II CRONICAS 26 - Ilokano Form-Based Bible: Ti Biblia (1973)

Panagari ni Uzzias; dagiti gubgubatna; nasapplit iti panagcucutel.

1Ket dagiti amin a tattao ti Juda innalada ni Uzzias, isu nga agtawen idi iti sangapulo ket innem, ket inaramidda nga ari iti saad ni amana nga Amasias.

2Binangonna ti Elot, ket insublina iti Juda, iti calpasanna ti ari nakiturog cadagiti ammana.

3 2 Ar. 15:2, 3. Ni Uzzias agtawen idi iti sangapulo ket innem idi nangrugi a nagari; ket nagari idiay Jerusalem iti limapulo ket dua a tawen: ket ti nagan ni inana Jecolia taga Jerusalem.

4Ket inaramidna daydi a nalinteg cadagiti mata ni Jehova, a mayalubog cadagiti isu-amin a ni amana nga Amasias inaramidna idi.

5 2 Cron. 24:2. Ket isu impacamaysana ti bagina met laeng nga agsapul ken Jehova cadagiti al-aldaw ni Zacarias, Dan. 1:17; 10:1.isu nga addaan idi pannacaawat iti sirmata ti Dios: ket bayat ti panagsapulna ken Jehova, ti Dios pinarang-ayna.

6Ket isu rimmuar ket nakigubat a maibusor cadagiti Filisteos, ket dinupracna ti bacud ti 1 Sam. 17:4.Gat, ken ti bacud ti Jabnia, ken ti bacud ti 1 Sam. 5:1.Asdod, ket binagonna dagiti il-ili iti daga ti Asdod, ken iti nagtengngaan dagiti Filisteos.

7Ket ti Dios timmulong kencuana a maibusor cadagiti 2 Cron. 21:16.Filisteos, ken maibusor cadagiti Arabes a nagnaed idiay Gur-baal ken cadagiti Meunim:

8Ket dagiti Ammonitas nangtedda ti 2 Sam. 8:2.buis ken Uzzias: ket ti naganna naipadamag agingga met laeng iti pagsercan ti Egipto; ta isu bimmileg iti napalalo.

9Maysa pay ni Uzzias binangonna dagiti tortorre idiay Jerusalem idiay ruangan ti suli, Neh. 3:19.ken idiay 2 Ar. 14:13. Neh. 2:13, 15; 3:13.ruangan ti lobong, ken idiay pasicoan ti bacud ket pinasarikedkedna ida.

10Ket binangonna dagiti tortorre idiay let-ang, ket kinalina dagiti adu a bito, ta addaan idi adu a vacvaca; castamet idiay daga a nababa, ken idiay tanap; ket addaan idi mannalon ken agay-aywan cadagiti uvuvas cadagiti banbantay ken cadagiti nabunga nga away; ta ayatenna idi ti panagtalonan.

11Maysa pay ni Uzzias addaan idi maysa a buyot dagiti lallaki a makigubgubat, a napan iti gubat iti 2 Ar. 6:23.pinangenpangen, a mayannurot iti bilang ti pannacabilangda nga inaramid idi da Jehiel nga escriba ken Maasias nga agturay, babaen ti panangidalan ni Hananias, a maysa cadagiti capitan ti ari.

12Ti dagup ti bilang dagiti pangpangoloen dagiti balbalay dagiti amma, dagiti met laeng lallaki a mannacabalin ken mamaingel dua a ribuda idi ket innem a gasut.

13Ket babaen ti panangidalanda, adda idi maysa a buyot, a 2 Cron. 25:5.tallo gasut ket pito a ribu ket lima gasut, a nakigubatda agraman nabileg a pannacabalin a tumulong iti ari a maicaniwas iti cabusor.

14Ket ni Uzzias nangisagana ti maipaay cadacuada, a maipaay met laeng iti amin a buyot, cadagiti calasag ken picpica, ken cabcabal ti olo, ken badbado a Neh. 4:16. Job 41:26.cabal, ken ba-bai, ken batbato a maipaay iti pallatibong.

15Ket inaramidna idiay Jerusalem dagiti maquina, a pinarnuay dagiti lallaki a nalaing nga agaramid, tapno agyanda coma cadagiti torre, ken bacbacud a pangibiat cadagiti pana ken dadackel a batbato. Ket ti naganna naipadamag iti adayu; ta natulongan idi iti nacascasdaaw, agingga iti isu napigsa.

16Ngem Deut. 32:15.idi nga isu napigsa, ti Deut. 32:25. Eze. 28:2, 5, 17.pusona nagpalangguad, iti casta nga isu nagaramid a sidadangkes, ket sinalungasingna ni Jehova a Diosna; ta napan iti templo ni Jehova tapno puuranna ti incienso iti rabaw ti altar.

17Ket ni Azarias a padi 1 Cron. 6:10.simrec a simmurot kencuana, ket caduana ti walopulo a papadi ni Jehova a naturedda a lallaki:

18Ket bimmusurda ken Uzzias nga ari, ket kinunada kencuana, Num. 16:40; 18:7.Saanmo a biang, Uzzias, a puuran ti incienso ken Jehova, no Ex. 30:7, 8.di laeng dagiti lallaki a papadi nga annac ni Aaron, a naconsagrar tapno puuranda ti incienso: rumuarca iti santuario; ta sica nagsalungasingca; ket saanto met a maipaay a pacaidayawan ken Jehova a Dios.

19Idin ni Uzzias nagrungsot; ket adda idi paginciensoan iti imana tapno puuranna ti incienso; ket bayat nga isu nagrungsot cadagiti papadi, ti cucutel nagparang iti mugingna iti sango dagiti papadi iti balay ni Jehova, iti abay ti altar ti incienso.

20Ket ni Azarias a cangatoan a padi, ken amin dagiti papadi kimmitada kencuana, ket, adtoy, nagcucutel iti mugingna, ket isu pinaruarda a nadaras sadiay, wen, isu met laeng nagdaras met a rumuar, 2 Ar. 15:5-7.agsipud ta isu kinabil ti Dios.

21Ket ni Uzzias nga ari nagcucutel agingga iti aldaw nga ipapatayna, ket nagnaed iti balay a putputong, idinto Lev. 13:46.ta agcucutel: ta isu nayadayu iti balay ni Jehova: ket ni Joatam nga anacna a lalaki isu idi ti pangulo ti balay ti ari, a mangocom iti umili ti daga.

22Ket ti matda cadagiti ar-aramid ni Isa. 1:1; 6:1.Uzzias, umuna ken maudi, insurat ni Isaias a mammadto nga anac a lalaki ni Amos.

23Iti casta ni Uzzias nakiturog cadagiti ammana; ket isu intabonda a naidinna cadagiti ammana iti disso a pagtamnan, a cucua idi dagiti ar-ari; ta kinunada, Isu maysa nga agcucutel: ket ni Joatam nga anacna a lalaki nagari iti saadna.