II CRONICAS 18 - Ilokano Form-Based Bible: Ti Biblia (1973)

Ti panagnomo ni Josafat ken Acab. Muamanan dagiti mammadto; ti pammabaga ni Mikeas ken ti dusana. Ti pannacapatay ni Acab.

1Ket ni Josafat addaan idi iti 2 Cron. 17:5.kinabacnang ken dayaw a naruay; ket 2 Cron. 21:6.nakinomo ken Acab.

2 Aginga bil. 34. 1 Ar. 22:2-35. Ket calpasan dagiti dadduma a tawtawen simmalog ken Acab idiay Samaria. Ket ni Acab pinartina ti nawadwad a carcarnero ken vacvaca a maipaay kencuana, ken maipaay cadagiti tattao a naicuyog kencuana, ket tinignayna a cumuyog kencuana a sumang-at idiay Ramotgalaad.

3Ket ni Acab nga ari ti Israel kinunana ken Josafat nga ari ti Juda, Cumuyogcanto caniac a mapan idiay Ramot-galaad? Ket isu simmungbat kencuana, Siac caslaac la kenca, ti ilic cas la iti ilim; ket makicuyogcamto kenca iti gubat.

4Ket ni Josafat kinunana iti ari ti Israel, Agdawatac kenca, umumanta nga umuna iti sao ni Jehova.

5Idi a casta ti ari ti Israel tiniponna dagiti mammadto, nga aguppat a gasut a lallaki, ket kinunana cadacuada, Dacami incaminto aya idiay Ramot-galaad a gumubat, wenno baybay-ac? ket isuda kinunada, Sumang-atca; ta ti Apo isu ti yawatnanto iti ima ti ari.

6Ngem ni Josafat kinunana, Awan ti sabali aya ditoy a maysa a mammadto ni Jehova, tapno umumantayo kencuana.

7Ket ti ari ti Israel kinunana ken Josafat, Adda pay maysa a lalaki isu a pacaumanantayo ken Jehova: ngem isu cagurgurac; ta isu saan a mangipadto iti naimbag a maipaay caniac, no di laeng dakes; isu ni Mikeas nga anac a lalaki ni Imla. Ket ni Josafat kinunana, Di coma saoen ti ari ti casta.

8Idi casta ti ari ti Israel nangayab iti maysa nga agturay, ket kinunana, Yegmo ditoy a madardaras ni Mikeas nga anac a lalaki ni Imla.

9Ket ti ari ti Israel ken ni Josafat nga ari ti Juda agtutugawda a maysa ken maysa iti tronoda, a sicacawesda cadagiti lambonda, ket agtugtugawda iti maysa a nawayang a disso iti sercan ti ruangan ti Samaria; ket amin dagiti mammadto addada nga agpadpadto iti sangoda.

10Ket ni Sedekias nga anac a lalaki ni Kenaana nangaramid cadagiti sinan-sara a landoc, ket kinunana, Castoy ti kinuna ni Jehova, Iti pannacaaramat dagitoy sica sunsunemto dagiti Siros, agpapan maibusda.

11Ket amin dagiti mammadto impadtoda ti casta, a kinunada, Sumang-atca sadi Ramot-galaad, ket agrangayca; ta ni Jehova isu ti yawatnanto iti ima ti ari.

12Ket ti babaonen a napan nangayab ken Mikeas nagsao kencuana, a kinunana, Adtoy, dagiti sasao dagiti mammadto ipalawagda ti naimbag iti ari iti maymaysa a ngiwat: agdawatac kenca, ti saom coma cas la iti sao ti maysa cadacuada, ket agsaoca iti naimbag.

13Ket ni Mikeas kinunana, Cas sibibiag ni Jehova, ti ibaga ti Diosco caniac, isunto ti saoec.

14Ket idi isu nacagteng iti ari, ti ari kinunana kencuana, Mikeas, mapancaminto sadi Ramot-galaad a gumubat, wenno baybay-acto? Ket isu kinunana, Sumang-atca ket agrangayca; ket mayawatdanto iti imam.

15Ket ti ari kinunana kencuana, Mamin-ano a daras a sapata-acto kenca tapno awan ibagam caniac no saan a ti pudno iti nagan ni Jehova?

16Ket isu kinunana, Siac nakitac amin nga Israel a nawarawara iti rabaw dagiti banbantay, a cas carcarnero nga awananda iti pastor: ket ni Jehova kinunana, Dagitoy awan apoda; agsubli coma ti tumunggal lalaki iti balayna a sitatalna.

