JOEL 3 - Ilokano Form-Based Bible: Ti Biblia (1973)

Dagiti nasnacion maocomdanto, ket ti Juda maispal.

1Ta, adtoy, Jer. 30:3.cadagita nga al-aldaw, ken iti dayta a pannawen a panangbaliwco iti pannacacayaw ti Juda ken ti Jerusalem.

2 Sof. 3:8. Zac. 14:2-4. Tiptiponecto dagiti amin a nacion, ket pasalugecto ida 2 Cron. 20:25.idiay lobong a Josafat; ket idiay aramidecto ti panangocom cadacuada a maipaay iti ilic ken iti pagtawidec nga Israel, isuda a winarawarada cadagiti nasnacion: ket biningbingayda ti dagac,

3 Ab. 11. Nah. 3:10. Ket naggiginnasangasatanda ti ilic, ket insucatda ti maysa nga ubing a lalaki iti maysa a balangcantis, ket inlacoda ti maysa nga ubing a babai, iti arac, tapno mabalinda ti uminum.

4Wen, ket dacayo aniacayo caniac, O Amos 1:9.Tiro, ken Sidon, ken amin a beddeng ti Filistia? Supapacandacto aya? Ket no supapacandac, sidadaras ken sipapartacac a mangisubli iti supapacyo iti rabaw dagiti oloyo met laeng.

5Gapu ta 2 Cron. 21:16, 17.innalayo ti piracco ken ti balitocco, ket impanyo cadagiti temployo dagiti napintas ken napateg a gamengco.

6Ket inlacoyo dagiti annac ti Juda ken dagiti annac ti Jerusalem a maipaay cadagiti annac dagiti Griego, tapno mayadayuyo ida iti beddengda;

7Adtoy, itacderconto ida a paruaren iti disso a nangilacoanyo cadacuada, ket isublicto ti supapacyo iti rabaw dagiti oloyo met laeng;

8Ket ilacocto dagiti annacyo a lallaki ken babbai iti ima dagiti annac ni Juda, ket isuda ilacodanto ida cadagiti lallaki a taga Saba, iti maysa a nacion nga adayu; ta sinao ni Jehova.

9Iwarragawagyo daytoy cadagiti nacion; isaganayo ti gubat; riingenyo dagiti maingel a lallaki; amin coma dagiti lallaki ti gubat umasidegda, umayda coma.

10Pitpitenyo dagiti tadem dagiti aradoyo nga aramiden a Isa. 2:4.camcampilan, ken dagiti cumpay a pagputed a gaygayang: dagiti nacapsot cunaenda coma, napigsaac.

11Agdarascayo, ket umaycayo, dacayo amin a nacion iti aglicmut, ket aguurnongcayo: idiay paulogem dagiti mamaingelmo, O Jehova.

12Dagiti nacion agriingda coma, ket sumang-atda idiay 2 Cron. 20:26.lobong a Josafat: ta idiay agtugawacto a Sal. 96:13. Isa. 2:4. Mik. 4:3.mangocom cadagiti amin a nacion iti aglicmut.

13Icabilyo ti cumpay; Apoc. 14:15.ta ti apiten natangkenanen: Umaycayo, agpayatpayatcayo; ta Apoc. 14:18-20.iti pagpespesan ti arac napno, dagiti tangke agliplippiasda; ta ti kinadakesda dackel.

14Umariwecwec, umariwecwec a tattao bil. 2, 12.idiay lobong a pangocoman! ta asidegen ti aldaw ni Jehova idiay lobong ti pangocoman.

15 Joel 2:10. Ti init ken ti bulan agcudrepda, ket dagiti bitbitwen ipaidamda ti silengda.

16Ket ni Jehova, agungorto manipud Sion, ket yebcasnanto ti timecna manipud Jerusalem; ket dagiti langlangit ken ti daga agkintayegdanto: ngem ni Jehova isu ti pagcamanganto ti ilina, ken sarikedked cadagiti annac ti Israel.

17 Joel 2:27. Iti casta mabigbigyonto a siac ni Jehova a Diosyo a sitataeng idiay Sion a nasantoan a Ab. 16. Zac. 8:3.bantayco: calpasanna ti Jerusalem nasantoanton ket awanton dagiti Isa. 35:8. Nah. 1:15. Zac. 14:21. Apoc. 21:27; 22:15.gangannaet a lumasat kencuana.

18Ket maaramidto iti dayta nga aldaw, a dagiti banbantay Amos 9:13.pagtedtedendanto ti nasam-it nga arac, ket dagiti turturod pagayusendanto ti gatas, ket amin dagiti wawaig ti Juda Eze. 47:1.agayusdanto cadagiti dandanum; ket rumuarto ti maysa a burayoc iti balay ni Jehova, ken sibugannanto ti lobong ti Num. 25:1.Sittim.

19Ti Egipto maysanto a langalang, ket ti Jer. 49:8, 17. Eze. 25:12.Edom maysanto a nalangalang a let-ang, maipuon iti ranggas a naaramid cadagiti annac ni Juda, ta imbucbocda ti awan basolna a dara iti dagada.

20Ngem ti Juda agnaedto iti agnanayon, ken ti Jerusalem manipud caputotan agingga iti caputotan.

21Ket dalusacto ti darada, a saanco a dinalusan: ta ni Jehova agnaed idiay Sion.