JOB 36 - Ilokano Form-Based Bible: Ti Biblia (1973)

Ituloy ni Eliu ti palawagna ket palintegenna ti pannacaaramat ti pammarigat ti Dios.

1Ni Eliu met intuloyna, ket kinunana,

2Anusannac bassit, ket iparangarangconto kenca; ta addaanac pay laeng iti sumagmamano nga isao iti pannacabiang ti Dios.

3Alaecto ti ammoc manipud adayu, ken ipaayconto ti kinalinteg iti Namarsua caniac.

4Ta pudno a dagiti sasaoc saanda nga ulbod: ta ti naananay iti pannacaammo makicaddua kenca.

5Adtoy, ti Dios mannacabalin, ket dina umsien ti siasinoman: Job 9:4.isu mannacabalin iti pigsa ti pannacaawat.

6Isu dina igaga ti biag ti nadangcoc, ngem itdenna iti maparigat ti calinteganda.

7Isu dina isina dagiti matana iti nalinteg; ngem cadagiti ar-ari iti rabaw ti trono, 1 Sam. 2:8. Sal. 113:8.isu isaadna ida iti agnanayon, ket maitan-ocda.

8Ket no mabaludda coma cadagiti tul-ong a landoc, ken Sal. 107:10.no matiliwda cadagiti taltali ti liday.

9No casta iparangarangna cadacuada ti aramidda, ken dagiti labsingda, nga inar-aramidda met laeng a sipapalangguad.

10 Job 33:16. Isu luctanna met ti lapayagda iti sursuro, ket agbilin nga agtuckiadda iti kinadangkes.

11No isuda ipangag ken agservida kencuana. Isuda palabasenda dagiti aldawda iti kinarang-ay, ken dagiti tawenda cadagiti pacaayaywan.

12Ngem no dida mangipangag, mapucawdanto iti campilan, ket mataydanto iti kinanengnengda.

13Ngem dagiti nadangkes ti Rom. 2:5.pusoda agurnongdan iti pungtot: isuda dida umawag ti tulong intono bil. 8.reppetenna ida.

14 Job 15:32. Isuda matayda iti kinaagtutubo ket ti biagda mapucaw iti tengnga ti kinarugit.

15Isu ispalenna dagiti mapaladingitan iti lidayda, ket luctanna ti lapayagda iti pannacaparigat.

16Wen, isu kinayatnaca a guyuguyen manipud iti nasaem a ladingit nga agturong iti nalawa a Sal. 18:19; 31:8; 118:5.disso nga awanan kinakipet; ket ti maisagana iti lamesaanmo mapno coma iti kinalucmeg.

17Ngem sica napnoca iti panangipato ti nadangcoc: pannacaocom ken kinajusticia gemgemandaca.

18Ta ti pungtot dinaca coma tignayen a maibusor cadagiti dusdusa; uray ti kinadackel ti subbot dinaca coma isiasi.

19Macatulongto aya ta asugmo, tapno awanca coma iti pacarigatan, wenno amin dagiti pigsa ta bilegmo?

20Dica calicaguman ti rabii, no dagiti tattao mapucasda iti yanda.

21Agaluadca, Sal. 66:18.dica ipapuso ti kinadangkes: ta daytoy pinilim addada ngem iti pannacaparigat.

22Adtoy, ti Dios agaramid a sitatan-oc iti pannacabalinna; Job 34:32; 35:10.asino ti manursuro nga umasping kencuana?

23 Job 34:13. Asino ti nangipacumit kencuana ti dalanna? Wenno asino ti macabalin a mangisao, sica inaramidmo ti kinakillo?

24Lagipem tapno itan-ocmo ti aramidna, isu a nagdaniwan dagiti tattao.

25Amin a tattao kimmitada sadiay; isu ti imatangan ti tao idiay adayu.

26Adtoy, ti Dios dackel, ket isu 1 Cor. 13:12.ditayo ammo; ti bilang dagiti tawtawenna Sal. 90:2; 102:24, 27. Heb. 1:12.di-matonton.

27Ta Sal. 147:8.ipangatona dagiti tedted ti danum, a pagbalinenna a tudo nga aggapu iti alingasawna.

28 Prov. 3:20. Nga dagiti tangatang ibucbucda ken itedtedda nga aglaplapusanan iti tao.

29Wen, maawatan aya ti siasinoman dagiti panangiwaras cadagiti ul-ulep, dagiti panaggurrood ti linogna?

30 Job 37:3. Adtoy, isu isacnapna ti lawagna a mailicmut kencuana; ket abbonganna ti tucoc ti taaw.

31Ta Job 37:13.iti pannacaaramat dagitoy ocomenna dagiti il-ili; Sal. 104:27.isu mangted iti nawadwad a taraon.

32Isu abbonganna dagiti imana iti sal-it, ket isu ti bilinenna a mangpunta iti puntaan.

33Ti daranudorna ibagana iti maipanpan kencuana, castamet dagiti an-animal ti maipapan ti bagio a sumungad.