1Ipangagmo, O ilic, ti lintegco: Yallingagmo dagita lapayagyo cadagiti sao ti ngiwatco.
2 Sal. 49:4. Mat. 13:15. Yebcasto toy ngiwatco iti maysa a pangngarig; yesngawconto dagiti nasipnget a Prov. 1:6.sasao idi ugma,
3 Sal. 44:1. Isuda a nangngeg ken naammoantayo ken imbaga cadatayo dagidi amammatayo.
4 Deut. 4:9. Dicamto ilimed ida dadagiti putputotda, Ex. 12:26.babaen ti panangibagami iti caputotan a sumaruno cadagiti pacaidaydayawan ni Jehova, ken ti kinapigsana, ken dagiti nacascasdaaw nga ar-aramid nga inaramidna.
5Ta nangted iti Sal. 81:5.pammanecnec ken Jacob, ket nangikeddeng iti linteg iti Israel, isu nga imbilinna cadagiti amammatayo, nga ipacaammoda ida cadagiti putputotda;
6 Sal. 102:18. Tapno ti caputotan a sumaganad maammoanna ida, agpapan dagiti ubbing a mayanacto; dagidiay bumangondanto ket ibagadanto ida cadagiti putputotda,
7Tapno maisaadda coma ti inanamada iti Dios, ken dida malipatan dagiti aramid ti Dios, ngem salimetmetanda ketdi dagiti bilbilinna,
8Ken saanda coma a cas cadagidi amammada, Deut. 21:18, 20. Jer. 5:23.a caputotan a patupec ket nasungit, caputotan a dida mapaglinteg ti pusoda, ken ti espirituda saan a natalingenngen iti Dios.
9Dagiti anac ni Efraim, idinto a nagtagiarmas ken nagtagipanada, naglicudda idi aldaw ti bacal.
10Dida sinalimetmetan ti tulag ti Dios, ket indianda ti nagna iti lintegna;
11Ket linipatanda dagiti ar-aramidna, ken dagiti nacascasdaaw a gapuanan nga imparangarangna cadacuada.
12Nacascasdaaw a banbanag dagiti inaramidna iti Ex. 7–12.saclang dagiti amammada, idiay daga nga Egipto, idiay Num. 13:22.away ti Zoan.
13 Ex. 14:21; 15:18. Binisngayna ti baybay, ket pinaglasatna ida iti tengngana; ket pinagtacderna dagiti dandanum a cas la napenpen.
14 Ex. 13:21. Iti aldaw inturturongna met ida babaen ti maysa nga ulep, ket bayat ti agpatnag iti lawag ti apuy.
15 Ex. 17:6. Num. 20:8, 10, 11. Pinagrengngatna dagiti batbato iti let-ang, ken iniccanna ida iti inumen a sibubuslon a cas aggapu cadagiti caungan.
16Pinagpusuacna met dagiti baresbes cadagiti batbato, ket pinagayusna dagiti dandanum a cas carcarayan.
17Nupay casta nagbasolda laeng iti maicaniwas kencuana, Sal. 95:8-10. Heb. 3:16.a bimmusor iti Cangatoan idiay let-ang.
18Ken Ex. 16:2. 1 Cor. 10:9.sinuutda ti Dios iti pusoda gapu iti panagkiddawda iti taraon a cas maitutop iti tarigagayda.
19Wen, nagsaoda iti maibusor iti Dios; kinunada, Mabalin ngata ti Dios nga isagana ti canen ditoy let-ang?
20 Ex. 17:6. Num. 11:20. Adtoy, dinugsolna ti bato, ket iti casta pimsuac dagiti dandanum, ket dagiti carayan naglippiasda; macaited met ngata iti tinapay? mangipaayto ngata iti carne iti ilina?
21Ngarud ni Jehova Num. 11:1, 10.nangngegna, ket nacapungtot; ket simged ti apuy a maibusor ken Jacob, ken castamet ti pungtot nagpalalo a mangbusor iti Israel;
22Gapu ta saanda a namati iti Dios, ket saanda a nagtalec iti panangisalacanna.
