DAGITI SALMO 35 - Ilokano Form-Based Bible: Ti Biblia (1973)

Cararag iti Pannacaisalacan cadagiti cabusor. Salmo ni David.

1 1 Sam. 24:16. Makirupirca, O Jehova, cadagiti makirupir caniac: gubatem dagiti manggubat caniac.

2 Sal. 5:12. Petpetam ti calasag ken ti sarapa, ket agtacderca a badangco.

3Asutem met ti gayang, ket tubenem ti dalan a maibusor cadagiti mangamat caniac: cunaem itoy cararwac, siac ti salacanmo.

4 Aginga bil. 8. Sal. 69:23-28; 109:6-15. Mabainan ken maababi cadi dagiti mamirbiroc itoy cararwac: mapagsubli ken mariribuc cadi dagiti mangisicsicat iti pacaranggasac.

5 Sal. 1:4. Arigda la coma taep a maisangbar iti angin, ket ti angel ni Jehova ipalpalaisna ida.

6Ti dalanda nasipnget ken Jer. 23:12.nagalis coma ket ti angel ni Jehova cumamcamat cadacuada.

7Ta awan gapgapuna inlingedda caniac ti Sal. 9:15.batengda iti palab-ug; awan gapgapuna incalianda iti abut toy cararwac.

8 1 Tes. 5:3. Ti pannacadadael dumteng coma kencuana a dina mapacadaan; ket ti Sal. 7:15.bateng nga ilingedna mangsimbalud cadi kencuana met laeng; iti pannacadadael agtinnag cadi iti daydiay.

9Ket ti cararwac sirarag-onto ken Jehova: Luc. 1:47.agragsacto iti panangisalacanna.

10Amin a tultulangco cunadanto, Jehova, Ex. 15:11. Sal. 71:19.siasino ti cas kenca, a mangispal iti napanglaw iti daydiay napigpigsa ngem isu, wen, iti napanglaw ken nacacaasi iti daydiay mangagaw kencuana?

11Dagiti natiri a sacsi tumacderda; pagintuodandac cadagiti banbanag a diac ammo.

12 Sal. 38:20. Jer. 18:20. Juan 10:32. Supapacanda caniac iti dakes ti imbag, a pacatalimpungawan toy cararwac.

13Ngem no siac, idi a nagsakitda, nagpanesac: Job 30:25. Sal. 69:10, 11.pinarigatco toy cararwac iti panagayunar; ket ti cararagco Sal. 79:12.nagsubli itoy barucongco met laeng.

14Nagsaadac nga imbilangco cas isu gayemco wenno cabsatco: nagtamedac a sililiday, a cas maysa a mangdung-aw iti inana.

15Ngem iti pannacaparigatco nagragragsacda, ket nagtitiponda: dagiti nagulib naguornongda a sibubusor caniac, ket saanco a naammoan; pinisangpisangdac, ket dida sinardayan:

16Cas cadagiti managrabngis cadagiti pagrambacan, Job 16:9. D. Un. 2:16.inngarngarrietda caniac dagiti ngipenda.

17Apo, casanonto ti Hab. 1:13.capaut ti panagbuybuyam? Alututem toy cararwac cadagiti panangdadaelda, Sal. 22:20.toy ayayatec cadagiti leon.

18 Sal. 22:25. Agyamanacto kenca iti dackel a tallaong: idaydayawcanto iti tengnga ti dackel nga ili.

19Dica ipalubos cadagiti cabusorco a pagragragsacandac a di umumno; Sal. 69:4.ken dica ipalubos nga agkikinnidday Prov. 6:13. Sal. 51:14; 71:24.dagiti gumurgura caniac nga awan gapgapuna.

20Ta dida saoen ti cappia; ngem sicatenda ketdi dagiti naulbod a sasao a maibusor cadagiti natalna iti daga.

21Wen, Sal. 22:13.inngangada ti ngiwatda a sibebercacac caniac; kinunada, Sal. 40:15.Aja, aja, isu nakitan dagiti matami.

22Sica Sal. 28:1.nakitam, O Jehova; dica agulimec; O Apo, Sal. 22:11, 19; 38:21.dica cadi adayo caniac.

23 Sal. 7:6. Matignayca cadi, ket agriingca iti kinalinteg a maitutop caniac; iti met laeng calintegac, Diosco ket Apoc.

24 Sal. 26:1. Ocomennac, O Jehova a Diosco, cas mayannurot ita kinalintegmo; ket dica ipalubos a pagraragsacandac.

25Dica palubos a cunaenda iti pusoda, Aja, casta ti tinarigagayanmi: dica ipalubos a cunada, Isu D. Un. 2:16.naalun-unmin.

26 bil. 4. Mabainanda cadi ket mariribucda a padapada dagiti agragsac iti pannacaranggasco: macumutanda coma iti bain ken ab-abi dagiti agindadackel a bumusor caniac.

27Umsiagda coma iti rag-o, ket maragsacanda, dagiti makianamong itoy sililinteg a panggepco: wen, cunaenda cadi a cancanayon, ni Jehova maitanoc coma, Sal. 149:4.isu a pagayatanna ti kinarang-ay ti adipenna.

28 Sal. 51:14; 71:24. Ket ti dilac sarsaritaennanto ti kinalintegmo ken ti pannacaidayawmo iti bayat ti aldaw.