NUMEROS 15 - Ilokano Form-Based Bible: Ti Biblia (1973)

Linlinteg maipapan cadagiti datdaton. Ti pannacadusa ti di nagngilin iti panaginana. Pannacaibilin dagiti parparaypay.

1Ket ni Jehova nakisao ken Moises, a kinunana,

2Saoem cadagiti annac ti Israel, ket cunam cadacuada, No macastreccayto iti daga a pagnaedanyo nga itedco cadacayo,

3

4 Lev. 2:1. Ti mangipaayto ngarud ti Ex. 29:40. Lev. 23:13.irucbabna, idatonna ken Jehova ti daton a macan nga apagcapulo ti maysa nga efa ti namayecmec nga harina a nagamayan iti Lev. 14:10. Num. 28:5.apagcapat ti maysa nga hin a lana:

5 Num. 28:7, 14. Ket ti arac a daton nga inumen, nga apagcapat ti maysa nga hin, saganaemto agraman ti daton a mapuuran, wenno maipaay a sacrificio a cacuyog ti tunggal cordero.

6 Num. 28:12, 14. Wenno ti cacuyog ti tunggal carnero a lalaki saganaemto a maipaay a daton a macan ti dua nga apagcapulo ti maysa nga efa ti namayecmec nga harina a nagamayan iti maysa nga apagcatlo ti maysa nga hin a lana:

7Ket ti maipaay a daton nga inumen, idatagmonto ti apagcatlo ti maysa nga hin nga arac, a nabanglo a sayamusom ken Jehova.

8Ket no agsaganaca iti maysa a lalaki a vaca a maipaay a daton a mapuuran, wenno maipaay a maysa a sacrificio a pagtungpal iti cari, wenno maipaay a Lev. 7:11.datdaton ti cappia ken Jehova;

9Idatagmonto ngarud, agraman ti lalaki a vaca, ti maysa a daton a macan a tallo nga apagcapulo ti maysa nga efa ti namayecmec nga harina a nagamayan iti guddua ti maysa nga hin a lana.

10Ket irucbabmonto a daton nga inumen ti guddua ti maysa nga hin nga arac, a maysa a daton a maaramid iti apuy a nabanglo a sayamusom ken Jehova.

11 Num. 28. Castoy ti maaramidto iti tunggal lalaki a vaca, wenno tunggal maysa a carnero a lalaki, wenno tunggal maysa a cordero a lalaki, wenno cadagiti urbon a calcalding.

12Cas mayannurot iti bilang a saganaenyonto, casta ti aramidenyonto iti tunggal maysa a mayabuloy iti bilangda.

13Amin a nayanac iti caputotanyo aramidennanto dagitoy a mayalubog itoy a wagas iti panangipaay iti apuy a nabanglo a sayamusom ken Jehova.

14Ket no maysa a gangannaet a makipagnaed cadacayo, wenno siasino nga addanto cadacayo cadagiti caputotanyo, ket mangipaayto iti maysa a daton a maaramid iti apuy nabanglo a sayamusom ken Jehova; cas ti aramidenyo castamet ti aramidennanto.

15 bil. 29-30. Ex. 12:49. Num. 9:14. Iti maipaay iti gimong, addanto maymaysa nga alagaden nga annuroten cadacayo, ken iti gangannaet a makipagnaed cadacayo, maymaysa nga Lev. 3:17.alagaden nga agnanayon agpapan pay putputotyo: cas ti casasaadyo, castantomet ti gangannaet iti sango ni Jehova.

16Maymaysa a linteg ken maymaysa a nagbilinan isunto ti maalagad cadacayo ken maalagad iti gangannaet a makipagnaed cadacayo.

17Ket ni Jehova nakisao ken Moises, a kinunana,

18Ibagam cadagiti annac ti Israel, ket saoem cadacuada, No macastreccayo iti daga a pangipanac cadacayo,

19 Jos. 5:11-12. Maaramidto ngarud, nga, no mangancayo iti tinapay ti daga, mangipaaycayto iti maysa a daton a maitayag ken Jehova.

20 Eze. 44:30. Iti umuna cadagiti gamayyo mangidatoncayto iti maysa a bibingca a maipaay a daton a maitayag Lev. 2:14; 23:10, 16.cas panangaramidyo iti maitayag a daton ti pagtaltagan, casta ti panangingatoyo.

21Iti umuna cadagiti gamayyo itedyonto ken Jehova a maysa a daton a maitayag agpapan capcaputotanyo.

