1 Mat. 23:8. Saan nga aducayo coma a mannursuro, cacabsatco; idinto nga ammoyo nga awatentayto ti naing-inget a pannacaocom.
2Ta maitibcultayo amin cadagiti adu a banbanag. Sant. 1:19, 23.No adda saan a macabasol iti sao, maysa a Sant. 1:4.tao, a naimbag unay, a macabalin a Sant. 1:26.mangngednged iti isu-amin a bagi.
3Ta no icabiltayo dagiti freno dagiti caballo, cadagiti ngiwatda, tapno agtulocda cadatayo, mapagtuloctayo met ti amin a bagida.
4Kitaenyo met dagiti sasacayan uray nagdadackelda ken iduron ida dagiti angin a napigsa, mapusipusda pay gapu iti maysa a bassit unay a timon, iti uray sadino a cayatto a pangiturongan ti mangidalan.
5Casta met ti dila maysa a camcameng a bassit, ket Sal. 12:3, 4; 73:8, 9.pagpasindayagna dagiti dadackel a banbanag. Kitaenyo ti nagdackel a cacaycayoan silmutan ti bassit nga apuy!
6Ket Prov. 16:27.ti dila isu ti maysa nga apuy, ti maysa a lubong ti kinadakes, a maicabil iti nagtengngaan dagiti camcamengtayo; Mat. 15:11, 18.isu a mangtulaw iti isu-amin a bagi, ket pasgedanna ti pilid ti sangcaparsuaan ket mapasgedan ti infierno.
7Ta isu-amin a kita dagiti animal ken tumatayab, dagiti agcarcarayam ken dagiti adda iti baybay, paammoen ida ken pinaamo ti tao:
8Ngem ti dila saan a mabalin a paammoen ti uray siasino a tao: maysa a dakes a di aginana, Sal. 140:3.napno iti gamut a macapatay.
9Isu ti pangdayawtayo iti Apo ken Ama, ket isu ti pangilunodtayo cadagiti tattao isuda a Gen. 1:26.naaramid a caasping ti Dios:
10Iti maymaysa a ngiwat rummuar ti panangidayaw ken panangilunod. Cacabsat, dagitoy a banbanag saanda a maipaay a casta ti pannacaaramidda.
11Ipussoac aya ti maysa nga ubbog iti maymaysa nga abut, ti danum a nasam-it ken napait?
12Mabalin aya, cacabsatco, ti higos a patauden ti olivas, wenno ti uvas, higos? Di met mabalin ti apgad a patauden ti danum a nasam-it.
13Siasino ti masirib ken mannacaammo cadacayo? Ipakitana coma gapu iti naimbag a Gal. 1:18.panagbiagna, Sant. 2:18.dagiti aramidna iti kinaemma ti sirib,
14Ngem no adda cadagiti puspusoyo dagiti napait nga agum ken ti pannakilasin, dicay agpasindayag ken dicay agulbod a maisalungasing iti pudno.
15Saan nga isu Sant. 1:17.daytoy ti sirib nga aggapu sadi ngato; no di ket ti sirib a 1 Cor. 2:14.nailubungan, dinederrep, sinasairo.
16Ta no sadino ti yan dagiti agum ken panagriringgor adda idiay ti riribuc ken amin nga aramid a kinadangcuc.
17Ngem ti sirib nga aggapu sadi ngato, umuna nadalus, sumaganad Fili. 4:5.natalna, nalaing, nalaca a pagdawatan Gal. 5:22.napno iti asi ken cadagiti nasayaat a bungbunga, Sant. 2:4.awan ti idumdumana, Rom. 12:9.awan ti panaginsisingpetna.
18Ket ti bunga ti kinalinteg Fili. 1:11.maimula iti talna a maipaay cadagiti agar-aramid ti talna.
Who We AreWhat We EelieveWhat We Do
2025 by iamachristian.org,Inc All rights reserved.
