ZACARIAS 4 - Ilokano Form-Based Bible: Ti Biblia (1973)

Ti sirmata a candelero ken cayo nga olivo.

1Ket Zac. 1:19.ti angel a nakisarita caniac immay manen, ket riiniingnac, a cas iti tao a riingen iti turogna.

2Ket isu kinunana caniac, Ania ti makitam? Ket kinunac, Nakitac, ket adtoy, ti Ex. 25:31.maysa a candelero a biig a balitoc, agraman liccocongna iti rabawna, Ex. 25:37. Apoc. 1:12; 4:5.ken pito a pagsilawan kencuana; adda pito a tubo iti tumunggal pagsilawan, nga adda iti rabawna,

3Ken dua a cayo ti olivo iti dennana, maysa iti akincanawan a sikigan ti liccocong, ket ti sabali iti akincatigid a sikiganna.

4Ket siac simmungbatac ket nagsaoac iti angel a nakisarita caniac, a kinunac, Aniada dagitoy, apoc?

5Idin ti angel a nakisarita caniac simmungbat ket kinunana caniac, Saanmo nga ammo aya no aniada dagitoy? Ket kinunac, Saan, apoc.

6Idi casta isu simmungbat ket nagsao caniac, a kinunana, Daytoy ti sao ni Jehova ken Zorobabel, a cunana, Saan a maipuon iti Dan. 2:34. Hag. 2:21-23.kinamaingel, wenno iti pannacabalin, no Hag. 2:5.di ket babaen ti Espirituc, cuna ni Jehova dagiti buybuyot.

7Siasinoca, Jer. 51:25.O dackel a bantay? iti sango ni Zorobabel Isa. 40:4.

agbalincanto a tanap; ket isu yegnanto Sal. 118:22.ti akinngato a bato a Esd. 3:10.buyogen dagiti ariwawa ti Parabur, parabur, kencuana.

8Immay manen caniac ti sao ni Jehova, a kinunana,

9Dagiti im-ima ni Zorobabel insaadda ti pamuon daytoy a balay; dagiti im-imana met laeng ti mangleppasto kencuana; ket sica mabigbigmonto a ni Jehova dagiti buybuyot imbaonnac cadacayo.

10Ta siasino ti nanglais iti aldaw Hag. 2:3.dagiti babassit a banbanag? ta dagitoy pito agragsacdanto, ken makitadanto ti tinnag iti ima ni Zorobabel; dagitoy a pito isuda Zac. 3:9.dagiti mata ni Jehova, nga agtaray nga agsursur iti nagtengngaan ti amin a daga.

11Idin simmungbatac, ket kinunac kencuana, Aniada dagitoy dua a cayo ti olivo iti canawan a sikigan ti candelero ken iti catigid a sikiganna.

12Ket simmungbatac iti maicadua a daras, ket kinunac kencuana, Aniada dagitoy dua a sanga ti cayo ti olivo, nga addada iti denna dagiti dua a tubo a balitoc, nga ibuyatda ti nabalitocan a lana a naggapu cadacuada met laeng?

13Ket isu simmungbat caniac ket kinunana, Saanmo nga ammo aya no aniada dagitoy? Ket kinunac, Saan, apoc.

14Idin isu kinunana, Apoc. 11:4.Dagitoy isuda dagiti dua a napulotan, nga agtatacderda iti denna ti Apo ti amin a daga.