TAGA GALACIA 4 - Ilokano Form-Based Bible: Ti Biblia (1973)

Ni Cristo ilapsutnatayo iti linteg.

1Ngem cunac, bayat ti kinaubing Gal. 3:29.ti agtawid awan ti pacaidumaanna iti maysa nga adipen, uray pay isu ti apo ti isu-amin;

2No di ket adda iti babaen dagiti agaywan ken dagiti agtaraken, agingga iti aldaw a tinudingan ni amana.

3Casta met cadatayo idi ububbingtayo, Gal. 2:4. Col. 2:8, 20.addatayo iti babaen ti pannacaadipen, iti babaen dagiti pagsursuroan a nailubungan ti linteg:

4Ngem Mar. 1:15.idi nadanunan ti aldaw, ti Dios imbaonna ti Anacna, Juan 1:14. Rom. 1:3.a nayanac iti babai, Mat. 5:17. Luc. 2:27.nayanac iti babaen ti linteg,

5 Gal. 3:13. Tapno subbutenna dagiti adda iti babaen ti linteg, Rom. 8:15. Gal. 3:26.tapno awatentayo coma ti pannacaibilang nga annac.

6Ket agsipud ta dacay dagiti annac, imbaon ti Dios ti Espiritu ni Anacna cadagiti puspusoyo, nga impuccawna: Abba, Ama.

7Iti casta saanca nga adipenen, no di ket anac; Rom. 8:17.ket no anac, agtawid ngarud iti Dios gapu ken Cristo.

8Ngem idi, saanyo pay nga ammo ti Dios, addacay iti pannacaadipen 1 Cor. 8:4.cadagiti saan a nadiosan ti nagtaudanda:

9Ngem ita a naammoanyo ti Dios, wenno nasaysayaat a pannao dacay ti ammoen ti Dios, apayapay nga agsublicayo Heb. 7:18.cadagidiay nacapuy ken nanomo a pagsursuroan a tarigagayanyo manen a pacaadipenan?

10Ngilinenyo dagiti al-aldaw, Rom. 14:5. Col. 2:16.ken bulbulan, ken dagiti tiempo, ken tawtaw-en.

11Maamacac ti maipapan cadacayo, Gal. 2:2.di la ket ta nagbannogac gapu cadacayo nga awan pagmamaayanna.

12Dawatec cadacayo cacabsat, nga agbalincayo coma a cas caniac; ta siac ti cas cadacayo, Awan ti ranggas nga inaramidyo caniac:

13No diket, ammoyo a 1 Cor. 2:3.gapu iti kinacapuy ti bagi, incascasabac cadacayo ti evangelio Gal. 1:6.idi damo:

14Ket dicay inum-umsi ken dicay naglicudan daydi pacasuutanyo idi iti lasagco; no diket inawatdac a cas maysa nga angel ti Dios, a Mat. 10:40. 1 Tes. 2:13.cas ken Cristo Jesus.

15Adino ngarud ita ti yan daydi pammadayawyo idi? ta iccancayo ti pangpanecnec, a no mabalin coma, sinuatyo dagiti matayo, ket intedyo coma ida caniac.

16Nagbalinac aya a cabusaryo, gapu iti panangibagac cadacayo ti pudno?

17Isuda Rom. 10:2.essemandacayo, ngem saan a nasayaat; no di ket cayatdacay cama nga isina cadacami, tapno essemanyo ida.

18Cancanayon a nasayaat ti maesseman no mayalubog iti naimbag, a saan laeng a no addaac a sisasango cadacayo.

19O dongdongoec a 1 Cor. 4:15. 1 Tes. 2:7.maladagac, pasicalencayo manen, agingga iti mabukel ni Cristo 2 Cor. 13:5.cadacayo.

20Cayatco coma ti adda a sisasango cadacayo, ken baliwan ti timecco; ta agduaduaac iti maipapan cadacayo,

Ni Sara ken ni Agar isuda ti caarig ti dua a tulag.

21Ibagayo caniac, dacay nga agtarigagay nga agbiag iti babaen ti linteg, saanyo nga ipangag ti linteg?

22Ta adda a naisurat a ni Abraham adda idi dua nga annacna a lallaki, Gen. 16:15.maysa iti tagabu ket maysa Gen. 21:2.iti babai a siwawaya.

23Ngem daydi anac Rom. 9:7.ti tagabu nayanac cas iti lasag, ngem daydi anac Gen. 17:15, 19; 18:10-14; 21:1.ti babai a siwayawaya nayanac gapu iti cari.

24Dagitoy a banbanag pangngarigda; ta dagitoy dua isuda dagiti dua a tulag; ti maysa naggapu idiay bantay Sinai a mangipasngay cadagiti annac a maipaay Gal. 2:4.iti pannacatagabu ket isu ni Agar.

25Ta daytoy Agar isu ti bantay Sinai, idiay Gal. 1:17.Arabia, ket cayarigan ti Jerusalem ita; ta adda iti pannacatagabu agraman dagiti isu-amin nga annacna.

26Ngem ti Heb. 12:22. Apoc. 3:12; 21:2, 10.Jerusalem sadi ngato agwayawaya; isu nga inatayo.

27Ta adda a naisurat; Isa. 54:1.agragsacca O lupes, Sica a di-naganac; agrag-oca ket agpuccawca, sica a di-nagpasical. Ta ad-adu dagiti annac ti babai a nabaybay-an, ngem iti addaan asawa.

28Ket datayo, cacabsat, cas ken Isaac idi Gal. 3:29.annactayo ti cari.

29Ngem cas idi a ti Gen. 21:9.nayanac cas iti lasag indadanesna daydi nayanac cas iti Espiritu, casta met ita.

30Ngem, ania ti cuna ti Surat? Gen. 21:10.Pagtalawem ti tagabu ken ti anacna; ta dinto makipagtawid ti anac ti tagabu iti anac ti babai a siwawaya.

31Gapuna, cacabsat, datayo saantay nga annac ti tagabu, no di ket ti babai a siwawaya.