1Ket ni Jehova nakisao ken Moises idiay bantay Sinai, a kinuana,
2Ibagam cadagiti annac ti Israel, a cunam cadacuada, No macagteng cayo iti daga nga itedco cadacayo, ti daga Ex. 23:10, 11. Lev. 26:34, 35. 2 Cron. 36:21.ngilinennanto ti maysa a panaginana ken Jehova.
3Cadagiti innem a tawen mulaamto ti daga, ken cadagiti innem a tawen arbasamto ti cauvasam, ket burasemto dagiti bungbungana;
4Ngem iti maicapito a tawen isunto ti maysa a panaginana ti nadaeg nga inana a maipaay iti daga, maysa nga inana ken Jehova: dicanto mulaan ti dagam, wenno arbasan ti cauvasan.
5 bil. 11. 2 Ar. 19:29. Isa. 37:30. Ti tumubtubo laeng iti nagapitam dicanto anien, ket dagiti uvas ti puon a di naarbasan, dicanto burburasen: isunto ti tawen ti nadaeg a panaginana ti daga.
6Ket iti panaginana ti daga agservidanto a taraon cadacayo; kenca, ken ti bag-enmo a lalaki ken babai, ken iti adipenmo a makitegtegged ken iti gangannaet a makipagtaeng kenca.
7Ken dagiti amin a bungbungada agservidanto a taraon cadagiti vacvacam, ken cadagiti an-animal nga adda iti dagam.
8Ket sica bumilangcanto cadagiti pito a tawen a panaginana, maminpito daras a pito a tawtawen; ket addanto kenca a bilang dagiti pito a tawtawen a panaginana, nga isuda dagiti uppat a pulo ket siam a tawtawen.
9Isursuryonto ngarud ti aweng ti tangguyob iti maicasangapulo nga aldaw ti maicapito a bulan; Lev. 23:24, 27.iti aldaw ti pannacaabbong isursuryonto ti tangguyob iti amin a dagayo.
10Ket ngilinenyonto ti maicalima pulo a tawen, ket Isa. 61:1; 63:4. Jer. 34:8, 15, 17. Eze. 46:17. Luc. 4:19.iwarragawagyonto ti wayawaya iti daga cadagiti amin nga agnaed kencuana: isunto ti maysa a jubileo cadacayo, Lev. 27:24. Num. 36:4.ket masublianyonto tumunggal maysa a tao iti dagana, ket agsublicayto tunggal maysa a tao iti familiana.
11Maysanto a jubileo cadacayo, ti maicalimapulo a tawen: dicayto agmula wenno agani cadagiti timmubtubo laeng, wenno burasen dagiti uv-uvas cadagiti puon a dinaarbasan.
12Gapu ta isu ti jubileo; isunto ti nasantoan cadacayo: bil. 6, 7.canenyonto ti bungbunga iti dayta a tawen nga aggapu iti taltalon.
13 bil. 10. Lev. 27:24. Num. 36:4. Iti daytoy a tawen a jubileo, dacayo isubliyonto tunggal maysa iti cucuana.
14Ket no mangilacocayo iti uray ania iti padayo a tao, wenno gumatangcayo iti sanicua ti padayo a tao, bil. 17. Lev. 19:33.dicayto agginnallilaw.
15 Lev. 27:18, 23. Cas mayannurot iti bilang dagiti tawtawen iti calpasan ti jubileo, gumatangcanto iti padam a tao, ken cas mayannurot iti bilang dagiti tawtawen dagiti ap-apit, isu ti panaglaconanto kenca.
16Cas mayannurot iti caadu dagiti tawtawen yadadomto ti nginana, ken cas mayannatup iti cabassit dagiti tawtawen, ibasbassit monto met ti nginana; ta ti bilang dagiti ap-apit ti panglacoanna kenca.
17Ket dicayto aggiinnallilaw, Lev. 19:14, 32.no di ket agbutengcayto iti Diosyo: siac ni Jehova a Diosyo.
18Isu ti gapuna a tungpalenyonto dagiti bilbilinco, ket salimetmetanyonto dagiti ipaalagadco Lev. 26:5. Deut. 12:10. Sal. 4:8. Prov. 1:33. Jer. 23:6. Eze. 34:25, 28.ken sungputenyo ida; ket agtalinaedcayto a sitatalged iti daga.
