LEVITICO 19 - Ilokano Form-Based Bible: Ti Biblia (1973)

Naduma duma a linlinteg.

1Ket ni Jehova nakisao ken Moises, a kinunana,

2Ibagam iti dagup ti gimong dagiti annac ti Israel, ket soem cadacuada, Lev. 11:44; 20:7, 26. 1 Ped. 1:16.Dacayo agsantocayto; gapu ta siac a Jehova a Diosyo, santoac.

3 Ex. 20:12. Tummunggal maysa a tao cadacayo cabutengnanto ni inana ken amana; Ex. 20:8.ket ngilinenyonto dagiti aldaw a panaginana: siac ni Jehova a Diosyo.

4 Lev. 26:1. Dicay subsublian dagiti ladladawan, dicay met agar-aramid iti sinucog a didiosen: siac ni Jehova a Diosyo.

5 Lev. 7:16. Ket no mangidatag cayo cadagiti datdaton iti cappia ken Jehova, idatonyonto tapno maawatcayto.

6Macanto met laeng iti aldaw a panangidatonyo, ken iti sumaruno nga aldaw: ket no adda matda iti maicatlo nga aldaw, mapuuranto iti apuy.

7Ket no macanto laeng iti maicatlo nga aldaw, maysa a kinarimon; dinto maawat:

8Ngem tunggal maysa a mangan, awitennanto ti kinadakesna, ta impabpabarengna ti nasantoan a banag ni Jehova: ket dayta a tao maipusayto iti ilina.

9 Lev. 23:22. Deut. 24:19, 20, 21. Rut. 2:15, 16. Ket no anienyo ti apit ti dagayo, dicanto anien a talipupusen dagiti nagsulianan ti talonmo, dicanto met adasen dagiti nalabasan iti panagapitmo.

10Dicanto adasen ti cauvasam, dicanto met ipenpen ti bunga a natnag ti cauvasam; batiemto ida a lac-amen ti napanglaw, ken ti gangannaet: siac ni Jehova a Diosmo.

11 Ex. 20:15. Dicayto agtacaw, wenno agaramid a siuulbod, wenno aggiinnulbod.

12Ket dicayto agsapata a siuulbod gapu iti naganco, ken ipabpabareng ti nagan ti Diosyo: siac ni Jehova.

13 Lev. 6:2, 4. Dicanto parparigaten ti padam a tao, wenno tacawen: Deut. 24:14, 15. Mal. 3:5. Sant. 5:4.ti tangdan ti maysa a mangmangged dinto matactac iti biangmo iti agpatpatnag agingga iti bigat.

14Dicanto ilunod ti tuleng wenno mangicabil ti pacaitigcolan iti sango ti bulsec; ngem agbutengcanto iti Diosmo: siac ni Jehova.

15Dicayto aramiden ti kinakillo iti panangocom: dicanto idumduma ti kinatao ti napanglaw, wenno bigbigen ti kinatao ti mannacabalin; ngem iti naincalintegan ti pangocommo iti padam a tao.

16 Sal. 15:3. Prov. 11:13. Eze. 22:9. Dicanto agpagnapagna a cas maysa a natarabitab cadagiti cailiam: dicanto met agpangep iti maicaniwas iti dara ti padam a tao: siac ni Jehova.

17 1 Juan 2:9, 11; 3:15. Dicanto guraen iti napusoan ni cabsatmo: Mat. 18:15. Luc. 17:3. Gal. 6:1.tubngaremto iti napaypayso ti padam a tao Rom. 1:32. 1 Tim. 5:22. 2 Juan 11.ket dicanto mapabasol gapu kencuana.

18 Prov. 20:22. Rom. 12:17, 19. Heb. 10:30. Dicanto balsen, wenno salimetmetam a maicaniwas ti guram cadagiti annac ti nacionmo; Mat. 5:43; 19:19; 22:39. Mar. 12:31. Luc. 10:27. Rom. 13:9. Gal. 5:14.ngem ayatemto ti padam a tao a cas ita bagim: siac ni Jehova.

