1Idin kinuna ni Jehova caniac, Jer. 7:16; 14:11. Eze. 14:14, 18; 18:20.Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.
2Ket maaramidto, no cunaenda kenca, Sadino ti pagturonganmi? ibagamto ngarud cadacuada, Castoy ti cuna ni Jehova; Dagiti maipaay iti patay, iti patay; ket dagiti maipaay iti campilan, iti campilan; ket dagiti maipaay iti bisin, iti bisin; ket dagiti maipaay iti pannacacayaw, iti pannacacayaw.
3Ket mangtudingacto iti ngatoda cadagiti uppat a kita, cuna ni Jehova: ti campilan nga agpapatay, ken dagiti aso nga agpisang, ken dagiti tumatayab ti langit, ken dagiti animal ti daga nga aglamut ken agdadael.
4Ket paipalladawconto ida nga agallaalla cadagiti amin a pagarian iti daga, 2 Ar. 21:11, 16, 17; 23:26; 24:3, 4. Jer. 16:12.a gapu ken Manases, nga anac a lalaki ni Ezekias nga ari ti Juda, gapu iti inaramidna idiay Jerusalem.
5Ta siasinonto ti adda asina kenca, O Jerusalem? wenno siasinonto ti agladingit gapu kenca? wenno siasinonto ti dumagas a mangdamag iti casasaadmo?
6Sica binaybay-annac, cuna ni Jehova, nagsunodca: gapuna nga inyunnatco ti imac a maibusor kenca, ket dinadaelca; Os. 13:14.nabannogac nga agigawgawid.
7Ket intaepco ida iti maysa a paypay cadagiti ruangan ti daga; iniccatac ida cadagiti annac, dinadaelco ti ilic; saanda a nagbabawian dagiti dalanda.
8Dagiti baloda a babbai pinaaduc a nasursuroc ngem iti darat ti baybay; inyegco cadacuada a maibusor iti ina dagiti babbaro ti maysa a mangdadael iti matoon: pinaitinnagco kencuana a pettat ti tuoc ken butbuteng.
9Ti naganac iti pito agdismaya; isu nagbugsot; ti initna limnec idinto nga aldaw pay laeng; isu naibabain ken nariribuc; ket ti tiddada yawatconto iti campilan iti sangoanan dagiti cabusorda, cuna ni Jehova.
10Asiac pay, Jer. 20:14.inac, ta impasngaynac a maysa a lalaki a mannakisusic ken maysa lalaki a mannakisuppiat iti isu-amin a daga! Saanac a nagpautang, ket dagiti tattao didac met pinautangan; nupay casta tunggal maysa cadacuada ilunoddac.
11Ni Jehova kinunana, Pudno papigsaennacanto a maipaay iti imbag; pudno ti cabusor pagdawatecto kenca iti pannawen ti dakes ken iti pannawen ti liday.
12Mabalinan aya ti asinoman a bongtolen ti landoc, Jer. 1:13.ti met laeng landoc a naggapu iti amianan, ket gambang.
13Ti sanicuam ken dagiti gamengmo itedconto a samsam nga awan bayadna, ket dayta gapu cadagiti amin a basolmo cadagiti met laeng amin a beddengmo.
14Ket palasatecto ida agraman cadagiti cabusormo Jer. 16:13; 17:4.iti maysa a daga a dica ammo; ta maysa nga apuy napasgedan iti pungtotco, isu nga agpuurto cadacayo.
15O Jehova, sica ammom; lagipennac, ket sarungcarannac, ket ibalesannac cadagiti mangidadanes caniac; dinac ipanaw iti mabayag a panagituredmo; ammon a Sal. 69:7.gapu kenca nagsagabaac iti pannacaibabain.
16Dagiti saom nasaracanda, ket Eze. 3:1, 3. Apoc. 10:9, 10.kinnanco ida; ket dagiti saom nagbalinda caniac a ragsac ken rag-o ti pusoc: ta mainagananac iti naganmo O Jerova, Dios dagiti buybuyot.
17 D. Un. 3:28. Saanac a nagtugaw iti gimong dagidiay a nagragsac, ket diac met nagrag-o; nagtugawac a maymaysa gapu iti imam; ta pinunnonac iti pungtot.
18Apay a ti ut-utco agnanayon, ket ti sugatco saan a maagasan, a dina cayat ti maimbagan? pudno aya a sicanto caniac ti cas maysa a waig a mangallilaw, cas dandanum a matianan?
19Gapuna castoy ti cuna ni Jehova, Zac. 3:6.No agsublica, iyegcanto ngarud manen, tapno mabalinmo ti agtacder iti sangoanac; ket no isinam ti napateg iti awan pategna, sicanto ti cas ngiwatco: agsublidanto kenca, ngem saancanto nga agsubli cadacuada.
20Ket aramidencanto iti daytoy nga umili a maysa a natalged a bacud a Jer. 1:18; 6:27.gambang; ket makigubatdanto a maibusor kenca, ngem Jer. 20:11.didacanto pagballigian; ta addaac kenca a mangispal ken mangruc-at kenca, cuna ni Jehova.
21Ket ruc-atancanto iti ima ti nadangcoc, ket subbotencanto iti ima ti nacaamamac.
Who We AreWhat We EelieveWhat We Do
2025 by iamachristian.org,Inc All rights reserved.
