1Iti Aginga bil. 8. 2 Ar. 20:12-19.daydi a pannawen ni Merodacbaladan, nga anac ni Baladan, nga ari ti Babilonia, nangibaon cadagiti sursurat ken maysa a sagut ken ni Ezekias; ta nangngegna nga isu nagsakit, ket naimbagan.
2Ket ni Ezekias nagragsac cadacuada, ket impakitana cadacuada ti balay dagiti cucuana a napateg, 2 Ar. 18:15, 16.pirac, ken balitoc, dagiti recrecado, ken ti napateg a lana, ken ti amin a balay ti gamigamna, ken cadagiti isu-amin a masaracan cadagiti gamgamengna; awan idi iti balayna, awan met iti amin a pagturayanna, ti saan nga impakita ni Ezekias cadacuada.
3Idin immay ni Isaias a mammadto ken ari Ezekias, ket kinunana kencuana, Ania ti kinuna dagitoy a lallaki? ken sadino ti naggapuanda nga immay kenca? Ket ni Ezekias kinunana, Isa. 5:26.Nanipud iti maysa nga adayu a daga immayda caniac, nanipud met laeng Babilonia.
4Idin kinunana, Ania ti nakitada iti balaymo? Ket ni Ezekias simmungbat, Amin nga adda iti balayco nakitada; awan ti aniaman cadagiti gamgamengco ti diac impakita cadacuada.
5Idin ni Isaias kinunana ken Ezekias, Denggem ti sao ni Jehova dagiti buybuyot:
6Adtoy, dumteng dagiti al-aldaw, intono amin nga adda iti balaymo, ken dayta nga inurnong dagiti ammam iti pagidulinan agingga ita nga aldaw, Jer. 20:5.maipandanto idiay Babilonia: awanto ti mabati, cuna ni Jehova.
7Ken dagiti annacmo a lallaki nga agtaudto kenca, isuda a putotemto ipanawdanto: ket Dan. 1:2, 3, 7.isudanto dagiti eunucos iti palacio ti ari ti Babilonia.
8Idin ni Ezekias kinunana ken ni Isaias, 1 Sam. 3:18.Naimbag ti sao ni Jehova nga insaom. Kinunana pay met, Ta addanto talna ken kinapudno cadagiti al-aldawco.
Who We AreWhat We EelieveWhat We Do
2025 by iamachristian.org,Inc All rights reserved.