19Ket ti daga itednanto ti bungana, Lev. 26:5.ket mangancayto nga agpennec, ket agnaedcayto a sitatalged idiay.
20Ket no cunayonto, Mat. 6:25, 31.Ania ti canenminto iti maicapito a tawen? adtoy dicamto agmula wenno burasen dagiti apitmi;
21No casta ibaonconto ti bendicionco Ex. 16:29.cadacayo iti maicanem a tawen, ket agbunganto iti maipaay cadagiti tallo a tawen.
22 2 Ar. 19:29. Ket agmulacayto iti maicawalo a tawen Jos. 5:11, 12.ket mangancayto cadagiti bungbunga a baac a pinenpenpen; inggana iti maicasiam a tawen, agpapan iti panagbungada, mangancayto iti baac a pinenpen.
23Ket ti daga saanto a malaco iti awan patinggana, Deut. 32:43. 2 Cron. 7:20. Sal. 85:1.ta ti daga cucuac: 1 Cron. 29:15. Sal. 30:12; 119:19. Heb. 11:13. 1 Ped. 1:17; 2:11.ta dacayo gangannaet ken makipagtaengcayo la caniac.
24Ket iti amin a daga nga icutanyo ipasubbotyonto.
25 Rut. 2:20; 4:4, 6. No ti cabsatmo ta pumanglaw, ket mangilaco cadagiti cucuana, ti cabagianna a caasitgan umaynanto subboten ti inlaco ni cabsatna.
26Ket no ti maysa a tao awan kencuana ti mangsubbot, ket bimmacnangen, ket addaanton ti umanay a pagsubbotna;
27 bil. 50-52. Ibilangna ngarud dagiti tawen a pannacalacona ket isublina ti matda iti nangilacoanna; ket agsublinto ti panagtagicuaenna.
28Ngem no dinanto mabalin a pasublien kencuana, daydiay ngarud inlacona, mabatinto iti ima ni gimmatang agingga iti tawen a jubileo: ket iti dayta a jubileo mayawatto, ket ti naglaco agsublinto iti cucuana.
29Ket no ti maysa a tao ilacona ti maysa a balay a pagnaedan, iti maysa a ciudad a nabacudan, mabalinna a subboten iti uneg ti macatawen iti calpasan ti pannacailacona; iti las-ud ti apag-isu a macatawen addanto calinteganna iti panagsubbotna.
30Ket no dinto masubbot iti las-ud ti apag-isu a macatawen, ti balay ngarud nga adda iti uneg ti nabacudan a ciudad mapatalgedanto ken gimmatang ti panagtagicuana nga agnanayon agpapan putotna: dinto maisubli iti tawen a jubileo.
31Ngem dagiti balbalay dagiti il-ili nga awan bacudda nga aglawlaw maipadadanto cadagiti taltalon iti away: dagitoy masbutdanto, ken maisublidanto iti tawen a jubileo.
32 Num. 35:2. Jos. 21:2. Nupay casta dagiti il-ili dagiti Levitas, dagiti balbalay cadagiti il-ili a pagtagicuaanda, mabalin dagiti Levitas a subboten iti uray ania nga aldaw.
33Ket no maysa cadagiti Levitas ti summubbot, ti balay ngarud a nalaco, ken ti ciudad a pagtagicuaanna maisublidanto no tawen a bil. 28.jubileo; ta dagiti balbalay cadagiti il-ili dagiti Levitas cucuada ida iti nagtengaan dagiti annac ti Israel.
34 Num. 35:2. Jos. 21:11-42. 1 Cron. 6:55-81. D. Ara. 4:36, 37. Ngem ti talon a maidarapat cadagiti il-ilida saan a maipalubos nga ilacoda; ta daytoy ti mataginayon a cucuada.
35Ket no ti cabsatmo ta pumanglaw, ket ti imana agpasag kenca; Deut. 15:7, 8. Sal. 41:1. Prov. 14:31.saranayemto ngarud cas maysa a gangannaet, ken maysa a makipagtaeng, makipagbiag kenca.
36 Ex. 22:25. Dicanto aramaten ti panagpatubo kencuana wenno pamaadu, bil. 17. Neh. 5:9.no di ket agbutengcanto iti Diosmo; tapno ti cabsatmo makipagbiag kenca.
