NUMEROS 33 - Ilokano Form-Based Bible: Ti Biblia (1973)

Dagiti nagtoltoldaan ti Israel nanipud Rameses agingga iti Abelsitim. Ti ipapatay ni Aaron. Maipapan iti pannacaparmec ti daga a Canaan.

1Dagitoy dagiti nagnagnaan dagiti annac ti Israel idi pimmanada iti daga nga Egipto iti binuyonbuyotda, babaen ti ima da Moises ken Aaron.

2Ket ni Moises insuratna dagiti panagluluasda a mayannurot iti panagpagnapagnada gapu iti panagbilin idi ni Jehova: ket dagitoy dagiti barbariw-asda, a mayannurot cadagiti panagluluasda.

3 Ex. 12:37. Ket isuda, nagluasda nanipud Rameses iti Ex. 12:2; 13:4.umuna a bulan, iti maicasangapulo ket lima nga aldaw ti umuna a bulan; iti bigat, calpasan ti pascua, dagiti annac ti Israel, pimmanawda agraman natayag nga ima, iti imatang ti isu-amin a taga Egipto,

4Bayat a dagiti taga Egipto agiponponda idi cadagiti inauna nga annacda a Ex. 12:29.dinadael ni Jehova iti nagtengngaanda; a ni Jehova inaramidna met ti panangocom cadagiti didiosda.

5 Ex. 12:37. Ket dagiti annac ti Israel nagnada nanipud Rameses ket nagtoldada idiay Succot.

6Ket Ex. 13:20.nagluasda nanipud Succot, ket nagtoldada idiay Etam, nga adda iti pungto ti let-ang.

7 Ex. 14:2, 9. Ket nagluasda nanipud Etam ket nagsublida iti Pi-hahirot nga adda iti sango ti Baalsefon idi: ket nagtoldada iti sangoanan ti Migdol.

8Ket nagluasda nanipud iti sango ti Pi-hahirot, ket Ex. 14:22; 15:22-23.linasatda ti tengnga ti baybay a simrecda iti let-ang; ket tallo nga al-aldaw ti pannagnada iti let-ang ti Etam, ket nagtoldada idiay Mara.

9Ket nagluasda nanipud Mara, ket dimtengda iti Ex. 15:27.Elim: ket idiay Elim adda sangapulo ket dua nga ub-ubbog ti danum ken pitopulo a palma, ket nagtoldada sadiay.

10Ket nagluasda sadiay Elim, ket nagtoldada iti abay ti Baybay a Nalabaga.

11Ket nagluasda nanipud Baybay a Nalabaga, ket nagtoldada iti Ex. 16:1.let-ang ti Sin.

12Ket nagluasda nanipud let-ang ti Sin ket nagtoldada idiay Dofia.

13Ket nagluasda nanipud Dofia ket nagtoldada idiay Alus.

14Ket nagluasda nanipud Alus, ket nagtoldada sadiay Ex. 17:1.Refidim, idiay awan idi iti danum nga inumen dagiti tattao.

15Ket nagluasda nanipud Refidim, ket nagtoldada iti Ex. 19:1-2.let-ang ti Sinai.

16Ket nagluasda nanipud let-ang ti Sinai, ket nagtoldada idiay Num. 11:34.Kibrot-hataava.

17Ket nagluasda nanipud Kibrot-hataava, ket nagtoldada idiay Num. 11:35.Haserot.

18Ket nagluasda nanipud Haserot, ket nagtoldada idiay Num. 12:16.Ritma.

19Ket nagluasda nanipud Ritma, ket nagtoldada idiay Rimmon-peres.

20Ket nagluasda nanipud Rimmon-peres, ket nagtoldada idiay Libna.

21Ket nagluasda nanipud Libna, ket nagtoldada idiay Rissa.

22Ket nagluasda nanipud Rissa ket nagtoldada idiay Ceelata.

23Ket nagluasda nanipud Ceelata ket nagtoldada idiay bantay Sefer.

24Ket nagluasda nanipud bantay a Sefer ket nagtoldada idiay Harada.

25Ket nagluasda nanipud Harada ket nagtoldada idiay Maselot.

26Ket nagluasda nanipud Maselot ket nagtoldada idiay Tahat.

27Ket nagluasda nanipud Tahat ket nagtoldada idiay Tara.

28Ket nagluasda nanipud Tara, ket nagtoldada idiay Mitca.

29Ket nagluasda nanipud Mitca ket nagtoldada idiay Hasmona.

30Ket nagluasda nanipud Hasmona ket nagtoldada idiay Deut. 10:6.Moserot.

31Ket nagluasda nanipud Moserot ket nagtoldada idiay Bene-jaacan.

