LEVITICO 7 - Ilokano Form-Based Bible: Ti Biblia (1973)

Ti akem ti padi cadagiti datdaton iti salungasing; cadagiti datdaton iti cappia. Ti taba ken ti dara dinto macan. Ti bagi dagiti papadi.

1Ket Lev. 5; 6:1-7.daytoy ti alagaden ti panagdaton gapu iti salungasing: isu ti nasantoan unay.

2 Lev. 6:25. Iti disso a pamatpatayanda iti daton a mapuuran ti pamapatayanda iti daton gapu iti salungasing; ket ti dara daytoy iwarisnanto iti lawlaw ti rabaw ti altar.

3Ket idatonnanto itoy ti Lev. 3:4, 9, 10, 14, 15, 16; 4:8, 9. Ex. 29:13, 22.dagup ti tabana: ti nalucmeg nga ipus, ken ti taba a mangcumot cadagiti lalaem,

4Ken ti dua a beckel, ken ti taba nga adda cadacuada iti apiring dagiti lomo, ken ti culapot ti dalem agraman cadagiti beckel iccatennanto;

5Ket ti padi puurannanto ida iti rabaw ti altar a maysa a daton a maaramid iti apuy ken Jehova: isu ti maysa a daton gapu iti salungasing.

6 Lev. 6:18, 29. Tunggal lalaki cadagiti papadi manganto iti daydiay; iti nasantoan a disso ti pangananto: isu nasantoan unay.

7Cas iti daton gapu iti basol, Lev. 6:25, 26; 14:13.casta met ti daton gapu iti salungasing, maymaysa nga alagaden ti pacawadanda: ti padi a mangaramid iti daydiay a pacaabbongan, cucuananto.

8Ket ti padi a mangirucbab iti daton a mapuuran ti maysa a tao, ti padi met laeng tagicuaennanto ti lalat ti maidaton a mapuuran nga impaayna.

9 Lev. 2:3, 10. Num. 18:9. Eze. 44:29. Ket tunggal daton a canen a maluto iti horno, ken amin a maluto iti parioc ken iti bandeja ti horno, cucuanto ti padi a mangidaton.

10Ket tunggal daton a macan a nalaocan iti lana, wenno namaga, cucuanto amin dagiti annac a lallaki ni Aaron, nga cas iti bingay ti maysa, casta met ti bagi ti sabali.

11 Lev. 3:21; 22:18, 21. Ket daytoy ti alagaden ti sacrificio cadagiti datdaton a maipaay ti cappia nga idatagto ti maysa a tao ken Jehova.

12No isu yawatnanto a pagyaman, idatonnanto ngarud ti namayecmec a bel-laay a buyugen ti sacrificio a pagyaman dagiti saan a nalevaduraan a bibingca a nalaocan iti lana, ken di-nalevaduraan a cancanen a nasapsapoan iti lana, ken tortorta a Lev. 2:4. Num. 6:15.nalaocan iti lana.

13 Amos 4:5. Agraman dagiti bibingca ti tinapay a nalevaduraan, idatagnanto ti datonna a buyugen ti sacrificio dagiti datdatonna a maipaay iti capia a pagyaman.

14Ket iti daydiay ipaaynanto ti maysa iti tunggal daton, nga agservi a daton a maitayag ken Jehova; Num. 18:8, 11, 19.daytoy cucuanto ti padi a mangiwarsi iti dara dagiti datdaton iti cappia.

15 Lev. 22:30. Ket ti lasag ti sacrificio dagiti idatonna iti cappia a pagyaman macanto iti aldaw panagidatonna; awanto ti matda agingga iti bigat.

16 Lev. 19:5, 6, 7; 22:21. Ngem no ti sacrificio ti datonna maysa a cari, wenno ti maysa a daton ti sibubulos a nakem, macanto iti aldaw a panangipaayna iti datonna; ket ti cabigatanna canennanto ti tiddana: isu ti pannacacaanto ti matda:

17Ngem ti mabati iti lasag ti sacrificio agingga iti maicatlo nga aldaw, mapuuranto iti apuy.

18Ket no adda uray ania a lasag iti sacrificio dagiti datdatonna a maipaay iti cappia a canenna iti maicatlo nga aldaw, saanto a maawat, dinto met maibilang kencuana a nangidatag iti daton: Lev. 19:7. Isa. 65:4. Eze. 4:14.maysanto a rimon, ket ti cararua ti mangan awitennanto ti kinadakesna.

