DAGITI SALMO 37 - Ilokano Form-Based Bible: Ti Biblia (1973)

Kinatalingenngen dagiti Agtalec ken Jehova, ken Kinapeggad dagiti Nadangkes. Salmo ni David.

1 Prov. 24:1, 19. Dica agalimuteng gapu cadagiti managdacdakes, Sal. 73:3.dica met apalan dagiti agar-aramid iti kinakillo.

2Ta isuda mapatpatdanto iti mabiit Sal. 90:5, 6.a cas root, ket malaylaydanto a cas nalangto a mula.

3Agtalecca ken Jehova, ket agaramidca iti naimbag; agnaedca coma ditoy daga ket agtaraonca iti kinamatalecna.

4 Isa. 58:14. Pagayayatam met ni Jehova; ket isu itdennanto kenca dagiti tarigagay ta pusom.

5Icumitmo ti dalanmo Prov. 16:3. Mat. 6:25.ken Jehova; agtalecca met kencuana, ket isu ibanagnanto.

6Ket isu pagsacnapennanto ti kinalintegmo a cas iti lawag, ken ti calintegam a cas iti tengnga ti aldaw.

7 Sal. 62:1. Agtalnaca ken Jehova, ket Isa. 30:15. D. Un. 3:26.paturaymo a siaanus: Efe. 4:26.dica pagalimutengan ti agrang-ay iti dalanna, gapu iti tao a mapangabacna dagiti nadangkes a panggepna.

8Sardayam ti pungtot, ket lipatem ti gura: dica agalimuteng, daytoy agduyos laeng iti panagaramid iti dakes.

9 Job 27:13, 14. Ta dagiti agaramid iti dakes magessatdanto; ngem dagidiay nga agpannuray ken Jehova, Sal. 25:13.tawidendanto ti daga.

10 Job 24:24. Heb. 10:36, 37. Ta bassit pay a daricmat, ket ti nadangkes maawanton: Job 7:10. Isa. 57:13; 60:21.wen, mingmingamto a sigaganetget ti ayanna, ket awanton.

11 Mat. 5:5. Ngem dagiti naemma tawidendanto ti daga, ket maayayatandanto iti kinaruay ti talna.

12Ti nadangkes sigsigpenna ti maibusor iti nalinteg, ket ingaretngetna dagiti ngipenna kencuana.

13 Sal. 2:4. Ti Apo catawaannanto; ta makitana a ti Sal. 157:7. Ab. 12.aldawna dumtengen.

14Dagiti nadangkes inasutda ti campilan ket imbisarda ti bai ti panada, tapno maipasagda ti napanglaw ken macasapul, tapno mapapatayda dagiti Sal. 7:10.nalinteg iti dalan.

15 1 Sam. 2:4. Ti campilanda sumrecto cadagiti puspusoda met laeng, ket dagiti bai ti panada matuccolto.

16 Prov. 15:16. Nasaysayaat ti sangcabassit a cucua ti sililinteg ngem ti kinabacnang dagiti adu a nadangkes.

17Ta Job 38:15.dagiti tackiag dagiti nadangkes matuccoldanto; ngem ni Jehova saranayenna dagiti sililinteg.

18Ni Jehova Sal. 31:7.ammona dagiti aldaw dagiti napnoan-imbag; ket ti tawidda agnanayonto.

19Saandanto a mababainan intono tiempo ti riribuc; ket Job 5:20.intono aldaw ti panagbisin mapnecdanto.

20Ngem dagiti nadangkes mapucawdanto, ket dagiti cabusor ni Jehova casdanto la taba dagiti carnero: marunawdanto; cas asuc Sal. 102:3.maawandanto.

21 Deut. 28:12, 44. Ti nadangkes umutang, ket saan nga agbayaden; ngem Sal. 112:5, 9.ti nalinteg managparabur, ket mangted.

22 Prov. 3:33. Ta dagidiay bendicionanna tawidendanto ti daga; ket dagiti ilunodna magessatdanto.

23Dagiti panagaddang ti naimbag a tao patalgedan 1 Sam. 2:9. Prov. 16:9.ni Jehova; ket isu maayatanna ti dalanna.

24Uray matuang, Prov. 14:16. Mik. 7:8. 2 Cor. 4:9.saanto a madalupisac; ta ni Jehova saranayenna iti imana.

25Nagubingac, ket ita lacayacon; diac pay nacakita iti sililinteg a nabaybay-an, ken cadagiti putputotna man a Sal. 109:10.makipalpalama iti canen.

26 Mat. 5:42. Amin nga aldaw sipaparabur, ket agpabulod; ket ti putotna mabendicionan.

27 Sal. 34:14. Isa. 1:16, 17. Pagtalawam ti dakes ket agaramidca iti naimbag; bil. 3; 29.ket agtalinaedca nga agnanayon.

28Ta ni Jehova ayatenna ti kinalinteg, ket dina baybay-an dagiti sasantosna; maicanawada nga agnanayon: Sal. 21:10.ngem ti putot dagiti nadangkes magessatdanto.

29Ti sililinteg tawidennanto ti daga, ket agtaengto kencuana nga agnanayon.

30 Sal. 35:28. Mat. 12:28. Ti ngiwat ti sililinteg agsarita iti kinasirib, ket ti dilana agsao iti kinalinteg.

31 Sal. 119:11. Deut. 6:6. Isa. 51:7. Ti linteg ti Diosna adda iti pusona; cadagiti addangna awanto ti maicaglis.

32Ti nadangkes siimenna ti sililinteg, ket isapulna ti pammatayna kencuana.

33Ni Jehova dinanto baybay-an iti imana, Sal. 109:31.dinanto met dusaen intono maocom.

34 Sal. 27:14. Paturaymo ni Jehova, ket salimetmetam ti dalanna, ket itan-ocnacanto nga agtawid iti daga; Sal. 52:5, 6.intono magessat ti nadangkes, makitamto.

35 Job 5:3. Sal. 73:18-20. Nakitac ti nadangkes iti naidaclan a pannacabalin, ket agsalumpayac a cas nalasbang a cayo iti tinuboanna a daga.

36Ngem adda limmabas, ket, ni, awanen: wen, sinapulco, ngem saan a nasaracanen.

37Mingmingam ti napnoan-imbag a tao, ket matmatam ti nalinteg; ta addanto nanam-ay a tungpal a maipaay iti tao ti Sal. 119:165.cappia.

38Ngem no maipapan cadagiti managlabsing, madadaeldanto a matalipupus: Job 18:17.ti tungpal dagiti nadangkes magessatto.

39Ngem ti pannacaisalacan dagiti sililinteg biang ni Jehova: isu ti salindegda iti panawen ti ducot.

40Ket ni Jehova tulongan, ken Isa. 31:5.ispalenna ida: isu ispalenna ida cadagiti nadangkes, ket isalacanna ida, gapu ta kimmamangda kencuana.