II CRONICAS 16 - Ilokano Form-Based Bible: Ti Biblia (1973)

Ti nomo iti Siria. Ni Janami tubngarenna ni Asa. Ti ipapatay ni Asa.

1Iti maicatlopulo ken innem a tawen ti panagari ni Asa, ni Aginga bil. 6. 1 Ar. 15:17-22.Baasa nga ari ti Israel simmang-at a bumusor iti Juda, ket binangonna ti Rama, tapno dina palubosan ti uray maysa a rumuar wenno mapan ken Asa nga ari ti Juda.

2Idi a casta ni Asa innalana ti pirac ken balitoc a naggapu cadagiti gamgameng ti balay ni Jehova, ken iti balay ti ari, ket impaw-itna ken Ben-adad nga ari ti Siria, nga agnaed sadi Damasco, a kinunana,

3Adda maysa a panagcappia caniac ken sica, cas adda idi ken ni amac ken ni amam: adtoy, ipaw-itco kenca ti pirac ken balitoc; inca, dadaelem ti nakinomoam ken Baasa nga ari ti Israel, tapno isu pumanaw caniac.

4Ket ni Ben-adad impangagna ni ari Asa, ket imbaonna dagiti capcapitan dagiti buyotna a bumusor cadagiti il-ili ti Israel, ket kinabilna ti 1 Ar. 15:20.Ijon, ken ti Dan, ken ti Abel-maim, ken amin nga il-ili ti Neftali a pagidulinan.

5Ket naaramid, idi a ni Baasa nangngeganna, binay-anna a bangonen ti Rama, ket impalubosna ti panagsardeng ti aramidna.

6Idi a casta ni ari Asa incuyogna ti amin Juda; ket isuda binunagda dagiti batbato ti Rama, ken ti taricayona, a pinangbangon ni Baasa; ket binangonna cadagitoy ti Gibaa ken ti Mizpa.

7Ket iti daydi a tiempo ni 1 Ar. 16:1.Hanani a macakita iti masacbayan immay ken Asa nga ari ti Juda, ket kinunana kencuana, Isa. 31:1. Jer. 17:5.Agsipud ta 2 Cron. 13:18.nagtalecca iti ari ti Siria, ket saanca a nagtalec ken Jehova a Diosmo, gapuna a ti buyot ti ari ti Siria nacatalaw ita imam.

8 2 Cron. 12:3; 14:9. Dagiti Etiopes ken dagiti Libios saanda aya idi a maysa a dackel a buyot, agraman luglugan ken lallaki nga agcabayo iti dackel a kinaruay? nupay casta agsipud ta nagtalecca ken Jehova, 2 Cron. 13:16.inyawatna ida iti imam.

9 Job 34:21. Jer. 16:17; 32:19. Zac. 4:10. Ta dagiti mata ni Jehova mapanda nga agsublisubli iti amin a lubong, tapno isu agparang a napigsa a bumadang cadagidiay a ti pusoda napalungdo a maiturong kencuana. Iti daytoy inaramidmo a simamaag; ta manipud ita addanto gubgubatmo.

10Idin ni Asa nagpungtot iti macakita ti masacbayan, ket incabilna iti 2 Cron. 18:26. Jer. 20:2.balay a pagbaludan; ta isiu adda a sirurungsot gapu itoy a banag, ket ni Asa pinarparigatna ti dadduma cadagiti tattao iti daydi met laeng a tiempo.

11 1 Ar. 15:23. Ket, adtoy, dagiti ar-aramid ni Asa, umuna ken maudi, naisuratda iti libro dagiti ar-ari ti Juda ken Israel.

12Ket iti maicatlopulo ket siam a tawen ti panagarina, ni Asa nagsakit cadagiti sacana; ket ti sakitna nacaro unay: nupay casta iti panagsakitna saan a nagsapul ken Jehova, no di ket cadagiti mangngagas.

13 1 Ar. 15:24. Ket ni Asa nakiturog cadagiti ammana, ket natay iti maicapat a pulo ket maysa a tawen ti panagarina.

14Ket isu intabonda cadagiti cucuana a tanem a kinalina a maipaay kencuana met laeng iti ili ni David, ket impaiddada iti iddana a napno cadagiti Gen. 50:2. Mar. 16:1.bangbanglo ken nadumaduma a kita dagiti recrecado a naisagana iti pannacaaramat ti kinalaing dagiti agar-aramid ti bangbanglo: ket inaramidda ti dackel unay a 1 Sam. 31:12. 2 Cron. 21:19.pannacapuur a maipaay kencuana.