23Nupay casta binilinna dagiti tangatang iti ngato, ket linuctanna dagiti ruangan ti langit;
24 Ex. 16:4. Ket intudona cadacuada ti mana a canenda, ket intedna cadacuada ti Sal. 105:40. Juan 6:31.taraon manipud langit.
25Ti tao nangan iti Sal. 103:20.tinapay ti mannacabalin: imbaonanna ida iti taraon a naananay.
26 Num. 11:31. Pinagpul-oyna ti casaor cadagiti tangatang; ket iti bilegna inturongna ti angin nga abagat.
27Nagtudo met iti carne cadacuada cas tapoc, ken payacan a tumtumatayab a cas iti darat dagiti baybay:
28 Ex. 16:13. Ket pinagtinnagna iti tengnga ti nagpacarsoanda, iti aglicmut cadagiti nagnaedanda.
29Iti casta nanganda, ket nagpennecda a nalaing; ket itedna cadacuada ti Num. 11:4, 34.calicagumda met laeng.
30Dida pay naisina iti daydi a tinarigagayanda, adda pay laeng cadagiti ngiwngiwatda daydi canenda,
31Idi a rimmangen ti pungtot ti Dios cadacuada, ket Sal. 22:29.nangpapatay cadagiti cabanegan cadacuada, ken impasagna dagiti napili a taga-Israel.
32No man pay castoy isuda Num. 14:16, 17.nagbasbasolda laeng, ken dida namati cadagiti nacascasdaaw nga ar-aramidna.
33 Num. 14:29, 35. Gapuna a dagiti al-aldawda inibusna iti Sal. 39:5.barengbareng, ket dagiti tawtawenda iti ames.
34 Os. 5:15. Idi a papatayenna ida, isu metten ti panangbirucda kencuana; ket nagsublida ken sinapulda a sipapasnec ti Dios.
35Ket nalagipda a ti Deut. 32:4.Dios isu ti batoda, ket ti Cangatoan a Dios ti Sal. 74:2. Ex. 15:13.manubbot cadacuada.
36Ngem isu Isa. 29:13. Mat. 15:3.inalaliugda babaen ti ngiwatda, nagulbodda kencuana, babaen ti dilada.
37Ta ti pusoda saan a nalinteg kencuana, dida met sitatalimudoc iti tulagna.
38 Eze. 34:6. Num. 14:20. Ngem isu, idinto a manangngaasi, pinacawanna ti kinadakesda, ket saanna a pinucaw ida: wen, naminadu nga incalilisna ti pungtotna, ket saanna nga impapas amin a pungtotna.
39 Sal. 103:14, 16. Ket linaglagipna nga Gen. 6:3. Juan 3:6.isuda lasagda laeng, angin a lumabas, ket saan nga agsublin.
40Anian a nagadu ti Efe. 4:30.ibubusorda kencuana idiay tantanap, ken panamagladingitda kencuana idiay let-ang!
41Ket sinublianda manen ti mangsu-ut iti Dios, ken pinaungetda ti Santo ti Israel.
42Saanda a linaglagip ti imana, ken daydi aldaw a pinangsubbotna cadacuada iti cabusor;
43 bil. 12. Aginga bil. 51. Sal. 105:27-38. Casano ti panangicabilna cadagiti pagilasinanna idiay Egipto, ken cadagiti gapuananna a nacascasdaaw idiay tay-ac ti Zoan,
44 Ex. 7:17. Ket pinagbalinna a dara dagiti carcarayanda, ken dagiti baresbesda, tapno iti casta dida macainum.
45 Ex. 8:21-24. Nangibaon cadacuada cadagiti umatibelbel a ngilaw, a nangsepsep cadacuada; ken Ex. 8:2-14.tuctucac, a nangdadael cadacuada.
46Inyawatna met ti kinarangpayada iti arabas, ken Ex. 10:12-15.impadudonna ti nagbannoganda.
47Dinadaelna dagiti Ex. 9:23-25.inuvasanda iti uraro, ket dagiti sicomoroda iti linnaaw a nagbalay.
