom. 3:19. Iti linteg adda a naisurat: Isa. 28:11, 12.Babaen cadagiti tattao a gangannaet, ken cadagiti bibig dagiti gangannaet; makisaoacto iti daytoy nga ili; ket uray pay casta didacto denggen, cuna ti Apo.

22Iti casta, dagiti sasao maipaayda a pagilasinan, saan a cadagiti mammati, no di ket cadagiti saan a mammati; ngem ti 1 Cor. 11:4.pammadto maipaay a pagilasinan saan a cadagiti di mamati, no di ket cadagiti mamati.

23No ngarud ti isu-amin nga Iglesia addanto a maurnong iti maysa a disso, ket isuda amin agsaodanto cadagiti sabali a pagsasao ket sumrecto dagiti saan a nasursuroan, wenno dagiti saan a mamati, D. Ara. 2:13.didanto cuna a mauyongcayo?

24Ngem no isuda 1 Cor. 2:15.amin agcascasabada ket sumrec ti maysa a di mamati wenno saan a nasursuroan, isu mabagbagaan cadacuada, isu maipatonto cadacuada;

25Ket dagiti palpalimed ti pusona maiparangarangda ket iti casta, agrucbabto ket daydayawennanto ti Dios, nga ipalawagna, a ti Dios Isa. 45:14. Zac. 8:23.pudno nga adda iti nagtengngaanyo.

Masapul ti nasayaat a pannacaurnos iti panagdaydayaw iti Dios.

26Ania ngarud, cacabsat? Inton aguurnongcayo, tunggal maysa adda Efe. 5:19.himnona, adda bil. 6.sursurona, adda 1 Cor. 12:10.ipacaammona, adda pagsasaona, adda panangipatarusna. 2 Cor. 12:19; 13:10.Maaramidda coma dagiti isu-amin a banag tapno macapalaing.

27No adda agsao iti sabali a pagsasao, dua wenno tal-lo coma laeng, ket agsisinnublatda; ket maysa ti mangipatarus coma:

28Ngem no awanto ti mangipatarus agulimec coma idiay Iglesia ket agsao nga is-isu iti Dios.

29 bil. 32, 37. D. Ara. 11:27. Cadagiti mammadto dua wenno tal-lo coma ti agsao ket dagiti dadduma 1 Cor. 12:10.imutectecanda coma.

30Ngem no adda 1 Cor. 16:13.paltiing iti sabali nga adda cadagiti situtugaw, agulimec coma ti immun-una.

31Ta mabalinyo amin ti agipadto a masagsaganad, tapno isuda amin agsursuroda ket isuda amin mabagbagaanda;

32(Ket dagiti espiritu dagiti mammadto paiturayanda cadagiti mammadto;)

33Ta ti Dios saan a Dios ti riri, no di ti talna, 1 Cor. 7:17.Cas maaramid cadagiti isu-amin nga Iglesia dagiti sasanto.

34 1 Tim. 2:11, 12. Dagiti babbai agulimecda coma cadagiti Iglesia: ta saan a maipalubos cadacuada ti agsao; ngem addada coma a paiturayan cas Gen. 3:16.cuna met ti linteg.

35Ket no adda cayatda a sursuroen, intuudenda cadagiti assawada met laeng idiay balayda: ta naalas a ti maysa a babai agsao iti Iglesia.

36Ania? nagtaud aya cadacayo ti sao ti Dios, wenno cadacayo laeng ti immayanna?

37No ti maysa 2 Cor. 10:7. 1 Juan 4:6.panunutenna nga isu mammadto, wenno mapaltiingan ammoenna coma a dagitoy a banbanag nga isuratco cadacayo bilbilin ida ti Apo.

38Ngem no ti siasinoman a tao nanengneng, nanengneng coma.

39Gapuna, cacabsat, tarigagayanyo iti nasged ti panangipadto ket dicay iparit ti agsao cadagiti sabali a pagsasao.

40Ngem maaramid coma dagiti isu-amin a banag iti natacneng ken naurnos.