1Calpasan daytoy nangrugi a nagsao ni Job, ket inlunodna ti aldawna.
2Ket ni Job simmungbat ket kinunana:
3 Jer. 20:14-18. Mapucaw coma ti aldaw a nacayanacac, ken ti rabii a nagcuna, Adda maysa nga ubing a lalaki a naisicug.
4Dayta nga aldaw agsipnget coma; ti Dios manipud ngato isu ti dina coma biruken, uray ti silaw di coma aglawag kencuana.
5Ti Sant. 5:10, 11.kinasipnget ken aniniwan ni patay isu ti dawatenda coma a maipaay a bucodda. Maysa nga ulep agraeng coma iti rabawna; amin a mangpasipnget iti aldaw mangkigtot coma kencuana.
6Ti maipapan idi a rabii, nacaro a kinasipnget ti agtalinaed coma kencuana: di coma agrag-o iti tengnga dagiti aldaw ti tawen; di coma umay iti bilang dagiti bulbulan.
7Adtoy, daydiay a rabii aglupes coma; narag-o a timec di coma umay kencuana.
8Isu ti ilunod coma dagiti mangilunod iti aldaw, a sidadaan a mangbangon iti leviatan.
9Dagiti bitbitwen iti apagsuripet agsipngetda coma; aguray coma iti silaw, ngem awan lac-amenna; uray dagiti Job 1:22.calub ti mata ti bigat isu din coma makita.
10Agsipud ta dina pinunitan dagiti ruangan ti tian ni inac, dina met inlemmeng ti pulcoc cadagiti matac.
11Apayapay a diac Job 10:18, 19.natay nanipud tian? apayapay a diac inyawat ti cararuac idi inyanacnac ni inac?
12 Gen. 30:3; 50:23. Isa. 66:12. Apayapay a dagiti tumeng inawatdac? Wenno apayapay dagiti suso a pagsusoac coma?
13Iti casta nagiddaac coma ken nagtalnaacon; naturogac coma; iti casta naginanaacon.
14Agraman cadagiti ar-ari ken mamalbalacad ti daga, a nangbangon cadagiti narnarba a disso a maipaay cadacuada met laeng;
15Wenno agraman cadagiti pangpangoloen nga addaan idi iti balitoc, isuda a nangpusec cadagiti balbalayda iti pirac:
16Wenno Sal. 58:8. Ecle. 6:3.cas iti maysa a mailemmeng a nasapa a nayanac awanac idin, cas cadagiti maladaga a di-nacakita iti lawag uray caano.
17Idiay dagiti nadangcoc pagsardengenda ti panangriribuc; ket idiay aginana dagiti nabannog,
18Idiay dagiti balbalud agtalnada, dida mangngeg ti timec ti mangdagdag.
19Ti bassit man ken dackel adda idiay: ket ti adipen mawayawayaan ken apona.
20Apay aya a maited ti lawag iti adda iti 1 Sam. 1:10. Prov. 31:6.kinaay-ay-ay, ken biag iti napait iti cararua;
21Nga agcaligagum la unay ken Apoc. 9:6.patay, ngem isu ti di umay, ken mangbir kencuana a nangnangrona ngem cadagiti nailemmeng a gamgameng;
22Dagidiay nga agrag-o iti napalalo, ken naragsacda, no masaracda iti tanem?
23 Apayapay naited ti lawag iti maysa a tao a nailemmeng ti daalnna, ken daydiay nga Job 19:8. Sal. 88:8.inaladan ti Dios?
24Ta ti panagasugco umay iti sacbay Sal. 42:3; 80:5; 102:9.ti pannanganco, ket dagiti ununnoyco maibucbocda a cas danum.
25Ta ti pagkintayegac umay iti rabawco. Ket ti pagbutngac umay caniac,
26Diac agtalna, diac agtalingenngen, awan met ti inanac; no di ket umay ti riribuc.
Who We AreWhat We EelieveWhat We Do
2025 by iamachristian.org,Inc All rights reserved.