48 Ex. 9:23-25. Impaayna met cadagiti an-animalda ti uraro, ket dagiti pangenda iti nabara a sal-it.
49Impalladawna met cadacuada ti kinarungsot ti pungtotna, rurod, ken gura, ken riribuc, bunggoy ti espiritu a dakes.
50Inyaramidanna iti dana ti pungtotna; saanna nga incaluya ti cararwada iti patay, intedna ketdi ti biagda iti angol,
51 Ex. 12:29. Ket dinanarna amin dagiti inauna nga annac sadi Egipto, ti pangolo ti pigsada cadagiti calapaw ni Sal. 105:23.Cam.
52Ngem intulodna ti ilina met laeng a Sal. 77:20.casda la carcarnero, ket inturongna ida iti let-ang a cas maysa a pangen.
53Ket intulodna ida a sitatalged, iti casta dida nagbuteng; ngem ti baybay Ex. 14:27, 28; 15:10.linemmesna dagiti cabcabusorda.
54Ket inyegna ida iti pungto ti Ex. 15:17. Isa. 11:9.nasantoan a yan, iti daytoy a bantay, a pinaadda ti canawan nga imana.
55Pinacsiatna met dagiti nasnacion iti sangoananda, ken Jos. 23:4.pinaglalasinna ida iti tawid Sal. 105:11.ti pinuonpuon, ket pinagnaedna dagiti caputotan ni Israel cadagiti calcalapawda.
56Nupay casta sinu-ut ken bimmusorda iti Cangatoan a Dios, ket dida sinalimetmetan dagiti pamanecnecna;
57Timmallicudda ketdi, ken nangliliputda cas cadagiti ammada: naicabsiwda Os. 7:16.a cas mangallilaw a bai ti pana.
58Ta ginargarida a nacapungtot gapu cadagiti Lev. 26:30. 1 Ar. 11:7.nangato a dissoda, ket ginutugotda nga agimon gapu cadagiti nakitikitan a ladawanda.
59Idi a ti Dios nangngegna daytoy, nagrurod, ket kinarimonna a napalalo ti Israel.
60 1 Sam. 4:11. Jer. 7:12-14. Iti casta pinanawanna ti tabernaculo idiay Jos. 18:1.Silo, ti tolda a binangonna iti nagtengngaan dagiti tattao:
61Ket inyawatna ti Sal. 105:4.pigsana iti pannacacayaw, ken ti dayagna iti ima ti sumuppiat.
62 1 Sam. 4:10. Inyawatna met ti ilina iti campilan, ket Jer. 7:34.nacapungtot iti patawidanna.
63Ti apuy linamutna dagiti cabanbannoagan a lallakida; ket dagiti virgenda awan cantada iti panagpaboda.
64 1 Sam. 4:11. Dagiti papadida naidalitda iti campilan; ket Job 27:15.dagiti balbaloda dida nacapagunoy.
65Idi a casta ti Apo nagriing a cas maysa a nacaturog, Isa. 42:13.cas mannacabalin a lalaki nga agisissiag gapu iti arac.
66Ket 1 Sam. 5:6, 12; 6:4.kinabilna a pinatallicudan dagiti simmuppiat kencuana: insaadna ida iti agnanayon a pannacaababi.
67Maysa pay binaybay-anna ti calapaw ni Jose, ken dina met nagayatan ti caputotan ni Efraim.
68Ngem pinilina ti caputotan ni Juda, ti bantay Sion Sal. 87:2.nga inayatna.
69Ket binangonna ti santuariona a cas cadagiti alimpatoc, cas iti daga nga impasdecna tapno agnanayon.
70 1 Sam. 16:11, 13. Pinilina met ni David nga adipenna, ken impanawna cadagiti pagaponan ti carnero.
71 2 Sam. 5:2. Nanipud iti panangsursurotna cadagiti cabayan nga addaan annac isu innalana, tapno isu ti pastor ni Jacob nga ilina, ken iti Israel a pinatawidanna.
72Iti casta isu idi ti pastorda cas mayannurot iti 1 Ar. 9:4.kinalinteg ti pusona, ket impangoloanna ida babaen ti kinalaing ti imana.
Who We AreWhat We EelieveWhat We Do
2025 by iamachristian.org,Inc All rights reserved.
