1Agtawen idi iti Aginga bil. 9. 2 Cron. 33:1-9.sangapulo ket dua a tawen ni Manases idi a nangrugi a nagari; ket nagari idiay Jerusalem bayat iti limapulo ket lima a tawen: ket ti nagan ni inana Hapsiba.
2Ket inaramidna daydi a dakes iti imatang ni Jehova, a siaannurot cadagiti kinarimon dagiti nasnacion a ni Jehova pinagtalawna idi iti sango dagidi annac ti Israel.
3Ta isu binangonna manen 2 Ar. 18:4.dagiti nangato a disdisso a ni Ezekias nga amana rinugpuna idi; ket namatacder cadagiti al-altar a maipaay ken Baal, ket nangaramid iti maysa nga Asherah, a cas inaramid idi ni 1 Ar. 16:32, 33.Acaz nga ari ti Israel, ket 2 Ar. 17:16; 23:5.nagcararag iti isu-amin a buyot ti langit, ket nagservi cadacuada.
4Ket Jer. 7:30. Eze. 7:20.nangbangon cadagiti al-altar idiay balay ni Jehova, isu a ni Jehova nagcunaanna idi, Siac icabilconto ti naganco 1 Ar. 8:29; 9:3.idiay Jerusalem.
5Ket nangbangon cadagiti al-altar a maipaay iti isu-amin a buyot ti langit iti 1 Ar. 6:36; 7:12. 2 Ar. 23:12.dua a paraangan ti balay ni Jehova.
6 Lev. 18:21. Ket pinalasatna di anacna a lalaki iti apuy, ket Lev. 19:26.nagaramid iti 2 Ar. 17:17.panagbuybuyon, ken nangaramat iti kinabaglan ket 2 Ar. 23:24.nakipagaramid cadagidi agan-anito, ken cadagiti managsalamangca: nagaramid iti adu a dakes iti imatang ni Jehova, a panggargarina kencuana nga agpungtot.
7Ket insaadna ti ladawan a kinitikitan di Asherah, nga isu inaramidna idi, idiay balay isu a ni Jehova kinunana idi ken David ken Salomon nga anacna, bil. 4.Ditoy a balay, ken ti Jerusalem, a pinilic cadagiti isu-amin a caputotan ti Israel, icabilconto ti naganco iti agnanayon;
8 2 Sam. 7:10. Uray caano diacto pagbariwasenen dagiti sacsaca ti Israel manipud iti daga nga intedco cadagiti ammada, no tungpalendanto la ket di nga aramiden ti mayalubog cadagiti isu-amin nga imbilinco cadacuada, ken ti mayalubog iti isu-amin a linteg a ni adipenco a Moises imbilinna cadacuada.
9Ngem isuda dida impangag: ket ni Manases sinulbogna ida a mangaramid iti daydi a dacdakes ngem cadagiti nasnacion a ni Jehova dinadaelna idi iti sango dagiti annac ti Israel.
10Ket ni Jehova nagsao a naaramat dagiti ad-adipenna a mammadto, a kinunana,
11 2 Ar. 23:26; 24:3, 4. Jer. 15:4. Agsipud ta ni Manases nga ari ti Juda 1 Ar. 21:26.inaramidna dagitoy a kinarimon, ken inaramidna ti dacdakes ngem iti isu-amin nga inaramid dagiti Amorreo, nga immun-unada ngem isu, ken casta met a pinagbasolna ti Juda cadagiti ladladawanna;
12Gapuna a castoy ti cuna ni Jehova, a Dios ti Israel, Adtoy, a yegco iti casta a dakes iti Jerusalem ken iti Juda, nga uray asino a macangngegto kencuana, dagiti dua a laplapayagna 1 Sam. 3:11.masisilengdanto.
13Ket yunnatconto iti Jerusalem ti Isa. 28:17. Amos 7:7, 8.paltic ti Samaria, ken ti tinnag ti balay ni Acab; ket punasacto ti Jerusalem, a cas ti panangpunas ti tao iti maysa a malucong, nga isu ti punpunasanna ken balictadenna.
14Ket ibellengconto ti matda ti tawidco ket yawatconto ida cadagiti ima dagiti cabusorda; ket agbalindanto a kinayawan ken sinamsam cadagiti isu-amin a cabusorda;
15Agsipud ta inaramidda daydi a dakes iti imatangco, ket ginargaridac nga agpungtot, nanipud idi aldaw a dagidi ammada rimmuarda sadi Egipto inggana ita nga aldaw.
16 2 Ar. 24:4. Casta met a ni Manases imbucbocna ti dara nga awan basbasolna iti casta unay, agingga iti di napno ti Jerusalem iti igid ken igid; sabali laeng ti basolna a pinamagbasolna iti Juda, iti panangaramidna iti daydi a dakes iti imatang ni Jehova.
17 2 Cron. 33:11-19. Ti matda cadagiti ar-aramid ni Manases, ken isu-amin dagidi nga inaramidna, ken di basol nga inaramidna, saanda aya a naisurat iti libro dagiti cronicas dagiti ar-ari ti Juda?
18Ket ni Manases nakiturog cadagiti ammana, ket isu naitabon idi minuyungan ti balayna, idi minuyungan ni bil. 26.Oza: ket ni Amon nga anacna nagari iti saadna.
19 Aginga bil. 24. 2 Cron. 33:20-24. Agtawen idi iti duapulo ket dua a tawen ni Amon idi a nangrugi a nagari, ket nagari bayat iti dua a tawen idiay Jerusalem: ket ti nagan ni inana Mealemet anac ni Harus a taga Joreba.
20Ket inaramidna daydi a dakes iti imatang ni Jehova, a cas iti inaramid ni Manases nga amana.
21Ket nagna iti isu-amin a dalan a nagnaan ni amana, ket nagservi cadagiti ladladawan isuda a nagservian ni amana, ket nagcararag cadacuada:
22Ket inidianna ni Jehova, a Dios dagidi ammana, ket saan a nagna iti dalan ni Jehova.
23Ket dagiti ad-adipen ni Amon immalsada a maibusor kencuana, ket pinatayda di ari idiay balayna met laeng.
24Ngem dagiti umili ti daga pinapatayda amin dagiti immalsa a maibusor ken ni Amon, ket dagiti umili ti daga incabilda iti saadna nga ari ni Josias nga anacna.
25Ti matda cadagiti ar-aramid ni Amon nga inaramidna idi, saanda aya a naisurat iti libro dagiti cronicas dagiti ar-ari ti Juda?
26Ket naitabon idi tanemna idiay bil. 18.minuyungan ni Oza: ket Mat. 1:10.nagari iti saadna ni Josias nga anacna.
Who We AreWhat We EelieveWhat We Do
2025 by iamachristian.org,Inc All rights reserved.
