JOB 9 - Ilokano Form-Based Bible: Ti Biblia (1973)

Ti maicatlo a bitla ni Job; ipudnona ti pannacabalin ti Dios, ngem agunnoy gaput ta ti Dios dadaelenna dagiti naimbag a maicanunong cadagiti dakes. Ti kinaawan basolna saanna a salacniban.

1Idin ni Job simmungbat ket kinunana.

2Kinapudnona ammoc a casta: Job 4:17. Sal. 143:2. Rom. 3:20.ngem casano ti pannacapalinteg ti tao iti Dios?

3No isu macaay-ayo a makisusic kencuana, isu dina mabalin nga isungbat kencuana ti maysa cadagiti sangaribu.

4 Job 36:5. Isu masirib iti puso, ken mannacabalin iti pigsa: asino aya ti nangpatangken iti bagina met laeng a maibusor kencuana, ket nagrang-ay?—

5Daydiay a mangyalis cadagiti banbantay, ket isu dida ammo, no balikidenna ida iti pungtotna;

6 Isa. 13:13. A manggungun iti daga iti yanna, ket Job 26:11.agpigerger dagiti monmonna;

7A mangbilin iti init, ket isu di lumgac, ket serraanna dagiti bitbitwen;

8 Gen. 1:6. Sal. 104:2. Isa. 40:22; 42:5. A mangyucrad a maymaysa cadagiti langlangit, ken agtalaytay cadagiti Amos 4:13.daldalluyon ti taaw;

9 Job 38:31, 32. Amos 5:8. A mangaramid iti Osa, Orion, ken dagiti Pleyades, ken dagiti silsiled ti abagatan;

10A mangaramid cadagiti dadackel a banbanag a di matucod, wen, banbanag a nacascasdaaw a saan a mabilang.

11Adtoy, magna iti dennac, ket isu diac makita: lumabas met, ngem isu diac masaripatpatan.

12 Isa. 45:9. Jer. 18:6. Rom. 9:20. Adtoy, rabsutenna ti tinucmaan, asino ti macalapped kencuana? Asino ti agcunanto kencuana, Ania ti aramidem?

13Ti Dios dinanto ibawing ti pungtotna; dagiti cabadangan ti natangsit agrucnoyda iti babana.

14Dinto aya basbassit ti isungbatco kencuana, ket piliec dagiti sasaoc a pakisubang kencuana?

15 Job 10:15. Kencuana, nupay no nalintegac, diac sumungbat; agpacaasiac coma iti ocomco.

16No immawagac, ket sinungbatannac, nupay casta diac patien nga impangagna ti timecco.

17Ta burakennac iti maysa a bagio, ket pinaaduna dagiti sugsugatco nga Job 2:3.awan gapgapuna.

18Isu dinacto palubosan nga umanges, no di ket punoennac iti kinapait.

19No saoentayo ti maipapan iti pigsa, adtoy, isu ti mannacabalin? Ket no maipapan iti kinajusticia, asino, cunana, ti mangidarum caniac?

20Nupay no nalintegac, ti bucodco a ngiwat Job 15:6.dusaennacto: nupay no napalongdoac, panecnecannacto a nagulibac.

21Napalongdoac; diac icancano ti bagic; umsiec ti biagco.

22Ti banagda amin maymaysa; gapuna cunac, isu dadaelenna Ecle. 9:2, 3.ti napalongdo ken nadangcoc.

23No mamatay a pettat ti Isa. 10:26; 28:15, 18.saplit, isu mangrabrabacto iti pannacasuut ti awan basolna.

24Maited ti daga iti ima ti nadangcoc; isu abbonganna dagiti ruprupa dagiti oc-ocomna: Job 24:25.no saan nga isu, siasino ngarud?

25Ita dagiti Job 7:6, 7.al-aldawco nasigsiglatda ngem iti 2 Cron. 30:6.correo: agtarayda, dida makita ti imbag.

26Aglabasda a cas nasiglat a sasacayan; Hab. 1:8.cas aguila a mangseppeg iti tinucmaan.

27 Job 7:13. No cunac, Lipatecto ti unnoyco, iccatecto ti naliday a rupac, ket Job 10:20. Sal. 39:13.rumagsacac;

28Agbutengac cadagiti amin a ladladingitco, ammoc a dinacto ibilang nga awan basolco.

29Magdusaanacto; apay ngarud nga agbannogac iti ubbaw?

30No buggoac ti bagic iti danum ti nieve, ket aramidec nga ingget dalus dagiti im-imac;

31Nupay casta sica inebnebnacto iti canal: ket dagiti pagan-anayco met laeng caguradacto.

32Ta isu Rom. 9:20.saan a tao, a cas caniac, tapno isu ti sungbatac coma, tapno agtiponcami iti pangocoman.

33Awan ti agikedkeddeng iti baetmi, a mangiparabaw iti imana cadacami nga agpada.

34 Job 13:21. Iccatenna coma caniac ti sarucodna, ket ti kinamanangigtotna dinac coma pagbutngen:

35Iti casta agsaoac coma, ket diac agbuteng kencuana; ta saanac a casta iti bagic met laeng.