37Dicanto ited kencuana ti piracmo iti panagpatubo, wenno ited kencuana dagiti saganam a taraonmo tapno paaduem.
38 Lev. 22:32, 33. Siac ni Jehova a Diosyo a nangaon cadacayo iti daga nga Egipto itedco cadacayo ti daga a Canaan, ken tapno siac ti Diosyo.
39Ket no ti cabsatmo a sitataeng kenca pumanglaw, ket ilacona ti bagina kenca; dicanto pagservien a Deut. 15:12. 1 Ar. 9:22. 2 Ar. 4:1. Neh. 5:5. Jer. 34:14.cas bag-en.
40Cas maysa a mangmangged ken cas maysa a makipagtaeng, agnaedto kenca: isu agservinto kenca inggana iti tawen a jubileo:
41Isu ti panangpanawnanto kenca, Ex. 21:3.isu ken dagiti annacna nga agcucuyogda ket agsublinto iti familiana, bil. 28.ken agsublinto iti daga dagiti ammana.
42 Rom. 6:22. Gapu ta adipenco ida nga inaonco iti daga nga Egipto: saandanto a malaco a bag-en.
43 Efe. 6:9. Col. 4:1. Dicanto iturayan Ex. 1:13.iti nainget, no di ket agbutengcanto iti Diosmo.
44Ket iti maipapan cadagiti bagbag-enmo a lallaki ken babbai nga addanto kenca: cadagiti nasnacion a caparangetmo ti paggatangam iti bagbag-enmo a lallaki ken babbai.
45Maysa pay a cadagiti annac dagiti gangannaet a makipagtaeng cadacayo ti pangatanganyonto, ken cadagiti familiasda a makipagyan cadacayo, a pinutotda iti dagayo: ket cucuayonto ida.
46 Isa. 14:2. Ket pagbalinenyonto ida a maysa a tawid a maipaay cadagiti annacyo a sumaganad cadacayo tapno icutanda ida a sanicua: bil. 39.cadacuada ti pangalaanyonto cadagiti bag-enyo nga agnanayon: ngem cadagiti cacabsatyo nga annac ti Israel dicayto agtitinnuray iti nainget bil. 43.iti maysa ken maysa.
47Ket no maysa a gangannaet wenno makipagili kenca bimmacnang, bil. 25, 35, 38.ket ti cabsatmo pimmanglaw iti sibayna, ket ilacona ti bagina iti gangannaet, wenno makipagili kenca, wenno iti capuonan ti familia ti gangannaet;
48Calpasan ti pannacailacona mabalin a masbot: maysa cadagiti cacabsatna Neh. 5:1-5.mabalinna a subboten;
49Wenno ti ulitegna, wenno anac ti ulitegna ti mangsubbot kencuana, wenno siasino nga asideg a cabagianna iti caputotanna ti mangsubbot kencuana, bil. 26, 47.wenno no isu bumacnang, subbotenna ti bagina met laeng.
50Ket makibinnilangto ken gimmatang kencuana manipud iti tawen a pannacailacona inggana iti tawen a jubileo ket ti pateg ti nacailacoanna maitutopto iti bilang dagiti tawtawen, Job 7:1. Isa. 16:14; 21:16.a maitutop iti bayag ti caaddananto a maysa a bag-en kencuana.
51No adu a tawtawen pay, a bil. 19. Lev. 27:8.maitutop iti caaduda, isublinanto ti bayad ti pannacasubbotna iti pirac a nacagatanganna.
52Ket no bassit laengen a tawen ti matda agpapan iti tawen a jubileo, makibinnilangto ngarud kencuana: ti maitutop cadagiti tawtawenna a nagservi isublinanto ti bayad ti pannacasubbotna.
53Cas maysa a tagabu a mabayadan iti tinawentawen agyanto kencuana: dinanto iturayan bil. 43.iti nainget iti imatangmo.
54Ket no dinto macasbot cadagitoy a pamuspusan, bil. 41. Ex. 21:2, 3.lumapsutto ngarud no tawen a jubileo, isu ken dagiti annacna a maicuyog kencuana.
55Gapu ta bil. 42.adipenco ida dagiti annac ti Israel; isuda ti adipenco nga inaonco iti daga nga Egipto: siac ni Jehova a Diosyo.
Who We AreWhat We EelieveWhat We Do
2025 by iamachristian.org,Inc All rights reserved.
