EXODO 37 - Ilokano Form-Based Bible: Ti Biblia (1973)

Ti pannacaaramid ti lacasa; ti lamisaan; ti candelero; ti altar ti incienso.

1Ket ni Bezaleel nangaramid ti Aginga bil. 9. Ex. 25:10-20.lacasa a cayo ti acacia: dua a sico ket guddua ti caatiddugna, ket maysa a sico ket guddua ti caacabana, ket maysa a sico ket guddua ti catayagna:

2Ket kinalupcupanna iti bin-ig a balitoc iti uneg ken ruar, ket inaramidna ti maysa a balangat a balitoc iti lawlawna.

3Ket impandayanna cadagiti uppat a singsing a balitoc, cadagiti uppat a sacsacana; dua a singsing iti maysa a bangirna, ken dua a singsing iti casumbangirna.

4Ket inaramidna dagiti pagassiwan a cayo ti acacia, ket kinalupcupanna ida iti balitoc.

5Ket incabilna dagiti pagassiwan cadagiti singsing cadagiti sicsikigan ti lacasa, a pamagcatan iti lacasa.

6Ket nangaramid iti maysa a tugaw ti caasi a bin-ig a balitoc: dua a sico ket guddua ti caatiddugna, ket maysa a sico ket guddua ti caacabana.

7Ket nangaramid cadagiti dua a querubin a balitoc; pinipit ti pinangaramidna cadacuada cadagiti dua a murmurdong ti tugaw ti caasi;

8Maysa a querubin iti maysa a pungto, ket maysa a querubin iti sabali a Ex. 25:19.pungto: maysa a sangsangcanayon iti tugaw ti caasi inaramidna dagiti querquerubin cadagiti dua a pungpungtona.

9Ket dagiti querquerubin inucradda dagiti paypayacda nga inpangato a linonganda ti tugaw ti caasi cadagiti paypayacda, ti maysa sinangona ti caduana; iti tugaw ti caasi ti pagturungan dagiti ruprupa dagiti querquerubin.

10 Aginga bil. 16. Ex. 25:23-29. Ket nangaramid ti lamisaan a cayo ti acacia: dua a sico ket guddua ti caatiddugna, maysa a sico ti caacabana, ket maysa a sico ket guddua ti cangatona:

11Ket kinalupcupanna iti bin-ig a balitoc, ket inyaramidanna iti maysa a balangat a balitoc iti aglawlaw.

12Ket inyaramidanna iti maysa a paigidna a sangadaculapan nga aglawlaw, ket nangaramid iti maysa a balangat a balitoc iti paigid nga aglawlaw.

13Ket nagpanday cadagiti uppat a singsing a balitoc, ket insaadna dagiti singsing cadagiti uppat a sulsuli nga addada cadagiti uppat a sacsacana.

14Iti asideg ti murdong addada idi dagiti singsing a pacayusucan dagiti pagassiwan a pamaclayan ti lamisaan.

15Ket nangaramid cadagiti pagassiwan a cayo ti acacia, ket kinalupcupanna ida iti balitoc, a pamaclayan ti lamisaan.

16Ket nangaramid iti ar-aruaten a bin-ig a balitoc nga adda iti rabaw ti lamisaan, Ex. 25:29.dagiti pingpingganna, ken dagiti cutcucharana, ken dagiti malmalocongna, ken dagiti gorgoritana, a pagibucbucna,

17 Aginga bil. 24. Ex. 25:31-39. Ket nagaramid iti candelero a bin-ig a balitoc: pinitpit ti inaramidna a candelero, uray ti puonna, ken ti ongcayna; dagiti copana, dagiti sinanbolana, ken dagiti sabsabongna sangsangcanayonda kencuana.

18Ket innem dagiti sangsangana idi a rumuar iti bacrangna; tallo a sangsanga ti candelero iti maysa a bacrangna, ket tallo a sangsanga iti sabali bacrangna:

19Tallo a copa naaramid a cas sabong ti almendra iti maysa sanga, maysa a sinan bola sa maysa a sabong; ket tallo a copa ti naaramid a cas sabong ti almendra iti sabali a sanga, maysa a sinan bola ken maysa a sabong: casta ti naipaay cadagiti innem a sangsanga a rumuar iti candelero.

20Ket iti candelero adda idi uppat a copa, naaramid a cas sabong ti almendras, dagiti sinan bolana, ken dagiti sabsabongna;

21Ket ti maysa a sinanbola iti babaen dagiti dua a sangsanga a sangsangcanayonda, ken ti maysa sinanbola iti babaen dagiti dua a sangsanga a sangsangcanayonda, ken maysa iti babaen dagiti dua a sangsanga a sangsangcanayonda, naipaay cadagiti innem a sangsanga a rumuar kencuana.

22Dagiti sinanbola ken dagiti sangsangada sangsangcanayonda a paset ti nacadagupanna pinitpit a bin-ig a balitoc.

23Ket inaramidna a bin-ig a balitoc dagiti pito a pagsainganna, ken dagiti pangarsang kencuana, ken dagiti pingganna a pagiddissoan ti inarsang,

24Iti maysa a talento ti bin-ig a balitoc inaramidna, ken amin nga ar-aruatenna.

25 Aginga bil. 28. Ex. 30:1-5. Ket nangaramid ti altar ti incienso a cayo ti acacia: maysa a sico ti caatiddugna, ken maysa a sico ti caacabana, nagcuadrado; ket dua a sico ti catayagna; dagiti sarana sangsangcamaysada iti altar.

26Ket kinalupcupanna iti balitoc a pulos, ti rabawna ken dagiti bacrangna nga aglawlaw, ken dagiti sarana: ket inyaramidanna iti maysa a balangat a balitoc nga aglawlaw.

27Ket nangaramid cadagiti dua a singsing a balitoc iti babaen ti balangatna, cadagiti dua a paragpagna, cadagiti dua a sikigna a pacayusocan cadagiti pagassiwan a pangbagcatan kencuana.

28Ket inaramidna dagiti pagassiwan nga cayo ti acacia, ket kinalupcupanna ida iti balitoc.

29Ket inaramidna ti Ex. 30:23, 34.nasantoan a lana a pagsapsapo, ken ti Ex. 30:7.nadalus nga incienso ti nasayamusom nga recrecado, a cas iti laing ti managaramid iti bangbanglo.