JEREMIAS 29 - Ilokano Form-Based Bible: Ti Biblia (1973)

Ni Jeremias balacadanna dagiti nacayawan tapno agtalnada. Ti pannacaisublida iti calpasana iti pitopulo a tawen. Ti nacaay-ay-ay a casasaad ti matda sadi Judea. Ni Jeremias tubngarenna dagiti dadduma a naulbod a mammadto.

1Ket dagitoy dagiti sasao ti surat nga impaw-it ni Jeremias a mammadto manipud Jerusalem cadagiti natda Jer. 19:1. Eze. 8:1.cadagiti panglacayen ti pannacacayaw ken Jer. 23:33.cadagiti papadi, ken cadagiti mammadto, ken cadagiti amin a tattao a nacayawan nga impan ni Nabucodonosor manipud Jerusalem agingga iti Babilonia.

2(Calpasan a ni 2 Ar. 24:12, 15.Jeconias nga ari, ken ti reina nga ina, ken dagiti eunucos ken dagiti Jer. 21:1.piprincipe ti Juda ken Jerusalem, ken dagiti nalaing a managar-aramid, ken dagiti mammanday, pimmanawda sadi Jerusalem),

3Babaen ti ima ni Elasa, nga anac a lalaki ni 2 Cron. 34:8.Safan, ken Gemarias nga anac a lalaki ni 1 Cron. 6:13.Helcias, (isu nga imbaon ni Sedekias nga ari ti Juda sadi Babilonia ken ni Nabucodonosor nga ari ti Babilonia), a kinunana,

4Castoy ti cuna ni Jehova dagiti buybuyot, a Dios ti Israel, cadagiti amin a nacayawan, isuda a pinaipanco a nacayawan, isuda a pinaipanco a nacayawan manipud Jerusalem agingga iti Babilonia:

5Mamangoncayo cadagiti balbalay, bil. 28. Eze. 11:3.ket agnaedcayo cadacuada, ket agmulacayo cadagiti minuyongan, ket canenyo dagiti bungbunga cadacuada.

6Mangasawacayo, ket agputotcayo cadagiti annac a lallaki ken babbai, ken mangalacayo cadagiti assawa a maipaay cadagiti annacyo a lallaki; ken iccanyo dagiti annacyo a babbai cadagiti assawada, tapno agipasngayda coma cadagiti annac a lallaki ken babbai: ket umaducayo idiay, ket saancayo a bumassit.

7Ket birukenyo ti talna ti ili a nagpaipanac cadacayo a nacayawan, Esd. 6:10.ket agcararagcayo ken Jehova gapu kencuana: ta ti talnana maaddaancayonto iti talna.

8Ta castoy ti cuna ni Jehova dagiti buybuyot, a Dios ti Israel: Saanyo nga ipalubos cadagiti mammadtoyo, nga adda cadagiti nagtengngaanyo, ken Jer. 27:9.cadagiti mammoyonyo nga allilawendacayo, saanyo met nga imdengan dagiti tagtagainepyo a tinagtagainepyo met laeng.

9Ta isuda agipadtoda a siuulbod cadacayo iti naganco: Diac imbaon ida, cuna ni Jehova.

10Ta castoy ti cuna ni Jehova, Jer. 25:12; 17:22.Calpasan ti pannacaturpos iti pitopulo a tawen a maipaay iti Babilonia siac sarungcarancayto, Jer. 33:14.ket tungpalecto ti nasayaat a saoc cadacayo, a panangipasublic cadacayo ditoy a disso.

11Ta ammoc dagiti panpanunot a panunotec a maipapan cadacayo, cuna ni Jehova, panpanunotda ti cappia, ket saan nga iti dakes, Jer. 31:17.tapno mangted cadacayo ti inanama iti maududi a pagtungpalanyo.

12Ket umawagcayto caniac, ket rumuarcayto ket agcararagcayto caniac, ket ipangagcayonto.

13Ket sapulendacto, ket masaracandac, intono birukendac iti amin a pusoyo.

14Ket Deut. 4:29. Sal. 32:6; 78:34. Isa. 55:6. Jer. 10:18.masaracandacto, cuna ni Jehova: ket pagbaliwecto iti pannacacayawyo, ket Jer. 23:3, 8; 30:3; 32:37.urnongencayto nga aggapu cadagiti amin a nacion, ken cadagiti amin a disso a nangipaturongac cadacayo, cuna ni Jehova; ket pagsubliencayto manen ditoy a disso a nangigapuac cadacayo a nacayawan.

15Gaput ta kinunayo, Ni Jehova namangon cadatayo cadagiti mammadto ditoy Babilonia;

16Castoy ti cuna ni Jehova a maipapan iti ari nga Jer. 22:2.agtugaw iti trono ni David, ken maipapan cadagiti amin a tattao nga agnaed itoy nga ili, dagiti cacabsatyo a saanda a nakicuyog cadacayo iti pannacacayaw;

17Castoy ti cuna ni Jehova dagiti buybuyot: Adtoy, ibaonconto cadacuada ti Jer. 24:10.campilan, ti bisin, ken ti angol, ket pagbalinecto ida a cas cadagiti Jer. 24:8.nalaad nga higos, a saan a mabalin a canen, ta dakesda unay.

