II AR-ARI 20 - Ilokano Form-Based Bible: Ti Biblia (1973)

Ni Ezekias agsakit ngem ti biagna mapaatiddog. Ipakitana dagiti gamgamengna cadagiti taga Babilonia.

1 2 Cron. 32:24. Aginga bil. 11. Isa. 38:1-8, 21, 22. Cadagidi nga al-aldaw ni Ezekias nagsakit iti macapatay. Ket ni Isaias a mammadto nga anac ni Amos immay kencuana, ket kinunana kencuana, Castoy ti cuna ni Jehova, Urnosem ti balaymo; ta mataycanto, ket dicanto agbiag.

2Idin intaliawna di rupana iti diding, ket kimmararag ken ni Jehova, a kinunana,

3 Neh. 5:19. Lagipem ita, O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a puso a napalongdoan, 2 Ar. 18:3.ket inaramidco daydiay a naimbag ita imatangmo. Ket ni Ezekias nagsangit iti nasaem.

4Ket naaramid, iti sacbay a ni Isaias macaruar idi iti tengnga ti ili, a ti sao ni Jehova immay kencuana, a kinunana,

5Agsublica, ket cunaem ken ni Ezekias a 1 Sam. 9:16; 10:1.pangulo ti ilic, Castoy ti cuna ni Jehova, a Dios ni David nga amam, 2 Ar. 19:20. Sal. 65:2.Nangngegco ta Sal. 39:12; 56:8.cararagmo, nakitac dagita luluam: adtoy, a siac paimbagencanto; iti maicatlo nga aldaw umulicanto iti balay ni Jehova.

6Ket nayonacto dagita al-aldawmo iti sangapulo ket lima a tawen; ket ispalencanto ken daytoy nga ili iti ima ti ari ti Asiria; ket 2 Ar. 19:34.salacnibacto daytoy nga ili a gapu caniac met laeng, ken gapu ken ni David nga adipenco.

7Ket ni Isaias Isa. 38:21.kinunana, Mangalacayo iti sangcatipkel nga higos. Ket nangalada ket isu ti incabilda iti rabaw di bosali, ket isu immimbag.

8Ket ni Ezekias kinunana ken ni Isaias, 2 Ar. 19:29.Ania ti pagilasinan a ni Jehova paimbagennacto, ket umuliacto iti balay ni Jehova iti maicatlo nga aldaw?

9Ket ni Isaias kinunana, Daytoyto ti pagilasinan kenca nga aggapu ken ni Jehova, a ni Jehova aramidennanto ti banag nga insaona: ti aniniwan mapanto iti sango iti sangapulo a gerger, wenno sumublinto iti nalicudanna iti sangapulo a gerger?

10Ket ni Ezekias simmungbat, Nalaca a banag a ti aniniwan agpababa iti sangapulo a gerger; saan, no di ket ti aniniwan agsubli coma a sumanud iti sangapulo a gerger.

11Ket ni Isaias a mammadto immasug ken ni Jehova; ket insublina di aniniwan iti sangapulo a gerger, a bimmabaanna idi iti cuadrante ni Acaz.

12 Aginga bil. 19. Isa. 39:1-8. Iti daydi a tiempo ni Berodac-baladan nga anac ni Baladan, nga ari sadi Babilonia, nangibaon cadagiti sursurat ken maysa a sagut ken ni Ezekias; ta nangegna idi nga ni Ezekias nagsakit.

13Ket ni Ezekias inimdenganna ida, ket imparangna cadacuada iti isu-amin a balay dagiti cucuana a napateg, ti pirac, ti balitoc, ken recrecado, ken ti napateg a lana, ken di 2 Cron. 32:27.balay dagiti gamigamna, ken isu-amin a nasaracan cadagiti gamgamengna: awan ti uray aniaman iti balayna, wenno iti isu-amin a pagturayanna, a ni Ezekias dina imparang cadacuada.

14Idin ni mammadto nga Isaias immay ken ni ari Ezekias, ket kinunana kencuana, Ania ti kinuna dagitoy a lallaki? ket sadino ti naggapuanda inggana kenca? Ket ni Ezekias kinunana, Naggapuda iti adayu a daga, sadi Babilonia met laeng.

15Ket isu kinunana, Ania ti nakitada iti balaymo? Ket ni Ezekias simmungbat, Nakitada amin nga adda iti balayco: awan ti uray aniaman cadagiti gamgamengco a diac imparang cadacuada.

16Ket ni Isaias kinunana ken ni Ezekias, Denggem ti sao ni Jehova,

17 2 Ar. 24:13; 25:13. Jer. 27. Adtoy, a dagiti al-aldaw umayda, nga isu-amin nga adda iti balaymo, ken daydiay a dagidi ammam indulinda agingga ita nga aldaw, maipandanto sadi Babilonia: awanto ti mabati, cuna ni Jehova.

18Ket cadagiti annacmo a lallaki nga agtaudto kenca, isuda a putotemto, alaendanto, ken isudanto dagiti eunucos iti palacio ti 2 Ar. 24:12.ari ti Babilonia.

19Idin ni Ezekias kinunana ken ni Isaias, Naimbag ti sao ni Jehova nga insaom. Kinunana 2 Cron. 32:25, 26.pay met, Saan a casta, no ti talna ken kinapudno addadanto cadagiti al-aldawco?

20 2 Cron. 32:32. Ti matda cadagiti ar-aramid ni Ezekias, ken isu-amin a kinamaingelna, ken no casano ti panangaramidna idi 2 Ar. 18:17.tanke, ken di calasugan, ket 2 Cron. 32:30.inserrecna di danum iti ili, saanda aya a naisurat iti libro dagiti cronicas dagiti ar-ari ti Juda?

21Ket ni Ezekias nakiturog cadagiti ammana; ket ni Manases nga anacna nagari iti saadna.