1 Jer. 27:1. Iti pangrugianan ti panagturay ni Joakim nga anac a lalaki ni Josias, ari ti Juda, dimteng daytoy a sao a naggapu ken Jehova a kinunana,
2Castoy ti cuna ni Jehova: Jer. 19:14.Agtacderca iti paraangan ti balay ni Jehova, ket agsaoca cadagiti amin nga il-ili ti Juda, nga umay nga agrucbab iti balay ni Jehova, amin dagiti sasao nga ibilinco kenca nga isaom cadacuada; Deut. 4:2.dica kessayan ti maysa a sao.
3Bareng no ipangagdanto, ket agsublida tunggal tao manipud iti dakes a dalanna; bil. 13, 19. Jer. 18:8.tapno ibabawic coma ti dakes a pinanggepco nga aramiden cadacuada gapu iti kinadakes ti aramidda.
4Ket cunaemto cadacuada, Castoy ti cuna ni Jehova; Jer. 26:14. Deut. 28:15.No didacto ipangag, tapno magnacayo iti lintegco isu nga incabilco iti sangoananyo,
5Tapno ipangagyo dagiti sasao dagiti adipenco a mammadto, Jer. 25:3, 4.isuda nga ibaonco cadacayo, a bimmangonac met laeng a masapa ken imbaonco ida, ngem saancayo a nangipangag;
6Aramidecto ngarud daytoy a balay a cas iti bil. 9. Jer. 7:12, 14.Silo, ket aramidecto daytoy nga ili a Jer. 24:9.lunod cadagiti Jer. 24:18.amin a nacion ti daga.
7Ket Jer. 23:33.dagiti papadi ken dagiti mammadto ken amin nga umili nangngegda ni Jeremias a nagsasao cadagitoy a sasao iti balay ni Jehova.
8Ket naaramid nga idi ni Jeremias natungpalna ti amin a panagsaona nga imbilin ni Jehova kencuana nga isao iti amin nga umili, a dagiti papadi ken dagiti mammadto ken amin ti umili isu tiniliwda a kinunada, Sica mataycanto a di-bumurong.
9Apay a nangipadtoca iti nagan ni Jehova, a kinunam, Daytoy a balay caslanto iti Silo, ket daytoy nga ili langalangto, Jer. 4:7.nga awan ti agnaed? ket amin nga umili naurnong ken Jeremias iti balay ni Jehova.
10Ket idi dagiti piprincipe ti Juda nangngegda dagitoy a banbanag, simmang-atda manipud iti balay ti ari agingga iti balay ni Jehova; ket nagtugawda iti pagsercan ti Jer. 36:10.baro a ruangan ti balay ni Jehova.
11Idin nagsao dagiti papadi ken dagiti mammadto cadagiti piprincipe ken iti amin nga umili, a kinunada, Daytoy a tao maicari iti patay; Jer. 38:4.ta isu nagipadto iti maicaniwas ditoy nga ili, cas nangngegyo cadagiti lapayagyo.
12Idin nagsao ni Jeremias cadagiti amin a piprincipe ken iti amin nga umili a kinunana, Ni Jehova imbaonnac nga agipadto iti maicaniwas ditoy a balay ken maibusor ditoy nga ili cadagiti amin a sasao a nangngegyo.
13 Jer. 7:3. Ita ngarud baliwanyo dagiti dalanyo ken dagiti aramidyo, ken agtulnogcayo iti timec ni Jehova a Diosyo; ket ni Jehova ibabawinanto ti dakes nga binalicasna a maibusor cadacayo.
14Ngem no maipapan caniac, adtoy, addaac iti imayo: aramidenyo caniac ti cas nasayaat ken umiso cadagiti matayo.
15Ammoenyo laeng nga awan duadua, a no patayendac, iyegyonto ti awan tulawna a dara cadacayo met laeng, ken iti daytoy nga ili, ken cadagiti agnaed kencuana; ta iti kinapudnona ni Jehova imbaonac cadacayo tapno isaoc dagitoy amin a sasao cadagiti lapayagyo.
16Idin kinuna dagiti piprincipe ken amin nga umili cadagiti papadi ken cadagiti mammadto: daytoy a lalaki saan a maicari iti patay; ta isu nagsao cadatayo iti nagan ni Jehova a Diostayo.
17Idin timmacder dagiti dadduma cadagiti Jer. 19:1.panglacayen ti daga, ket nagsaoda iti amin a gimong ti umili, a kinunada,
18NI Mikeas a Morastita Mik. 1:1; 3:12.nagipadto cadagiti aldaw ni Ezekias nga ari ti Juda; ket isu nagsao iti amin nga umili ti Juda, a kinunana, Castoy ti cuna ni Jehova dagiti buybuyot; Ti Zion maaradonto a cas maysa a talon, ket ti Jerusalem agbalinto a bonbontoon, ket ti bantay ti balay cas cadagiti nangato a disso ti cabakiran.
19Isu pinatay aya ni Ezekias nga ari ti Juda ken amin ti Juda? Jer. 28:10; 12:13.saan aya a nagbuteng ken Jehova, ket nagdawat iti parabur ni Jehova, ket ni Jehova imbabawina ti dakes nga imbalicasna a maibusor cadacuada? No cas aramidentayo coma ti casta, dackel a pagdacsan a maicaniwas cadagiti cararuatayo met laeng.
20Ket adda met idi maysa a lalaki a nagipadto iti nagan ni Jehova, ni Urias nga anac a lalaki ni Semaias a taga Kiriat-jearim; ket isu nagitpadto a maibusor ditoy nga ili ken maicaniwas ditoy a daga cas mayalubog cadagiti amin a sasao ni Jeremias.
21 bil. 11. Jer. 27:1. Ket idi ni Joakim nga ari, agraman cadagiti amin a nabileg a lallakina, ken amin dagiti piprincipe, nangngegda dagiti sasaona, ti ari pinanggepna ti panangpapatayna kencuana; ngem idi nangngeg ni Urias, nagbuteng, ket nagtalaw, ket napan idiay Egipto.
22Ket ni Joakim nga ari nagbaon cadagiti lallaki idiay Jer. 36:12, 25.Egipto, nga isuda da Elnatan nga anac a lalaki ni Acbor, ken dadduma a lallaki a naicuyog kencuana, idiay Egipto;
23Ket innalada ni Urias manipud Egipto ken inyegda ken Joakim nga ari, Jer. 22:17.isu a nangpapatay kencuana iti campilan, ket impurruacna ti bangcayna cadagiti tanem dagiti nanumo a tattao.
24Ngem ti ima 2 Ar. 22:12.ni Ahicam nga anac a lalaki ni 2 Cron. 34:8. Jer. 36:10.Safan adda idi ken Jeremias, tapno isu saanda coma nga iyawat iti ima ti umili a mangpapatay kencuana.
Who We AreWhat We EelieveWhat We Do
2025 by iamachristian.org,Inc All rights reserved.
