ISAIAS 32 - Ilokano Form-Based Bible: Ti Biblia (1973)

Ti panagturay ti nalinteg nga ari. Dagiti babbai ti Jerusalem mabalacadanda.

1Adtoy, maysa nga ari agarinto Sal. 45:1; 72:1, 2, 4. Jer. 23:5.iti kinalinteg, ken dagiti panguloen agturaydanto iti kinajusticia.

2Ket isunto ti maysa a tao a cas maysa a Isa. 4:6.paglemmengan no agangin, ken maysa a paglinongan no agbagio, cas ay-ayus dagiti danum iti disso a namaga, cas la linong ti maysa dackel a bato iti Isa. 25:5.daga a napacsuyan.

3Ket Isa. 35:5.dagiti mata dagiti macakita saandanto nga agcudrep, ken dagiti lapayag dagiti macangngeg dumngegdanto.

4Ken ti puso ti nadursoc maawatannanto ti pannacaammo, ket ti dila dagiti Isa. 28:11.mutal nasiglatto nga agbalicas a nalawag.

5Ti maag uray caano dinto managananen iti natan-oc, uray ti tao a nadurogas saanton a macuna a managparabur.

6Ta ti maag agsao a simamaag, ket ti pusona agaramidto iti kinadangkes, tapno paaduenna ti tabbaaw, ken mangibalicas iti allilaw a maibusor ken ni Jehova, tapno aramidenna nga awan ti agyan iti cararua ti mabisin, ken pagawanenna ti inumen ti mawaw.

7Ket dagiti alicamen ti nadurogas dakesda: isu agpakinakem cadagiti dakes a gandat a mangdadael iti naemma babaen cadagiti naulbod a sasao, uray no ti addaan pannacasapul agsao ti nalinteg.

8Ngem ti natan-oc agpakinakem cadagiti natan-oc a banbanag; ket isu aglayonto cadagiti natan-oc a banbanag.

9 Isa. 3:16-24. Amos 6:1. Tumacdercayo, dacayo a babbai nga addaan nam-ay, ket denggenyo ti timecco; dacayo a naliway nga annac a babbai, timudenyo toy bitlac.

10Ta cadagiti al-aldaw iti calpasan ti maysa a tawen maringgorancayto, dacayo babbai a naliway; ta ti panagburas ti uvas agawanto, ti panagapit saanto nga umay.

11Agpigergercayo, babai nga addaan nam-ay; maringgorancayo, dacayo a naliway; agucsobcayo, ken aglamolamocayo, ket barikesanyo iti lupot a nakersang dagiti lomoyo.

12Isuda dandanugendanto dagiti barucong a gapu iti nacaay-ayo a taltalon, gapu iti nabunga nga uvas.

13Iti rabaw ti daga ti ilic Isa. 34:13. Os. 9:6.tumpuarto dagiti calcalunay ken cascasumba; wen, iti rabaw dagiti amin a balbalay ti rag-o iti ili a narag-o.

14Ta ti palacio Isa. 27:10.mabaybay-anto; ti ili nga adu ti taona maongaongto; ti turod ken ti pagwanawanan agbalindanto a rukib iti agnanayon, maysa a rag-o dagiti asno nga atap, maysa a pagaraban dagiti arban;

15 Joel 2:28. Aggingga iti maibucboc cadatayo ti Espiritu nga aggapu iti ngato, ket ti Isa. 29:17; 35:1, 2.let-ang agbalin a maysa a nabunga a talon ket ti nabunga a talon magatadan a cas maysa a bakir.

16Iti casta ti kinajusticia agtaengto iti let-ang; ket ti kinalinteg agtaengto iti nabunga a talon.

17Ket ti aramid ti kinalinteg Sal. 119:165. Sant. 3:18.isunto ti talna; ket ti patauden ti kinalinteg kinaulimec ken panagtalec nga agnanayon.

18Ket ti ilic agnaedto iti natalna a pagyanan; ken iti namayengmeng a pagtaengan, ken cadagiti natalingenngen a paginanaan.

19Ngem aguraronto iti pannacarba ti bakir; ket ti ili maipababanto a matalipupus.

20Nagasatcayo dacayo Ecle. 11:1.nga agmula iti sibay dagiti amin a dandanum, nga agpapagna cadagiti sacsaca ti Isa. 30:24.vaca ken ti asno.