19Tungpalenyonto dagiti bilinco. Dicanto ipamanada ti animalmo cadagiti sabsabali a kita ti animal: Deut. 22:9, 10.dicanto mulaan ti talonmo iti Deut. 22:11.dua a cakita a bini: dinto met maicapet kenca ti aruaten a cawes a dua a cakita nga agtipon.

20Ket siasinoman a makiabig iti babai a bag-en a natanianen nga asawa, ket di pay la nasbut, wenno naited ti wayawayana; madusadanto; didanto mapapatay, gapu ta daydiay a babai di pay nawayawayaan.

21 Lev. 5:15. Ket ti lalaki yegnanto ti daton gapu iti salungasingna ken Jehova iti ruangan ti tolda ti gimong, a maysa met laeng a carnero a lalaki a maipaay a daton gapu iti salungasing.

22Ket ti padi aramidennanto a pacaabbonganna ti carnero a lalaki a daton gapu iti salungasing iti saclang ni Jehova, a maipuon iti buddut a nacabasolanna: ket ti biddut a nacabasolanna mapacawanto kencuana.

23Ket no macagtengcayon iti daga ken maimulmulayonton ti amin a kita ti caycayo a macan, ibilangyonto dagiti bungbungada a cas awan ti pannacacugitda: tallo a tawen nga addadanto cadacayo a cas saan a nacugit; dagita a bungbunga saanda a macan.

24Ngem iti maicapat a tawen amin a bungbungada nasantoandanto a pagdaydayaw ken Jehova.

25Ket iti maicalima a tawen canenyonto ti bungana, tapno mangted cadacayo ti kinalabonda: siac ni Jehova a Diosyo.

26 Lev. 3:17. Dicayto mangan iti uray ania man a sidadara: Deut. 18:10, 11, 14.dicayto met aramaten dagiti panagbuybuyon, wenno agaramid iti padpadles.

27 Lev. 21:5. Isa. 15:2. Dicayto rabaraban dagiti boocyo, dicanto putputdan ti nagsumbangiran ti barbasyo.

28 Lev. 21:5. Deut. 14:1. Jer. 16:6. Dicayto sugaten ti lasagyo gapu iti natay wenno mangilanad iti uray ania a pagilasinan iti bagiyo: siac ni Jehova.

29 Deut. 23:17. Dica tulawan ti anacmo a babai nga aramiden a balangcantis: di la ket ta ti daga matnag iti binabalangcantis, ket ti daga mapnoan iti kinadakes.

30 bil. 3. Lev. 26:2. Ngilinenyonto dagiti aldawco a panaginana, ket daydayawenyonto ti Ecle. 5:1.santuarioc: siac ni Jehova.

31 Ex. 22:18. Deut. 18:10, 11. 1 Sam. 28:3, 7, 9. Isa. 8:19. D. Ara. 16:16. Dicay umamang cadagiti managbuyon nga espiritus, wenno cadagiti managsalamangca; dicay makiuman cadacuada ta mamulitancayo cadacuada: siac ni Jehova a Diosyo.

32 Prov. 20:29. Tumacdercanto iti sango ti ubanan nga olo, ket dayawemto ti langa ti lacay, ket agbutengcanto iti Diosmo: siac ni Jehova.

33 Ex. 22:21. Ket no makipagtaeng kenca iti dagam ti maysa a gangannaet, dicayto aramiden kencuana ti di tumutop.

34 Ex. 12:48, 49. Ta gangannaet a makipagtaeng kenca, maibilangto cadacayo a cas cailianyo, Deut. 10:19.ket ayatemto a cas ita bagim; ta dacayo gangannaetcay met idi iti daga nga Egipto, Siac ni Jehova a Diosyo.

35Dicayto ar-aramiden ti kinakillo iti panangocom, iti panagrucod, iti panagtimbeng, wenno iti panagsucat.

36 Deut. 25:13, 15. Ti apag-isu a pagtimbengan, apag-isu a panimbeng, agpag-isu nga efa, apag-isu nga hin ti icutanyonto. Siac ni Jehova a Diosyo a nangaon cadacayo iti daga nga Egipto.

37Ket dacayo tungpalenyonto amin nga ipaalagadco, ken amin dagiti bilbilinco, ket aramidenyo ida. Siac ni Jehova.