OSEAS 10 - Ilokano Form-Based Bible: Ti Biblia (1973)

Ti basol ti Israel apitenna ti supapacna.

1Ti Israel maysa a narucbus nga uvas, a Luc. 12:21.pataudenna ti bungana; no casano ti caadu ti bungana casta ti Os. 8:11.panamaaduna cadagiti altarna, no casano ti cawadwad ti imbag iti dagada casta ti Os. 8:4.panagaramidda cadagiti napintas a monmon.

2Ti pusoda nabingay; ita masaracanto ida a nacabasol: isu dadaelennanto dagiti altarda, rebbaennanto dagiti monmonda,

3Awan duadua cunadanto: Awan ti arimi; ta dicami mabuteng ken ni Jehova; ket ti ari ania ti mabalinna nga aramiden a maipaay cadacami?

4Agsaoda cadagiti ubbaw a sasao, agsapatada a siuulbod iti panagtutulag: gapuna a ti panangocom tumubonto a cas iti ajenjo cadagiti gulgulis ti talon.

5Dagiti agnaed idiay Samaria mapabutengdanto gapu 1 Ar. 12:28.cadagiti urbon a vaca ti bil. 15. Os. 11:15.Beth-aven; ta dagiti tattaona agpanesdanto gapu kencuana, ken castamet dagiti papadina a nagragragsac kencuana gapu iti kinadayagna, agsipud ta isu naisina kencuana.

6 Os. 12:2. Ket isu maipanto pay idiay Asiria, a maipaay a sagut Os. 5:13.ken ari Jareb: ti Efraim awatennanto ti pannacaibabain, ket ti Israel maibabainto iti bucodna a balacad.

7 No maipapan iti Samaria, ti arina madadael, a cas luag iti rabaw ti danum.

8Dagiti met nangato a disso ti Os. 4:15.Aven, ti basol ti Israel, madadaeldanto; ti siit ken casumba tumubodanto iti rabaw dagiti altarda; Luc. 23:30. Apoc. 6:16; 9:6.ket cunadanto cadagiti banbantay, gaburandacami; ket cadagiti turturod, Agtinnagcayo cadacami.

9 Os. 9:9. O Israel, nagbasolca nanipud cadagidi al-aldaw ti Gabaa: idiay nagtacderda; Oc. 20:18.ti gubat a maibusor cadagiti annac ti kinadakes saanna a maabut ida idiay Gabaa.

10Ket intono tarigagayac, dusaecto ida; ket dagiti il-ili maurnongdanto a maibusor cadacuada, intono mareppetda cadagiti dua a salungasingda.

11Ket ti Efraim maysa a Jer. 48:34; 11:4.bumalasang a vaca a maisuro, a mayat nga agiric; ngem siac timmalaytayac iti rabaw ti nataraki a teltelna: mangicabilacto iti maysa a sumacay iti Efraim; ti Juda agaradonto, ti Jacob burakennanto dagiti bingcolna.

12 Gal. 6:8. Agmulacayo a maipaay cadacayo met laeng iti kinalinteg, aganicayo iti mayannurot iti kinaimbag; Jer. 4:3.gugubaenyo ti daga a binaybay-anyo; ta pannawen ti panagsapulyo ken ni Jehova, inggana iti isu umay ket Isa. 45:8.patudoenna ti kinalinteg cadacayo.

13Nagaradocayo iti kinadakes, naganicayo iti kinadangkes; kinnanyo ti bunga dagiti ul-ulbod; ta sica nagtalecca iti dalanmo, iti caadu dagiti nabileg a tattaom.

14Gapuna a rumsuanto ti gulogulo cadagiti il-ilim, ket amin dagiti sarikedkedmo marbecdanto, cas ni 2 Ar. 17:3.Salman rinebbecna ti Beth-arbel iti caaldawan ti bacal: Os. 13:16.ti ina naitupac a napispisang a naicanunung cadagiti annacna.

15Castanto met ti aramiden cadacayo ti Beth-el gapu iti kinadakesyo: intono agbannawag ti ari ti Israel madadaelto a matalipupus.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help