17Ket ti ari ti Israel kinunana ken Josafat, Diac kinuna kenca nga isu saan a mangipadto ti naimbag a maipaay caniac, no di laeng dakes?

18Ket ni Mikeas kinunana, Gapuna a denggem ti sao ni Jehova: Siac nakitac ni Jehova a situtugaw iti tronona, ket amin a buyot ti langit sitatacder iti macanawanna ken iti macatigidna.

19Ket ni Jehova kinunana, Siasino ti mangallilaw ken Akab nga ari ti Israel tapno isu sumang-at ket mapasag sadi Ramot-galaad? Ket ti maysa nagsao a kinunana ti castoy, ket ti sabali kinunana ti casdiay.

20Ket rimmuar ti maysa nga espiritu, ket nagtacder iti sango ni Jehova, ket kinunana, Siac isu allilawecto. Ket ni Jehova kinunana kencuana, Iti ania?

21Ket isu simmungbat, Siac rumuaracto, ket agbalinacto a maysa a naulbod nga espiritu iti ngiwat ti amin dagiti mammadtona. Ket isu kinunana, Siac allilawem, ket isu pagballigiem met: rumuarca, ket aramidem ti casta.

22Ita ngarud, adtoy, ni Jehova nangicabil ti maysa a naulbod nga espiritu iti ngiwat ti amin dagitoy mammadtom; ket ni Jehova impalawagna ti dakes a maipanggep kenca.

23Idi a casta ni Sedekias nga anac ni Kenaana immasideg, ket kinabilna ni Mikeas iti pingpingna, ket kinunana, Sadino ti nagnaan ti espiritu ni Jehova a naggapu caniac tapno agsao kenca?

24Ket ni Mikeas kinunana, Adtoy, makitamto iti daydiay nga aldaw, intono sica mapanca iti uneg ti maysa a nauneg a siled tapno aglemmengca.

25Ket ti ari ti Israel kinunana, Alaem ni Mikeas, ket isu isublim ken Amon a gobernador ti ili, ken ni Joas nga anac ti ari;

26Ket cunam, Castoy ti cuna ti ari, Icabilmo daytoy a tao iti pagbaludan, ket isu pacanem iti tinapay ti pammarigat ken iti danum ti pammarigat agpapan yaayco a sitatalna.

27Ket ni Mikeas kinunana, No sica agsublicanto uray caano a sitatalna, ni Jehova saan a nagsao iti pannacaaramatco. Ket isu kinunana, Denggenyo, dacayo nga umili, dacayo amin.

28Iti casta ti ari ti Israel ken ni Josafat nga ari ti Juda simmang-atda sadi Ramot-galaad.

29Ket ti ari ti Israel kinunana ken Josafat, Manglimlimoacto, ket innac iti paggubatan; ngem sica icabilmo dagiti lambonmo. Iti casta ti ari ti Israel nanglimlimo, ket napan iti paggugubatan.

30Ket ti ari ti Siria nagbilin idi cadagiti capcapitan dagiti lugluganna, a kinunana, Dicayo gubaten ti uray bassit uray dackel, no di laeng ti ari ti Israel.

31Ket naaramid, idi a dagiti capcapitan dagiti luglugan nakitada ni Josafat, nga isuda kinunada, Isu ti ari ti Israel. Gapuna nga 1 Ar. 22:32.isuda nagbawingda a gumubat kencuana: ngem ni Josafat nagickis, ket tinulongan ni Jehova; ket ti Dios tinignayna ida a pumanaw kencuana.

32Ket naaramid, idi a dagiti capcapitan dagiti luglugan nakitada a saan nga isu ti ari ti Israel, nga isuda nagbawingda iti panagcamat kencuana.

33Ket maysa a lalaki imbiatna ti panana nga impasacsac, ket nasugatna ti ari ti Israel iti baet ti nagsaipan ti cabal: gapuna a kinunana iti agpaguyod ti luganna, Ibawingmo ta imam, ket ipannac iti ruar ti buyot; ta nasugatanac iti nasaem.

34Ket ti panaggubat rimmaba iti daydi nga aldaw: nupay casta ti ari nasadag iti luganna a bumusor cadagiti Siros; agingga iti cas la horas ti rumabii; ket natay iti ilelennec ti init.