18Ket camatecto ida iti campilan, iti bisin, ket iti angol, ket Deut. 28:25. Jer. 24:9.iyawatconto ida a maipalladaw nga agal-laal-la cadagiti amin a pagarian Jer. 26:6.ditoy daga, nga agbalinda a pagtabtabbaawan, ken pagsidsiddaawan, ken pagsansanamtican, ken pacaumsian, cadagiti amin a nacion a nangipaturongac cadacuada;

19Gapu ta isuda dida impangag dagiti sasaoc, cuna ni Jehova, isuda a pinaidanunco cadacuada cadagiti adipenco a mammadto a bimmangonac a masapa ket imbaonco ida; ngem dicayo kinayat a dinengngeg, cuna ni Jehova.

20Denggenyo ngarud ti sao ni Jehova, dacayo amin a nacayawan, Jer. 24:5.dacayo a pinaipanco manipud Jerusalem agingga iti Babilonia.

21Castoy ti cuna ni Jehova dagiti buybuyot, a Dios ti Israel, a maipapan ken ni Acab nga anac a lalaki ni Colias, ken maipapan ken ni Sedekias nga anac a lalaki ni Maasias, isuda a mangipadles iti ulbod bil. 9.cadacayo iti naganco: Adtoy, iyawatconto ida iti ima ni Nabucodonosor nga ari ti Babilonia; ket papatayennanto ida iti sangoanan dagiti matayo;

22Ket cadacuada maalanto ti maysa a Jer. 24:9.lunod cadagiti amin a nacayawan Isa. 65:15.ti Juda nga adda idiay Babilonia, a cunana, Ni Jehova aramidennacayonto a cas ken Sedekias ken cas ken Acab, nga ti ari ti Babilonia Dan. 3:6.pinuuranna ida iti apuy;

23Ta isuda anacaaramidda iti kinamauyong iti Israel, ket nakicamalalada cadagiti babbai nga assawa dagiti caarrubada, ket nagsaoda cadagiti sasao nga ulbod iti naganco isu a saanco nga imbilin cadacuada; ket siac ti mannacaammo, Mal. 3:5.ken mamanecnec, cuna ni Jehova.

24Ket maipapan ken Semaya a Nehelamita agsaocanto a cunaem,

25Castoy ti saoen ni Jehova dagiti buybuyot, a Dios ti Israel, a cunana, Gapu ta nangipaw-itca cadagiti sursurat iti naganmo met laeng cadagiti amin a tattao nga adda idiay Jerusalem, ken 2 Ar. 25:18.ni Sofonias nga anac a lalaki ni Jer. 35:4.Maasias a padi, ken cadagiti amin a papadi a kinunam,

26Ni Jehova inaramidnaca a padi iti saad ni Joiada a padi tapno adda Jer. 20:1.coma agtuturay iti balay ni Jehova, ta tunggal maysa a tao nga 2 Ar. 9:1.agmauyong ken pagbalinenna ti bagina met laeng a 1 Sam. 18:10.mammadto, dayta icabilmonto coma iti tul-ong, ken Jer. 20:2.cadagiti paratengnged.

27Ita ngarud apay a saanyo a tinubngar ni Jer. 1:1.Jeremias a taga Anatot, isu a pagbalinenna ti bagina met laeng a maysa a mammadto cadacayo?

28Ta isu ngarud nagbaon cadacami ditoy Babilonia, a kinunana, Ti pannacacayaw atiddagto: bil. 5.mangipatacdercayo cadagiti balbalay, ket agnaedcayo cadacuada; ket agmulacayo cadagiti minuyungan, ket canenyo ti bunga cadacuada.

29Ket ni Sofonias a padi binasana daytoy a surat cadagiti lapayag ni Jeremias a mammadto.

30Idin ti sao ni Jehova immay ken ni Jeremias a kinunana,

31Agbaonca cadacuada amin a nacayawan, a cunam, Castoy ti cuna ni Jehova a maipanggep ken Semaya a Nehelamita: Gapu ta ni Semaya nagipadto cadacayo Jer. 28:15.ket saanco nga imbaon, ket pinagtalecnacayo iti ulbod;

32Gapuna castoy ti cuna ni Jehova, Adtoy, dusaecto ni Semaya a Nehelamita, ken ti putotna: isu awananto ti maysa a lalaki a makipagnaed iti nagtengngaan daytoy nga umili; Jer. 17:6.awanto met ti makitana a naimbag nga aramidecto a maipaay iti ilic, cuna ni Jehova, ta isu insurona ti isusukir a maibusor ken Jehova.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help