NUMEROS 29 - Ilokano Form-Based Bible: Ti Biblia (1973)

Datdaton ti maicapito a bulan.

1Ket iti maicapito a bulan, iti umuna nga aldaw ti bulan, addanto maysa a nasantoan a panaguummongyo; dicayto agaramid iti trabajo a panggedan Lev. 23:24.isu ti maysa nga aldaw a panagaweng dagiti tangguyob cadacayo.

2Ket idatagyonto ti maysa a daton a mapuuran a maipaay a nabanglo a sayamusom ken Jehova, maysa a bumaro a vaca, maysa a carnero a lalaki, pito a cordero a lallaki a maysa ti tawenda, nga awan ti pilawda:

3Ket ti datonda a macan, namayecmec nga harina a nagamayan iti lana, tallo nga apagcapullo a nayon ti vaca, dua nga apagcapullo a nayon ti carnero.

4Ken maysa nga apagcapullo a nayon ti tunggal cordero cadagiti pito a cordero;

5Ken maysa a calding a lalaki a maipaay a daton gapu iti basol, tapno aramiden a pacaabbonganyo.

6 Num. 28:11. Sabali laeng ti daton a mapuuran iti baro a bulan, ken ti datonna a macan, ken ti Num. 28:3.cancanayon a daton a mapuuran ken ti datonna a macan, ken dagiti datdatonda a mainum, cas mayannurot iti alagadenda, a maipaay a nabanglo a sayamusom, maysa a daton a maaramid iti apuy ken Jehova.

7 Lev. 16:29. Ket iti maicasangapullo nga aldaw ti daytoy maicapito a bulan, addanto maysa a nasantoan a panaguummongyo; ket Sal. 35:13. Isa. 58:5.agladingitto dagiti cararuayo; dicayto agaramid iti uray ania a pagbannogan;

8Ngem mangipaaycayto iti maysa a daton a mapuuran ken Jehova, a maipaay a nabanglo a sayamusom; maysa a bumaro a vaca, maysa a carnero a lalaki, pito a cordero a lallaki nga apagtawenda, isuda awanto cadacayo ti Num. 28:19.pacapilawanda;

9Ket ti datonda a macan, namayecmec nga harina a nagamayan iti lana, tallo nga apagcapullo a nayon ti vaca, dua nga apagcapullo a nayon ti carnero,

10Maysa nga apagcapullo a nayon ti tunggal cordero cadagiti pito a cordero;

11 Num. 28:15. Maysa a calding a lalaki a maipaay a daton gapu iti basol; Lev. 16:3, 5.sabali laeng ti daton gapu iti basol ti pannacaabbong, ket ti daton mapuuran a cancanayon, ken ti datonna a macan, ken dagiti datdatonda a mainum.

12 Lev. 23:34. Ket iti maicasangapullo ket lima nga aldaw ti maicapito a bulan, addanto maysa a nasantoan a panaguummongyo; dicayto aramiden ti nadagsen a panagbannog, ket ngilinenyonto ti maysa a fiesta ken Jehova cadagiti pito nga aldaw:

13Ket Est. 3:4.ipaayyonto ti maysa a daton a mapuuran, a maysa a daton a maaramid iti apuy, a nabanglo a sayamusom ken Jehova; sangapulo ket tallo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda; isuda awanto ti pilawda.

14Ket ti datonda a macan, namayecmec nga harina a nagamayan iti lana, tallo nga apagcapullo a nayon ti tunggal vaca cadagiti sangapulo ket tallo a vaca, dua nga apagcapullo a nayon ti tunggal carnero cadagiti dua a carnero.

15Ken maysa nga apagcapullo a nayon ti tunggal cordero cadagiti sangapulo ket uppat a cordero:

16Ken maysa a calding a lalaki a maipaay a daton gapu ti basol; sabali laeng ti cancanayon a daton a mapuuran, ti datonna a macan, ken ti datonna a mainum.

17Ket iti maicadua nga aldaw idatagyonto ti sangapulo ket dua a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda, nga awan ti pilawda.

