1Ket iti calpasanna da Moises ken Aaron dimmanonda ket kinunada ken Faraon, Castoy ti sao ni Jehova a Dios ti Israel, Bay-am a pumanaw ti umilic tapno inda rambacan ti maysa a Ex. 10:9; 12:14.fiesta caniac idiay let-ang.
2Ket ni Faraon kinunana, 2 Ar. 18:35.Asino ni Jehova nga imdengac coma ti timecna tapno bay-ac a pumanaw ti Israel? Diac am-ammo ni Jehova, ket maysa pay diacto palubosan ti Israel.
3Ket isuda kinunada, Ex. 3:18; 7:16.Ti Dios dagiti Hebreos nasaracnacamin: dawatenmi kenca, palubosannacami, iti tallo nga al-aldaw a magmagna cami coma iti let-ang, ket agidatoncaminto ken Jehova a Diosmi; di la ket ta itinnagna cadacami ti angol wenno campilan.
4Ket ti ari ti Egipto kinunana cadacuada, Apayapay a dacayo, Moises ken Aaron, pagsardengenyo ti umili cadagiti aramidda? Incayo cadagiti Ex. 1:11.annungenyo.
5Ket ni Faraon, kinunana, Adtoy a dagiti tattao adudan iti daga, ket dacayo paginanaenyo ida cadagiti annungenda.
6Ket idi met la nga aldaw ni Faraon imbilinna cadagiti mangdagdagdag cadagiti tattao, ken cadagiti agturturayda, a cunana:
7Manipud ita dicayto mangted ti garami cadagiti tattao a pagladrilloda a cas iti nalabes: mapandan agala iti garami a masapulda.
8Ket ti bilang dagiti ladrillo, nga ar-aramidenda idi ipaaramidyo cadacuada; awan ti uray ania a kessayenyonto: ta isuda bayanggudawda; isu ti gapuna nga agickisda nga agcuncuna, Palubosannacami nga agdaton iti Diosmi.
9Maidagdagsen coma ti annungen dagiti tattao, tapno isu ti pagbannoganda; ket dida coma italtalec dagiti sasao a naulbod.
10Ket dagiti mangdagdagdag cadagiti tattao ken dagiti agturturayda rimmuarda, ket nagsaoda cadagiti tattao a kinunada, Castoy ti sinao ni Faraon, Siac diacto mangted ti garami cadacayo.
11Incayo dacay met laeng, mangalacayo iti garami no sadino ti pacasaracanyo: ta awanto ti makessay nga aramidyo.
12Iti casta dagiti tattao nagwarasda iti lawlaw ti amin a daga nga Egipto a mangala iti garami.
13Ket dagiti mangdagdagdag dinagdagda ida a cuncunada, Leppasenyo ti aramidyo, a cas iti inaldaw, a gapuananyo idi adda garami.
14Ket dagiti agturturay dagiti annac ti Israel, nga incabil dagiti mangdagdag ni Faraon nga agturay cadacuada, nasapsaplitda, ket nasaludsud cadacuada, Apayapay a dicayo tinungpal ti annongenyo idi calman ken ita a panagladrillo a cas idi cua?
15Idin dagiti agturturay dagiti annac ti Israel dimmanonda ken nagasugda ken Faraon a cunada, Apayapay castoy ti aramidem cadagiti ad-adipenmo?
16Awan ti maited a garami cadagiti ad-adipenmo, ket cunada cadacami, Ag-ladrillocayo: ket adtoy a mababaot dagiti ad-adipenmo; ngem dagiti cailiam isuda ti yan ti biddut.
17Ngem kinunana, Bayanggudawcayo, bayanggudawcayo: gapu a cunayo, Palubosannacami nga agdaton ken Jehova.
18Incayo ngarud ita ket agtrabajocayo; ta awanto ti maited cadacayo a garami, nupay casta yawatyonto ti bilang dagiti ladrillo.
19Ket dagiti agturturay cadagiti annac ti Israel nakitada a dakes ti casasaadda, idi a naisao, Dicayto kessayan a pulos dagiti ladrilloyo, a rebbengyo iti inaldaw.
20Ket pimmanawda ken Faraon idi nasabetda da Moises ken ni Aaron, a nagtacderda iti dalan:
21Ket dagiti agturturay, kinunada cadacuada, Ex. 6:9.Ni Jehova imatangannacayo coma ket ipatona; ta dacayo ti nangaramid iti Gen. 34:30. 2 Sam. 10:6.pacaguraanmi cadagiti mata ni Faraon, ken cadagiti mata dagiti ad-adipenna, ta icabilyo iti imada ti campilan a pamatayda cadacami.
22Ket ni Moises nagsubli ken Jehova ket kinunana, Apo, apayapay a dakes ti namayam cadagitoy nga umili? ania ti gapuna nga binaonnac?
23Ta nanipud idi dimmanonac ken Faraon nga agsao ti naganmo, pinarigatna dagitoy nga umili; ket sica dica met la inispal ti ilim iti uray ania.
Who We AreWhat We EelieveWhat We Do
2025 by iamachristian.org,Inc All rights reserved.