22 Lev. 4:2. Ket no bumiddutcayo ken dicayo tungpalen amin dagiti bilbilin nga imbaga ni Jehova ken Moises,

23Amin met laeng nga imbaga ni Jehova cadacayo iti pannacaaramat ni Moises nanipud idi aldaw a panangted ni Jehova iti bilinna agpapan capcaputotanyo;

24Maaramidto ngarud, a no naaramid a di ginagara, a saan nga ammo ti gimong, amin a gimong mangipaayto iti maysa a bumaro a vaca a daton a mapuuran, a bil. 8, 10.nabanglo a sayamusom ken Jehova, agraman ti datonna a macan, ken ti datonna a mainum, cas mayannurot iti nagbilinan, ken maysa a Lev. 4:23; 28:15.lalaki a calding a daton gapu iti basol,

25 Lev. 4:20. Ket ti padi aramidennanto ti pannacaabbong a maipaay iti gimong dagiti annac ti Israel, ket isuda mapacawandanto; ta isu maysa a biddut; ket inyegda dagiti datonda a maysa a daton a naaramid iti apuy ken Jehova, ken datonda gapu iti basol iti sango ni Jehova a maipaay iti biddutda:

26Ket amin a gimong dagiti annac ti Israel mapacawanto, casta met tigangannaet a makipagnaed cadacuada; ta iti biang dagiti amin a tao, naaramid a di-ginagara.

27 Lev. 4:27-28. Ket no ti maysa a tao macabasol a dina ginagara, mangidatagto ngarud iti maysa a cabayan a calding nga agtawen iti maysa, a daton gapu iti basol.

28 Lev. 4:35. Ket ti padi mangaramidto iti pacaabbongan a maipaay iti cararua a bumiddut no macabasol a dina gagaraen iti sango ni Jehova, tapno aramidenna ti pannacaabbongna; ket mapacawanto.

29Addaancayto iti bil. 15.maysa a linteg a maipaay iti adda maaramidna a dina gagaraen, tubo man cadagiti annac ti Israel wenno gangannaet a makipagnaed cadacuada.

30 Deut. 17:12. Sal. 19:13. Heb. 10:26. Ngem ti tao nga adda aramidna iti napalangguad nga ima, tubo man wenno gangannaet, isu met laeng agbassawang ken Jehova; ket dayta a cararua maipusayto iti ilina.

31Gapu ta isu 2 Sam. 12:9. 2 Cron. 36:16. Prov. 13:13.dina intaltalec ti sao ni Jehova, ket sinalungasingna ti bilinna; dayta a tao matalipupusto a maipusay, ti kinadakesna maipabaclayto kencuana.

32Ket idi caadda dagiti annac ti Israel iti let-ang, nasaracanda ti maysa a lalaki nga Ex. 20:8; 35:3.agummong ti sungsungrod iti aldaw a panaginana.

33Ket dagiti nacasarac kencuana nga agur-urnong iti sungsungrod inyegda cada Moises ken Aaron, ken iti amin a gimong,

34 Lev. 24:12. Ket imbaludda, gapu ta saan pay a naikeddeng no ania ti maaramid coma kencuana.

35Ket ni Jehova kinunana ken Moises, Ex. 31:14-15.Ti lalaki pudno a mapapatayto: dagup ti gimong Lev. 24:14. 1 Ar. 21:13. D. Ara. 7:58.uburendanto cadagiti batbato iti ruar ti pacarso.

36Ket amin a gimong inyegda iti ruar ti pacarso, ket inuburda cadagiti batbato, tapno natay; cas imbilin ni Jehova ken Moises.

37Ket ni Jehova nakisao ken Moises, a kinunana,

38Ibagam cadagiti annac ti Israel, ket ibilinmo cadacuada a Deut. 22:12. Mat. 23:5.mangaramidda iti agservi cadacuada a parparaypay cadagiti gayadan dagiti cawesda, agpapan cadagiti putputotda, ket icabildanto iti rabaw ti paraypay ti tunggal gayadan ti maysa a lubid nga azul:

39Ket agservinto cadacayo a paraypay, tapno makitkitayo, ket malagipyo dagiti amin a bilbilin ni Jehova, ket sungpotenyo ida; ken tapno dicay sursuroten ti pusoyo met laeng ken Eze. 6:9.dagiti matmatayo met laeng a Sal. 73:27; 106:39.mangipacadawyan cadacayo iti panagbalangcantis;

40Tapno laglagipenyo ken aramidenyo amin a bilbilinco, ken Lev. 11:44-45.nasantoancayo iti Diosyo.

41Siac ni Jehova a Diosyo, a nangaon cadacayo iti daga nga Egipto, tapno siac ti Diosyo, siac ni Jehova a Diosyo.