DAGITI SALMO 73 - Ilokano Form-Based Bible: Ti Biblia (1973)

LIBRO IIITi Panungpalan ti Nadangkes maidilig iti Panungpalan ti Nalinteg. Salmo ni Asaf.

1Pudno a ti Dios naimbag iti Israel, wen cadagiti nadalus ti pusoda.

2Ngem no siac, dagiti sacsacac nagistayda napanen; dagiti addangco ngannganida la unay naigalis.

3 Job 21:7. Sal. 35:27. Ta immapalac cadagiti napalangguad, idi a nakitac ti kinarang-ay dagiti managdacdakes.

4Ta awan ti panagrigat iti ipapatayda; ngem natibker ketdi ti Gen. 41:2.pigsada.

5Awananda iti pacapulcocan a cas cadagiti sabali a tattao; saanda met a maparparigatan a cas cadagiti sabali a tattao.

6Gapuna a ti kinatangsit isu ti cas cawar a naipulipul iti tengngedda; ti panagrabsut mangbungon cadacuada a cas cawes.

7Dagiti matmatada agbucbukirad iti kinalucmeg: adda cadacuada ti ad-adu ngem ti mabalin a calicaguman ti puso.

8Mangrabrabngisda, ket iti kinadakes agiyebcasda iti panangidadanes: 2 Ped. 2:18. Jud. 16.agsaoda a sipapalangguad.

9Intan-ocda ti ngiwatda cadagiti langlangit, ket ti dilada agdakiwas ditoy daga.

10Anansata dagiti tattaona agsublida ditoy: ket dandanum ti napno a tagayan maareb-eb gapu cadacuada,

11Ket cunada, Job 22:13. Sal. 10:11.Casano ti pannacaammo ti Dios? Ket adda aya pannacaammo idiay Cangatoan?

12Matmatanyo, dagitoy dagiti nadangkes; bil. 3. Sal. 17:14.ket idinto a sinanam-ayda laeng, dumegdeg ti kinabacnangda.

13 bil. 1. Mal. 3:14. Pudno nga ubbaw ti panangugasco itoy pusoc, Sal. 26:6.ken panagbuggoc cadagiti im-imac iti kinadalus;

14Ta agmalmalem a nadidigraac, ket ti pannacadusac binigambigat.

15No kinunac coma, Casta ti sawecto; Ney, nagaramidac coman iti liniliput iti caputotan dagiti annacmo.

16Idi pinanunotco no casano ti pannacaammoc coma iti daytoy, napalalo ti rigatco;

17Inggana iti Sal. 20:2; 77:13.napanac iti nasantoan a disso ti Dios, ken inututobco ti maudi a Sal. 37:38.tungpalda.

18Pudno nga icabilmo Sal. 35:6.ida cadagiti nagalis a yan: itublacmo ida iti pannacadadael.

19Anian ti panagbalinda a nalangalang iti apagdaricmat; marunotda a maibus cadagiti amames.

20 Job 20:8. Cas maysa a dardarepdep no agriing datao, casta, O Apo, Sal. 78:65.no agriingca, umsiemto ti langada.

21Ta ti cararwac napataramnay, ken naduyocac itoy pusoc:

22 Sal. 92:6. Iti casta napaduegac, ken nanengnengac; maysaac a cas atap nga animal iti sangoanam.

23Nupay casta siaaddaac a cancanayon kenca: tinengngelmo ti canawan nga imac.

24 Sal. 32:8. Sica iturongnacto iti pammatigmaanmo, ket Sal. 49:15.calpasanna awatennacto iti kinadayag.

25 Fili. 3:8. Siasino ti tagicuaec sadi langit no saan a sica? Ket awan ditoy rabaw ti daga ti aniaman a tarigagayac no saan a sica.

26 Sal. 40:12; 84:2. Ti lasagco ken ti pusoc marsaac-da; ngem ti Dios isu ti kired toy pusoc ken Sal. 16:5.biangco nga agnanayon.

27Ta, ni, dagiti adayo kenca mapucawdanto: rinacracmo amin Ex. 34:15. Num. 15:39. Sant. 4:4.dagiti agbalangcantis, nga aglicud kenca.

28Ngem nasayaat nga Heb. 10:22.umasasidegac iti Dios: pinagbalinco ni Apo Jehova a camangco, Sal. 107:26.tapno maisaritac amin dagiti ar-aramidmo.