1Ket iti Ex. 35:23.azul, ken purpura, ken escarlata inaramidda a Ex. 31:10.cawcawes a nasayaat ti pannacaaramidna, a maipaay iti panagannung iti nasantoan a disso, ken inaramidda a nasantoan a cawes a maipaay ken Aaron; Ex. 28:4.cas imbilin ni Jehova ken Moises.
2 Aginga bil. 29. Ex. 28:6-35. Ket inaramidna ti efod iti balitoc, azul, ken purpura, ken escarlata, ken nalapat a lienzo a tinali.
3Ket nagpitpitda iti balitoc a binalabala iti naingpis ket binarotda tapno ibinggasda iti azul, ken iti purpura ken iti escarlata, ken iti nalapat a lienzo a gapuanan ti nalaing nga agar-aramid.
4Nagaramidda cadagiti ragas nga hombrera a naisug-op; a maisug-op cadagiti dua a pungto.
5Ket ti nasayaat ti pannacaabelna a barikes nga adda iti rabaw ti efod a pangicapet kencuana, isu met ti nayon ti ragas ken capada ti pannacaar-aramidna; iti balitoc, iti azul, ken purpura ken escarlata, ken nalapat a lienzo a tinabid: cas imbilin ni Jehova ken Moises.
6Ket tinicapanda dagiti batbato nga onix, a naitampoc iti balitoc, a nakitikitan cadagiti kitikit ti maysa a pagtandaanan a mayalubog cadagiti nagnagan dagiti annac ti Israel.
7Ket incabilna ida cadagiti ragas nga hombrera ti efod, tapno isuda dagiti batbato a Ex. 28:12.panglaglagipan cadagiti annac ti Israel; cas imbilin ni Jehova ken Moises.
8Ket inaramidna ti pectoral, a gapuanan ti nalaing nga agaramid, cas pannacaaramid ti efod; a balitoc, azul, ken purpura, ken escarlata, ken nalapat a lienzo a tinabid.
9Cuadrado idi; inaramidda ti pectoral nga agsucut: maysa a dangan ti catiddugna ket maysa a dangan ti caacabana, nagcupin.
10 Ex. 28:17. Ket tinampucanda iti uppat nga intar cadagiti batbato. Maysa nga intar ti sardio, topacio, ken carbunclo isu idi ti umuna nga intar;
11Ket ti maicadua nga intar, maysa nga esmeralda, maysa a zafiro, ken maysa a diamante;
12Ket ti maicatlo nga intar, maysa a jacinto, maysa nga agata, ken maysa nga amatista;
13Ket ti maicapat nga intar, maysa a berilo, maysa nga onix, ken maysa a jaspe: naibalayda cadagiti calupcup a balitoc a nacaitampucanda.
14Ket dagiti batbato mayalubogda cadagiti nagnagan dagiti annac ti Israel, a sangapulo ket dua, a maisurot cadagiti nagnaganda; cas cadagiti nacaiburican ti maysa a pagtandaanan, tunggal maysa a mayannurot iti naganna, cadagiti sangapulo ket dua a capcaputotan.
15Ket inaramidda iti pectoral dagiti singdan a cas lubid a kinawar a pulos a balitoc.
16Ket inaramidda dagiti dua a pagitampucan a balitoc, ken dua a singsing a balitoc, ket incabilda dagiti dua a singsing cadagiti dua a pungto ti pectoral.
17Ket incabilda dagiti dua a kinawar a singdan a balitoc cadagiti dua a singsing cadagiti pungto ti pectoral.
18Ket dagiti sabali a dua pungto dagiti dua nga kinawar a singdan incamangda cadagiti dua a pagitampucan, ket indissoda ida cadagiti ragas nga hombrera ti efod iti sangoananna.
19Ket inaramidda dagiti dua a singsing a balitoc, ket incabilda ida cadagiti dua a murdong ti pectoral, iti pingirna nga adda iti sikigan ti efod a nakinuneg.
20Ket nangaramidda cadagiti dua a singsing a balitoc, ket incabilda ida cadagiti dua a ragas nga hombrera iti efod iti makinbaba, iti sangoananna, iti asideg ti pagsaipanna, a ngatoen ti nasayaat ti pannacaabelna a barikes ti efod.
21Ket ingalutda ti pectoral nga incapetda dagiti singsing cadagiti singsing ti efod nga inaramatda ti maysa a singdan nga azul, tapno maiparabaw ti nasayaat ti pannacaabelna a barikes ti efod, ken tapno ti pectoral saan a maisina iti efod; Ex. 28:28.cas imbilin ni Jehova ken Moises.
