1Imdengam coma dagiti saoc, O Jehova, imutectecam coma ti panpanunotec.
2Denggem cadi ti timec ti asugco, Sal. 84:3.Aric, ken Diosco; ta Sal. 65:2.kenca agcararagac.
3O Jehova, Sal. 88:13.iti bigat denggemto ti timecco; iti bigat ornosecto ti cararagco kenca, ket agsiputacto.
4Ta sica saanca a maysa a Dios nga adda ayatna iti kinadakes: ti dakes saanto a makitaeng kenca.
5Dagiti napalangguad saandanto a macatacder iti sangoanam: sica guraem dagiti amin a managaramid iti kinakillo.
6Racrakemto dagidiay nga agsao iti Sal. 4:2. Apoc. 21:8.tinitiri: ni Jehova Sal. 55:23.guraenna dagiti mawawan iti dara ken naulbod a tattao.
7Ngem no caniac, iti caadu ti kinamanangngaasim umayacto iti balaymo: 1 Ar. 8:29, 30. Sal. 137:7.iti panagbuteng kenca agrucbabacto a situturong iti nasantoan a templom.
8 Sal. 25:5. Idalannac, O Jehova, iti kinalintegmo gapu cadagiti cabusorco; palanasem iti sangoanac ta dalanmo.
9Ta awan ti kinatalec iti ngiwatda; ti unegda napalalo a kinadakes: ti carabucobda isu ti maysa a Rom. 3:13.tanem a silulucat, pumasablugda iti dilada.
10Ibilangmo ida a nacabasol, O Dios; mapasagda coma a gapu cadagiti pammagbagada met laeng: pagtalawem coma ida babaen iti caadu dagiti isusukirda; ta isuda bimmusorda kenca.
11Ngem agragsac coma amin dagidiay nga agcamang kenca, umawawagda coma nga agnanayon gapu iti rag-o, ta icanawam ida: dagidiay met agayat ita naganmo agragsacda coma kenca.
12Ta sica bendicionamto ti nalinteg; O Jehova, sica bacudemto iti parabur Sal. 35:2.cas iti maysa a calasag.
Who We AreWhat We EelieveWhat We Do
2025 by iamachristian.org,Inc All rights reserved.
