ISAIAS 59 - Ilokano Form-Based Bible: Ti Biblia (1973)

Ti pannacaipudno dagiti kinadangkes ti umili.

1Adtoy, ti ima ni Jehova Num. 11:13. Isa. 50:2.saan a napaababa, tapno dina mabalin ti mangisalacan; ti lapayagna saan met a nabannog, tapno dina mabalin ti dumngeg:

2 Isa. 50:1; 64:7. Ngem dagiti kinadangkesyo namagsinada cadacayo ken iti Diosyo, ket dagiti basbasolyo inlemmengda ti rupana cadacayo, iti casta dinto mangipangag.

3Ta dagiti Isa. 1:15.imayo narugitanda iti dara, ken dagiti ramayyo iti kinadangkes; dagiti bibigyo nagsaoda cadagiti ulbod, ti dilayo nagdayamudom iti dakes.

4Awan ti makicalintegan a sililinteg, Isa. 66:16. Jer. 2:35; 25:31.ket awan ti mangsalacnib iti kinapudno: agtalecda iti kinaubbaw, ken agsaoda cadagiti ulbod; Sal. 7:14.sicugenda ti dakes, ket agipasngayda iti kinadangkes.

5Isuda agucupda cadagiti itlog ti uleg, ken agabelda iti catay ti lawalawa: ti mangan cadagiti itlogda matay; ket ti mapandagan agpessa ket rumuar ti maysa a carasaen.

6Dagiti abelda didanto agbalin a pagan-anay, dindanto maabbongan dagiti bagida met laeng cadagiti aramidda: dagiti aramidda isuda dagiti aramid ti kinadangkes, ket ti aramid ti panagrabsut adda cadagiti im-imada.

7Dagiti sacada agtarayda iti dakes, Rom. 3:15-17.ket agpardasda a mangibucboc iti dara nga awan ti basolna: dagiti panunotda isuda dagiti panunot ti kinadangkes; pannacarba ken pannacadadael dagiti adda cadagiti daldalanda.

8Ti dalan ti talna dida ammo; ket awan ti kinajusticia cadagiti pagnaanda: Sal. 125:5. Prov. 2:15.inaramidda ida a nakillo a daldalan; uray asino a mapan idiay dina ammo ti talna.

9Gapuna a ti kinajusticia adayu cadacami, ti kinalinteg dinacami met macamacam: Jer. 8:15.sapulenmi ti lawag, ngem, adtoy, ti kinasipnget: ken iti kinaraniag, ngem magnacami iti kinacudrep.

10Dacami agararicapcami iti diding a Deut. 28:29. Job 5:14.cas iti bulsec; wen, dacami agar-aricapcami a cas cadagiti awan matada: dacami maitibcolcami iti matoon a cas iti sumipnget; iti tengnga daydiay nabileg dacami cascami la natay a tattao.

11Agungorcami amin a cas cadagiti oso, ken Isa. 38:14.agunnoycami iti nasaem a cas cadagiti calapati: sapulenmi ti kinajusticia, ngem awan; ken ti pannacaisalacan, ngem isu adayu cadacami.

12Ta dagiti salungasingmi umaduda iti sangoanam, ket dagiti basolmi manacsida iti maibusor cadacami; ta dagiti labsingmi addada cadacami, ket no maipapan cadagiti kinadangkesmi, ammomi ida:

13Ilalabsing ken panangilibac ken ni Jehova, ken isisiasi iti isusurot iti Diosmi, panagsao iti pammarigat ken yaalsa, panagpakinakem ken Mat. 12:34-35.panagsao iti puso cadagiti sasao ti kinaulbod.

14Ti kinajusticia mapasunud, ket ti kinalinteg agtacder iti adayu; ta ti kinapudno maipasag iti dalan, ket ti kinalinteg dina mabalin ti sumrec.

15Wen, ti kinapudno awan; ket daydiay nga italawanna ti kinadangkes maaramid met laeng a kinayawan. Ket ni Jehova nakitana, ket namapungtot kencuana, ta awan idi ti kinajusticia.

16 Isa. 63:5. Eze. 22:30. Ket nakitana nga awan idi ti tao, ket nasdaaw nga awan idi ti mangibabaet: gapuna a ti met laeng tackiagna ti mangyeg ti pannacaisalacan kencuana; ket ti kinalintegna, ti nangtengngel kencuana.

17Ket incawesna ti kinalinteg Isa. 61:10. Efe. 6:14.a cas maysa a cabal, ken maysa a cabal ti pannacaisalacan iti rabaw ti olona; ket nagcawes iti ibabales a pannacapagananayna, ket naabbongan iti regta a cas maysa a cagay.

18Cas cadagiti aramidda, Isa. 63:6.iti mayanatop manggungunanto, ti pungtot cadagiti casupadina, supapacannanto dagiti cabusorna; Isa. 41:1.cadagiti purpuro itdennanto ti gunguna.

19Iti casta Sal. 113:3.agbutengdanto iti nagan ni Jehova manipud iti laud, ket ti dayagna manipud iti leleggacan ti init; ta isu umayto a Apoc. 12:15.cas maysa a napegges nga ayus ti danum, nga ipugso ti bang-es ni Jehova.

20Ket maysa a Mannubbot Rom. 11:26, 27.umayto iti Sion, ken cadagidiay putot ni Jacob, isuda nga aglicud iti panaglabsing, cuna ni Jehova.

21Ket ti maipapan caniac, Jer. 31:31. Heb. 8:10; 10:16.daytoy isu ti tulagco cadacuada, cuna ni Jehova: ti Espirituc nga adda kenca, ken Isa. 51:16.dagiti saoc nga incabilco ita ngiwatmo, didanto pumanaw ita ngiwatmo, uray iti ngiwat ti putotmo, uray iti ngiwat ti putot ti putotmo, cuna ni Jehova, manipud ita ken iti agnanayon.