22Ket inaramidna ti cagay ti efod nga inabel a pulos nga azul;
23Ket ti tengnged ti cagay iti tengngana, cas ti putol ti maysa a bado a kinawar a landoc, nalebleban nga aglawlaw ti tengngedna, tapno saan a mapigisto.
24Ket inaramidda iti gayadan ti cagay ti granada nga azul, ken purpura, ken escarlata, ken lienzo a tinabid.
25Ket nagaramidda cadagiti camcampanilla a bin-ig a balitoc, ket insaadda dagiti camcampanilla nga inbalballaetda cadagiti granada iti gayadan ti cagay nga aglawlaw, a naiballaet cadagiti granada;
26Maysa a campanilla ken maysa a granada, maysa a campanilla ken maysa a granada, iti gayadan ti cagay nga aglawlaw, a pagcawes no agannung; Ex. 28:34.cas imbilin ni Jehova ken Moises.
27 Ex. 28:39, 40. Ket inyaramidanda ni Aaron ken dagiti annacna a lallaki cadagiti badbado a lienzo a nalapat nga inabel,
28Ken ti mitra a lienzo a nalapat, ken napintas a pannacacallogong a lienzo a nalapat, ken dagiti sapsapin a lienzo a nalapat a tinabid.
29Ken ti barikes a lienzo a nalapat a tinabid, ken azul, ken purpura, ken escarlata, a gapuanan ti managborda; cas imbilin ni Jehova ken Moises.
30 Ex. 28:36, 37; 29:6. Ket nagaramidda iti plancha ti balangat a nasantoan nga pasig a balitoc, ket inlanadda kencuana ti maysa a sinurat, cas cadagiti pannacaiburic ti maysa a pagtandaanan, NASANTOAN KEN JEHOVA.
31Ket insiglotda iti maysa a singdan nga azul, a pangicapet kencuana iti rabaw ti mitra iti ngato; cas imbilin ni Jehova ken Moises.
32Casta ti pannacalpas amin nga pannacaaramid ti tabernaculo ti tolda ti gimong; bil. 42, 43. Ex. 25:40.ket dagiti annac ti Israel inaramidda cas imbilin ni Jehova ken Moises; casta ti inaramidda.
33Ket impanda ti tabernaculo ken Moises, ti Tolda, ken amin dagiti alalicamenna, dagiti corchetesna, dagiti tabtablana, dagiti balbalunetna, ken dagiti adadigina, ken dagiti batbatayna;
34Ken ti abbong a lalat dagiti carcarnero a natina iti nalabaga, ken ti abbong a lalat dagiti foca, ken bil. 17. Ex. 26:1-20.ti cortina ti bengbeng.
35Ti lacasa ti pamanecnec, ken dagiti pagassiwan, ken ti tugaw ti caasi;
36Ti lamisaan, amin dagiti ar-araruatenna, ken ti tinapay ti pamarang;
37 Ex. 25:31. Ti candelero a nadalus, dagiti pagsainganna, a dagiti met laeng pagsaingan a mayornos, ken amin dagiti ar-aruatenna, ken ti lana a segden;
38 Ex. 30:3; 37:26; 40:5, 26. Ken ti altar a balitoc, ken ti lana a pagsapsapo, ken ti nasayamusom nga incienso, ken ti cortina iti ruangan ti Tolda;
39Ti altar a suer, ken iniket a barandillasna a suer, dagiti pagassiwan, ken amin dagiti alalicamenna, ti pagbuggoan ken ti batayna;
40 Ex. 27:9-15; 38:9-17. Dagiti cortina ti paraangan, dagiti adadigina, ken dagiti batbatayna, ken ti bengbeng iti ruangan ti paraangan, dagiti lublubidna, ken dagiti paspasocna, ken amin dagiti alalicamen ti panagannung iti tabernaculo, a maipaay iti tolda ti gimong;
41Dagiti nasayaat ti pannacaabelna a cawcawes a pagannung iti nasantoan a lugar, ken dagiti nasantoan a pagan-anay ni Aaron a padi, ken dagiti pagpagan-anay dagiti annacna, nga agannung iti kinapadi.
42Iti mayannurot cadagiti amin nga imbilin idi ni Jehova ken Moises, Ex. 35:10.casta ti inaramid dagiti annac ti Israel cadagiti amin nga ar-aramid.
43Ket ni Moises nakitana amin dagiti gapuanan, ket, adtoy, inaramidda; cas iti pinangibilin ni Jehova, casta ti pinangaramidda idi: Lev. 9:22, 23. Num. 6:23. Jos. 22:6. 2 Sam. 6:18. 1 Ar. 8:14. 2 Cron. 30:27.ket ni Moises binendicionanna ida.
Who We AreWhat We EelieveWhat We Do
2025 by iamachristian.org,Inc All rights reserved.