19Ket ti lasag a maisagid iti uray aniaman a saan a nadalus, saan a canen; mapuuranto iti apuy. Ket no maipapan iti lasag tumunggal maysa a nadalus manganto iti daytoy:

20Ngem ti tao a mangan iti lasag ti sacrificio dagiti datdaton iti cappia, a maipaay ken Jehova, Lev. 15:3; 22:3.idinto a sirurugit, dayta a tao maipusayto iti ilina.

21Ket no addanto maysa a macasagid iti uray ania a narugit, ti Lev. 12; 13; 15.kinarugit ti tao wenno kinarugit ti Lev. 11:24, 28.animal, wenno maysa a nacarimrimon a rugit, Lev. 11:10, 11, 12, 13, 20. Isa. 66:17.ket mangan iti lasag ti sacrificio dagiti datdaton iti cappia, a maipaay ken Jehova, dayta a tao maipusayto iti ilina.

22Ket ni Jehova nakisao ken Moises, a kinunana,

23Ibagam cadagiti annac ti Israel, a cunam, Lev. 3:17.Dicayto mangan iti taba ti vaca, wenno carnero, wenno calding.

24 Lev. 17:15. Deut. 14:21. Eze. 4:14; 44:31. Ket ti taba ti matay latta, ken ti taba ti pinisangpisang dagiti narungsot nga animal, mabalin nga aramaten iti uray ania a pacaipayanna; ngem uray caano dicayto mangan iti dayta.

25Ta ti uray siasinoman a mangan iti taba ti animal a mapuuran a dagiti tattao idatagda a daton iti apuy ken Jehova, uray daydiay a tao a mangan iti dayta maipusayto iti ilina.

26 Lev. 3:17. Ket dacayo dicayto mangan a pulos iti dara, uray dara ti tumatayab wenno animal iti uray sadino a pagnaedanyo.

27Siasinoman a mangan iti uray ania a dara, dayta a tao maipusayto iti ilina.

28Ket ni Jehova nakisao ken Moises, a kinunana,

29Ibagam cadagiti annac ti Israel, a cunam, Lev. 3:1.Ti mangidatag iti sacrificio dagiti datdatonna gapu iti cappia ken Jehova, yegnanto ti datonna iti sacrificio dagiti datdatonna gapu iti cappia ken Jehova:

30 Lev. 3:3, 4, 9, 14. Dagiti imana met laeng ti mangyegto cadagiti datdaton a mapuuran iti apuy ken Jehova; ti taba agraman ti barucong yegnanto, Ex. 29:24, 27.tapno ti barucong mailili cas daton a maitayag iti sango ni Jehova.

31 Lev. 3:5, 11, 16. Ket ti padi puurannanto ti taba iti rabaw ti altar; bil. 34.ngem ti barucong cucuanto ni Aaron ken dagiti annacna a lallaki.

32 Lev. 9:21. Num. 6:20. Ket ti luppo a macanawan itedyonto iti padi a maipaay a daton a maitayag cadagiti sacrificio dagiti datdatonyo iti cappia.

33Ti anac a lalaki ni Aaron a mangirucbab ti dara dagiti datdaton iti cappia, ken ti taba, cucuananto ti macanawan a luppo a pannacabagina.

34 Ex. 29:28. Ta ti barucong a mailili ken ti luppo a maitayag, innalac cadagiti annac ti Israel cadagiti sacrificio dagiti datdatonda a maipaay iti cappia, ket intedco ken Aaron a padi ken cadagiti annacna a lallaki cas pannacabagida nga agnanayon nga aggapu cadagiti annac ti Israel.

35Daytoy ti pannacabagi ni Aaron a napolutan ken ti pannacabagi dagiti annacna a lallaki ta napolutanda, cadagiti datdaton a naaramid iti apuy ken Jehova iti aldaw a panangidatagna cadacuada tapno agannongda ken Jehova iti akem ti padi,

36Isu a imbilin ni Jehova a maited a pannacabagida cadagiti annac ti Israel, Ex. 40:13, 15.iti aldaw a panangpulotna cadacuada. Isu ti pannacabagida nga agnanayon cadagiti capcaputotanda.

37 Lev. 6:9. Daytoy ti alagaden iti daton a mapuuran, iti Lev. 6:14.daton a macan, ken iti Lev. 6:25.daton gapu iti basol, ken iti bil. 1.daton gapu iti salungasing, ken ti Ex. 29:1. Lev. 6:20.pannacaconsagrar, bil. 11.ken iti panangidatag cadagiti datdaton iti cappia;

38Nga ni Jehova imbilinna ken Moises idiay bantay Sinai, iti aldaw a panangbilinna cadagiti annac ti Israel nga ipaayda dagiti datdatonda ken Jehova, idiay tay-ac ti Sinai.