18Ket ti datonda a macan, ken dagiti datdatonda a mainum a nayon dagiti vacvaca, nayon dagiti carcarnero, ken nayon dagiti corcordero, cas mayannurot iti bilangda, a bil. 3, 4, 9, 10. Num. 15:11-12; 28:7, 14.mayalubog iti alagadenda:

19Ken ti maysa a calding a lalaki a maipaay a daton gapu iti basol; sabali laeng ti cancanayon a daton a mapuuran, ken datonna a macan ken datonda a mainum.

20Ket iti maicatlo nga aldaw, sangapulo ket maysa a bumbumaro a vaca, dua a carnero a lallaki, sangapulo ket uppat a cordero a lallaki nga agtawen iti maysa, nga awan ti pilawda;

21Ken ti datonda a macan, ken datdatonda a mainum, a nayon dagiti vacvaca, a nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:

22Ken maysa a calding a lalaki a maipaay a daton gapu iti basol; sabali laeng ti daton a mapuuran a cancanayon, ken datonna a macan, ken ti datonna a mainum.

23Ket iti maicapat nga aldaw, sangapulo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda, nga awan ti pilawda:

24Ti datonda a macan, ken datdatonda a mainum a nayon dagiti vacvaca, a nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:

25Ken ti maysa a calding a lalaki a maysa a daton gapu iti basol; sabali laeng ti cancanayon a daton a mapuuran, ti datonna a macan ken ti datonna a mainum.

26Ket iti maicalima nga aldaw, siam a bumbumaro a vaca, dua a carnero a lallaki a maysa ti tawenda, nga awan ti pilawda;

27Ken ti datonda a macan, ken datdatonda a mainum a nayon dagiti vacvaca, a nayon dagiti carcarnero, ken nayon dagiti corcordero, a mayannurot iti bilangda, a mayalubog iti alagaden:

28Ken maysa a calding a lalaki a daton gapu iti basol; sabali laeng ti cancanayon a daton a mapuuran ken ti datonna a macan, ken ti datonna a mainum.

29Ket iti maicanem nga aldaw, walo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda nga awan ti pilawda:

30Ken ti datonda a macan, ken datdatonda a mainum a nayon dagiti vacvaca, nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:

31Ken maysa a calding a lalaki a daton gapu iti basol; sabali laeng ti daton a mapuuran a cancanayon, ti datonna a macan, ken ti datonna a mainum.

32Ket iti maicapito nga aldaw, pito a bumbumaro a vaca, dua a carnero a lallaki, sangapulo ket uppat a cordero a lallaki a tumawenen nga awan ti pilawda:

33Ken ti datonda a macan, ken dagiti datdatonda a mainum, a nayon dagiti vacvaca, nayon dagiti carcarnero, ken nayon dagiti corcordero, cas mayannurot iti bilangda a mayalubog iti alagaden:

34Ken maysa a calding a lalaki a daton gapu iti basol; sabali laeng ti cancanayon a daton a mapuuran, ti datonna a macan, ken datonna a mainum.

35Ket iti maicawalo nga aldaw addanto maysa a Lev. 23:36.gimong a nadaeg; dacayo dicayto agaramid iti trabajo a panggedan;

36Ngem ipaayyonto ti maysa a mapuuran, maysa a daton a maaramid iti apuy, a nabanglo a sayamusom ken Jehova: maysa a lalaki a vaca, maysa a carnero a lalaki, pito a cordero a lallaki, a tumawendan nga awan ti pilawda:

37Ti datonda a macan ken dagiti datonda a mainum a nayon ti vaca, nayon ti carnero a lalaki, ken nayon dagiti corcordero, mayannurotdanto iti bilangda, a mayalubog iti alagaden:

38Ken maysa a calding a lalaki a daton gapu iti basol; sabali laeng ti cancanayon a daton a mapuuran, ken ti daton a macan, ken datonna a mainum.

39Dagitoy ti ipaayyonto ken Jehova cadagiti Lev. 23:2, 4. 1 Cron. 23:31. 2 Cron. 31:3.natudingan a fifiestayo Lev. 7:11, 16; 22:21, 23.sabali laeng dagiti carcariyo, ken dagiti datdaton ti sibubulos a nakemyo, a mapuuran, ken maipaay a datdatonyo a macan, ken maipaay a datdatonyo a mainum, ken maipaay cadagiti datdatonyo iti cappia.

40Ket ni Moises imbagana cadagiti annac ti Israel cas mayannurot iti amin nga imbilin ni Jehova ken Moises.