ESTER 7 - Ilokano Form-Based Bible: Ti Biblia (1973)

Ni Ester idarumna ni Aman iti ari. Maibitay ni Aman.

1Iti casta ti ari ken ni Aman napanda a nakidaya ken Ester a reina.

2Ket ti ari kinunana manen ken Ester iti maicadua nga aldaw ti daya nga arac, Est. 5:6; 9:12.Ania ti dawatmo, reina Ester? ket maitedto kenca: ket ania ti kiddawmo? uray iti caguddua ti pagarian maannogutto.

3Idin ni Ester a reina simmungbat ket kinunana, No nacasaracac iti parabur iti imatangmo, O ari, ken no macaay-ayo iti ari, ipalubosmo a mamacaay-ayo iti ari, ipalubosmo a maited caniac ti biagco itoy dawatco, ken ti ilic iti kiddawco:

4Ta malacocami, Est. 3:9; 4:7.siac ken ti ilic Est. 3:13; 8:11.tapno madadaelcami, tapno mapataycami, ken tapno mapucawcami. Ngem no nalacocami idi a maipaay a bagbag-en a lallaki ken babbai, nagtalnaac, nupay ti cabusor dina nabalin a binayadan iti pacaranggasan ti ari.

5Idin nagsao ni ari Asuero ket kinunana ken reina Ester, Asino daydiay, ken sadino ti yanna daydiay, a nagtured a mangpennec iti pusona tapno agaramid iti casta?

6Ket ni Ester kinunana, Maysa a casupadi ken maysa a cabusor, daytoy met laeng nadangcoc nga Aman. Idin ni Aman nagbuteng iti sangoanan ti ari ken ti reina.

7Ket iti panagpungtot ti ari tinacderanna di daya nga arac ken napan idiay Est. 1:5.minuyongan ti palacio: ket ni Aman timmacder nga agdawat a maipaay iti biagna ken Ester a reina; ta nakitana a kinedngan ti ari ti dakes a maibusor kencuana.

8Idin ti ari simmubli a naggapu iti minuyongan ti palacio idi yan ti daya nga arac; ket ni Aman napasag idi rabaw ti pagiddaan a yan idi ni Ester. Idin kinuna ti ari, Isu pilitennanto met laeng ti reina iti sangoanac iti balay? Idi a ti sao rimmuar idi ngiwat ti ari, inabbonganda ti rupa ni Aman.

9Idin ni Est. 1:10.Harbona, a maysa cadagiti Est. 5:14.agayaywan iti siled kinunana iti sango ti ari, Adtoy met, a naipatacder idiay balay ni Aman ti pagbitayan a limapulo a casico ti catayagna, a ni Aman inaramidna a maipaay ken Mardokeo, isu a nagsao iti Est. 2:22.naimbag a maipaay iti ari. Ket ti ari kinunana, Isu ibitayyo idiay.

10Iti casta imbitayda ni Aman idi pagbitayan nga insaganana ken Mardokeo. Idin ti Est. 2:1.pungtot ti ari nagbaaw.