ECLESIASTES 8 - Ilokano Form-Based Bible: Ti Biblia (1973)

Dagiti agturay rebbengda ti mapagtulnogan. Ti panagduduma ti biag. Ti kinalimed dagiti panagaramid ti Dios.

1Siasino ti cas iti masirib a tao? ken siasino ti macaammo ti caipapanan ti aniaman a banag? Prov. 17:24. Ecle. 2:14.Ti sirib ti tao pagraniagenna ti rupana, ket ti kinarupanget ti rupana masucatan.

2Siac patigmaananca, Prov. 16:13.Salimetmetam ti bilin ti ari, ken ti bilin a maipapan ti 2 Sam. 5:3. Rom. 13:5.sapata ti Dios.

3Dica agdarasudos a Ecle. 10:4.rumuar nga aggapu iti saclangna; dica agtalinaed iti dakes a banag; ta isu aramidenna ti aniaman a macaay-ayo kencuana.

4Ta ti sao ti ari addaan pannacabalin; ket Job 34:18.asino ti agsao coma kencuana, Ania ti aramidem?

5Asinoman a mangsalimetmet iti bilin dinanto mapadasan ti dakes a banag; ket ti puso ti maysa a masirib a tao mapaglasinna ti pannawen ken panangipato ti tiempo ken pannacaocom:

6Ta Ecle. 3:1.iti tunggal panggep adda pannawenna ken pannacaikeddengna; agsipud ta ti kinaay-ay-ay ti tao dackel kencuana:

7Ta isu Prov. 24:22. Ecle. 6:12; 9:12; 10:14.dina ammo ti addanto; ta asino ti macaibaga no casanonto?

8Awan ti tao nga addaan pannacabalin iti rabaw ti Job 14:5. Sal. 49:6-7.espiritu tapno tenglenna ti espiritu; isu awanan kinaturay ti aldaw ti patay, ket awan ti panagleppasna iti gubat: uray ti kinadangcoc dina maisalacan daydiay maited kencuana.

9Amin daytoy, nakitac, ket impaayco ti pusoc iti tunggal aramid a naaramid iti baba ti init: adda pannawen a ti maysa a tao addaan pannacabalin iti sabali a maipaay iti pagdacsanna.

10Iti casta nakitac dagiti nadangcoc a naiponpon ket dimtengda iti panungpalanda; ket dagiti nagaramid a sililinteg pinanawanda ti nasantoan a yan, ket nalipatan ida ti ili: daytoy kinaubbaw met.

11Agsipud ta ti panangipato a maibusor iti dakes nga aramid Sal. 10:6; 50:21. Isa. 25:10. Rom. 2:4, 5. 2 Ped. 3:9.saan a matungpal a sipapardas, iti casta ti puso dagiti annac dagiti tattao ipamaysada ti agaramid iti dakes.

12Uray pay ti maysa a managbasol agaramid iti dakes iti mamingasut, ket paatiddugenna dagiti aldawna, nupay casta Deut. 4:40; 12:25. Isa. 3:10.ammoc a sipupudno a naimbagto cadagiti agbuteng iti Dios, dagiti agbuting iti sangoananna:

13Ngem dinto naimbag iti nadangcoc, dinanto paatiddugen dagiti al-aldawna, nga isuda a cas la Job 14:20.aniniwan; agsipud ta saan nga agbuteng iti sangoanan ti Dios.

14Adda maysa a kinaubbaw a maaramid iti rabaw ti daga, Ecle. 9:1-3. Sal. 73:12-14.nga adda tattao a nalinteg a cadacuada mapasamac ti maitutup iti aramid ti nadangcoc; casta met adda tattao a nadangcoc a cadacuada mapasamac ti maitutup iti aramid ti nalinteg: kinunac a daytoy kinaubbaw met.

15Idin Ecle. 2:24.dinayawco ti kinaragsac, agsipud ta ti maysa a tao awanan naim-imbag a banag iti baba ti init, ngem iti pannangan ken yiinum, ken panagragona; ta dayta makipagyanto kencuana iti nagbannoganna cadagiti amin nga al-aldaw ti biagna nga inted ti Dios kencuana iti baba ti init.

16Idi ipapusoc ti panangammoc iti sirib Ecle. 3:10.ken panangkitac iti aramid a maaramid iti rabaw ti daga (gapu ta adda met daytay saan a macaturog cadagiti matana iti aldaw man wenno rabii),

17Idin kinitac amin ti aramid ti Dios, a di matontonan ti Job 5:9. Ecle. 3:11. Rom. 11:33.tao ti aramid a maaramid iti baba ti init agsipud ta no casano ti caadu ti panagbannog ti tao nga agsukimat, nupay casta isu Sal. 73:16.dinanto masaracan; wen uray pay no ti maysa a masirib a tao agpanunot a mangammo iti daydiay, cascasdi nga isu dinanto cabaelan a saraken.