32Ket nagluasda nanipud Bene-jaacan, ket nagtoldada idiay bantay a Deut. 10:7.Giddad.

33Ket nagluasda nanipud bantay a Giddad, ket nagtoldada idiay Jotbata.

34Ket nagluasda nanipud Jotbata, ket nagtoldada idiay Abrona.

35Ket nagluasda nanipud Abrona, ket nagtoldada idiay Deut. 2:8. 1 Ar. 9:26; 22:48.Esion-geber.

36Ket nagluasda nanipud Esion-geber; ket napanda idiay Num. 20:1; 27:14.let-ang ti Zin, (isu met laeng ti Cades.)

37Ket nagluasda nanipud Num. 2:22-23; 21:4.Cades, ket nagtoldada idiay bantay ti Hor, iti igid ti daga nga Edom.

38Ket ni Aaron a padi Num. 20:25, 28. Deut. 10:6; 32:50.simmang-at iti bantay Hor iti panagbilin ni Jehova, ket natay idiay, iti maicapat a pulo a tawen a calpasan ti ipapanaw dagiti annac ti Israel iti daga nga Egipto iti maicalima a bulan, iti umuna nga aldaw ti bulan.

39Ket ni Aaron agtawen idi iti Ex. 7:7.sangagasut, dua pulo ket tallo idi natay idiay bantay Hor.

40 Num. 21:1. Ket ti Cananeo, nga ari ti Arad, a nagnaed iti Abagatan iti daga ti Canaan, naammoanna ti idadateng dagiti annac ti Israel.

41Ket nagluasda nanipud bantay Num. 21:4.Hor, ket nagtoldada idiay Salmona.

42Ket nagluasda nanipud Salmona, ket nagtoldada idiay Punon.

43Ket Num. 21:11.nagluasda nanipud Punon, ket nagtoldada idiay Num. 21:10.Obot:

44Ket nagluasda nanipud Obot, ket nagtoldada idiay Ige-abarim, iti igid ti Moab.

45Ket nagluasda nanipud Ige-abarim, ket nagtoldada idiay Num. 21:30.Dibon-gad.

46Ket nagluasda nanipud Dibon-gad, ket nagtoldada idiay Almondiblataim.

47Ket nagluasda nanipud Almondiblataim, ket Deut. 32:49.nagtoldada idiay banbantay ti Abarim, iti sango ti Nebo.

48Ket nagluasda nanipud ti banbantay ti Abarim, ket nagtoldada iti Num. 23:1.tantanap ti Moab nga abay ti Jordan idiay Jerico.

49Ket nagtoldada iti asideg ti Jordan, nanipud Beth-jesimot agingga iti Abel-sitim iti Num. 25:1.tantanap ti Moab.

50Ket ni Jehova nakisao ken Moises idiay tantanap ti Moab iti abay ti Jordan, a kinunana,

51Ibagam cadagiti annac ti Israel ket saoem cadacuada, Deut. 9:1. Jos. 3:17.No aglasatcayo iti Jordan a mapan iti daga a Canaan.

52 Gen. 32:21. Pasiaenyonto ngarud Ex. 23:24, 33; 34:13. Deut. 7:2, 25; 12:3. Jos. 11:12. Oc. 2:2.amin nga agnaed iti daga manipud sangoananyo, ket dadaelenyonto amin a binalinbalin a batbatoda, ket dadaelenyonto amin dagiti sinocog a ladladawanda, ket rebbaenyonto amin a nangato a disdissoda:

53Ket alaenyonto a tagicuaen ti daga, ket agnaedcayo sadiay; ta cadacayo ti nangtedac iti daga tapno tagicuaenyo.

54 Num. 26:53-55. Ket tawidenyonto ti daga iti ginasanggasat a mayannurot cadagiti famfamiliayo; cadagiti adadu ti pangtedanyonto iti ad-adu a tawid, ket cadagiti basbassit itedmonto ti basbassit a tawid: ti gasat a maipatang iti uray asino a tao, dayta ti cucuananto; iti mayannurot cadagiti capcaputotan dagiti ammayo tawidenyonto.

55Ngem no dicayto pasiaen dagiti agnaed iti daga manipud iti sangoyo, no casta dagidiay a batienyonto cadacuada isudanto ti cas Jos. 23:13. Oc. 2:3. Sal. 106:34, 36.macasulsulec cadagiti matmatayo, ken cas sisiit cadagiti bacbacrangyo, ket isudanto ti mangsingsinga cadacayo iti daga a pagnaedanyo.

56Ket agbanagto a cas pinanunotco nga aramiden cadacuada, casta ti aramidecto cadacayo.