LEVITICO 17 - Ilokano Form-Based Bible: Ti Biblia (1973)

Ti linteg a maipapan iti panangpatay cadagiti an-animal. Ti pannangan iti dara maiparit.

1Ket ni Jehova nakisao ken Moises, a kinunana,

2Ibagam ken Aaron ken dagiti annacna a lallaki ken amin nga annac ti Israel, ket cunam cadacuada: Daytoy ti aramid nga ni Jehova imbilinna, a kinunana,

3Siasinoman a tao iti balay ti Israel Deut. 12:5, 15, 21.a mangpatay iti maysa a vaca wenno cordero wenno calding iti uneg ti pacarso, wenno ti mangpatay iti ruar ti pacarso.

4Ket saanna nga impan iti ruangan ti tolda ti gimong, tapno impaayna coma cas maysa a daton ken Jehova iti sango ti tabernaculo ni Jehova: dara ti maipabiddutto iti dayta nga tao; isu imbellengna ti dara; Ex. 30:33.ket dayta a tao maipusayto iti ilina:

5Tapno dagiti annac ti Israel idatagda dagiti datdatonda nga ar-aramidenda iti ruar, tapno idatagda ida met laeng ken Jehova iti ruangan ti tolda ti gimong, iti imatang ti padi, ken irucbabda dagita a maipaay a daton dagiti datdaton iti cappia ken Jehova.

6Ket Lev. 3:2.ti padi pagwarisnanto ti dara iti rabaw ti altar ni Jehova iti ruangan ti tolda ti gimong, ket puurannanto ti taba a maipaay a nabanglo a sayamusom ken Jehova.

7Ket isuda didanto agaramid cadagiti datdatonda a pagdayaw 2 Cron. 11:15.cadagiti sasairo isuda a sorsorotenda. Daytoy ti pagalagadanto a cancanayon cadacuada iti isu-amin capututanda.

8Ket sica ibagamto cadacuada, Siasinoman iti balay ti Israel, wenno cadagiti gangannaet a makipagtaeng cadacuada, Lev. 1:2, 3.a mangirucbab iti daton a mapuuran wenno sacrificio,

9 bil. 4. Ket saanna a yeg iti ruangan ti tolda ti gimong, tapno idatonna ken Jehova: dayta a tao maipusayto iti ilina.

10 Lev. 3:17. Ket siasinoman a tao iti balay ti Israel, wenno cadagiti gangannaet a makipagtaeng cadacuada a mangan iti uray ania a dara; Lev. 26:17. Eze. 14:8.iparangconto ti rupac a maibusor iti dayta a tao a mangan iti dara, ket ipusayconto iti ilina.

11 bil. 14. Ta ti biag ti lasag adda iti dara; Mat. 26:28. Mar. 14:24. Rom. 3:25; 5:9. Efe. 1:7. Col. 1:14, 20. Heb. 13:12. 1 Juan 1:7. Apoc. 1:5.ket itedco dayta cadacayo iti rabaw ti altar a maaramid a pacaabbongan a maipaay cadagiti cararuayo; Heb. 9:22.ta dara isu ti macaaramid iti pacaabbongan gapu ta adda kencuana ti biag.

12Isu ti gapuna nga imbagac cadagiti annac ti Israel, Awanto cadacayo ti mangan iti dara, uray pay ti siasinoman a gangannaet a makipagtaeng cadacayo dinto mangan iti dara.

13Ket siasinoman cadagiti annac ti Israel, wenno cadagiti gangannaet a makipagtaeng cadacuada a manganup iti uray ania nga animal wenno tumatayab a mabalin a canen, Deut. 12:16, 24.ibellengnanto ti darada, sananto Eze. 24:7.gaburan iti tapuc.

14 Gen. 9:4. Ta ti maipapan iti biag ti amin a lasag, ti darana ken ti biag nagcaycaysada: isu ti gapuna a kinunac cadagiti annac ti Israel, Dicayto mangan iti dara ti uray ania a lasag; ta ti biag ti isu-amin a lasag isu ti darana: siasinoman a mangan kencuana maipusayto.

15 Lev. 22:8. Eze. 44:31. Ket tumunggal tao a mangan iti natay latta Gen. 31:39.wenno iti pinatay dagiti animal a narungsot, umili man wenno gangannaet, labaannanto dagiti pagan-anayna, Lev. 15:5.ket digosennanto ti bagina, ket saanto a nadalus inggana ti rumabii: calpasanna isu nadalusto.

16Ngem no dinanto ida labaan, wenno di agdigos Lev. 5:1. Num. 19:20.awitennanto ngarud ti kinadakesna.