1Iti calpasan daytoy naaramid Aginga bil. 19. 1 Cron. 19:1-19.a ti ari dagiti 1 Sam. 11:1.annac ni Ammon natay, ket ni Hanon nga anacna nagari iti saadna.
2Ket ni David kinunana, 2 Sam. 9:1.Iparangconto iti caasi ken ni Hanon nga anac ni Naas, a cas la ni amana imparangna caniac ti caasi. Iti casta ni David imbaonna dagiti ad-adipenna a mangliwliwa kencuana a maipanggep ken ni amana. Ket dagiti ad-adipen ni David napanda iti daga dagiti annac ni Ammon.
3Ngem dagiti pangoloen dagiti annac ni Ammon kinunada ken Hanon nga apoda, Pagarupem a ni David padayawanna ni amam, iti panangibaonna cadagiti mangliwliwa kenca? saan aya nga ni David imbaonna kenca, dagiti ad-adipenna a mangsukimat iti ili, ken mangsiim, tapno rebbaenna?
4Idin ni Hanon innalana dagiti ad-adipen ni David, ket kiniskisanna ti caguddua ti imingda, ket pinutedna dagiti cawcawesda a ginudua, iti padingpadingda met laeng, ket pinagawidna ida.
5Idinto nga imbagada ken David, isu nagbaon ti nangsabet cadacuada; agsipud ta dagiti lallaki naibabainda iti casta unay. Ket ti ari kinunana, Agtactaccayo idiay Jerico agingga iti tumubo dagita imingyo, ket calpasanna agawidcayto.
6Ket idi a nakita dagiti annac ni Ammon nga isuda nagbalinda a nacarurod ken David, dagiti annac ni Ammon nagbaonda ken nanangdanda cadagiti 2 Sam. 8:3, 5.Sirios idiay Rehob, ken cadagiti Sirios idiay Soba, a duapulo a ribu a lallaki a magmagna, ken iti ari ti Jos. 13:11, 13. 1 Cron. 19:6, 7.Maaca agraman sangaribu a tattaona, ken dagiti lallaki a taga Is-tob a sangapulo ket dua a ribu a lallaki.
7Ket idi a nangngeg ni David, imbaonna ni Joab, ken amin a buyot dagiti 2 Sam. 23:8.mamaingel a lallaki.
8Ket dagiti annac ni Ammon rimmuarda, ket inornosda ti gubat iti pagsercan ti ruangan: ket dagiti Sirios a taga Soba ken taga Roob, ken dagiti lallaki ti Is-tob ken Maaca, addada idi a sangsangcatipon idiay away.
9Idinto ngarud a ni Joab nakitana a ti gubat naisaaden a maibusor kencuana iti sango ken licudanna, nangpili cadagiti napili a lallaki ti Israel, ket inornosna ida a maibusor cadagiti Sirios:
10Ket ti natda cadagiti tattao inyawatna iti ima ni Abisai a cabsatna; ket inornosna ida a maibusor cadagiti annac ni Ammon.
11Ket kinunana, No dagiti Sirios napigsadanto unay caniac, sica tulongannacto ngarud; ngem no dagiti annac ni Ammon napigsadanto unay kenca ngarud umayacto ket tulonganca.
12Umingelca a naimbag, 1 Sam. 4:9.ket aglallakita a maipaay iti ilitayo, ken maipaay cadagiti il-ili ti Diostayo: 1 Sam. 3:18.ket ni Jehova aramidenna coma daydiay a pagarupenna a naimbag.
13Idin da Joab ken dagiti tattao nga adda idi kencuana rimmangepda iti gubat a maibusor cadagiti Sirios: ngem nagtalawda iti sangona.
14Ket idi a dagiti annac ni Ammon nakitada a dagiti Sirios napagtalawda, nagtalawda met iti sango ni 1 Sam. 26:6.Abisai, ket simrecda iti ili. Idin ni Joab nagsubli a naggapu cadagiti annac ni Ammon, ket immay iti Jerusalem.
15Ket idi a dagiti Sirios nakitada nga isuda naicabilda iti dacdakes iti sango ti Israel naguornongda a nagtitipon.
16Ket ni 2 Sam. 8:3.Adadezer nagbaon, ket innalana dagiti Sirios nga addada idi iti ballasiw ti Carayan: ket isuda immayda idiay Helam, agraman ni Sobac a capitan ti buyot ni Adadezer iti unada.
17Ket naibaga ken David: ket inurnongna amin nga Israel, ket bimmallasiw iti Jordan, ket immay iti Helam. Ket dagiti Sirios naguornongda a maibusor ken David, ket nakigubatda kencuana.
18Ket dagiti Sirios nagtalawda iti sango ti Israel; ket ni David nangpapatay cadagiti Siros dagiti lallaki ti pito gasut a luglugan, ken upat a pulo ribu a tattao a 1 Cron. 19:18.nagcacabayo, ket kinabilna ni Sobach a capitan ti buyotda, ket iti casta natay sadiay.
19 2 Sam. 8:6. Ket idi a dagiti isu-amin nga ar-ari nga ad-adipen idi ni Adadezer nakitada nga isuda naisaadda iti dacdakes iti sango ti Israel, nakicappiada iti Israel, ket nagservida cadacuada. Iti casta uray caano dagiti Sirios nagbutengdan a nangtulong cadagiti annac ni Ammon.
Who We AreWhat We EelieveWhat We Do
2025 by iamachristian.org,Inc All rights reserved.
