EZEQUIEL 25 - Ilokano Form-Based Bible: Ti Biblia (1973)

Dagiti padpadto a maicaniwas iti Ammon, Moab, Edom ken Filistia.

1Ket ti sao ni Jehova dimteng caniac, a kinunana,

2Anac ti tao, isangom dayta rupam cadagiti Eze. 21:28.annac ti Ammon, ket agipadtoca iti maibusor cadacuada:

3Ket cunaem cadagiti annac ti Ammon, Denggenyo ti sao ni Apo Jehova: Castoy ti cuna ni Apo Jehova, Agsipud ta kinunam, Aha, a maibusor iti santuarioc, Eze. 26:6.idi natabbaawan; ken maicaniwas iti daga ti Israel; idi nalangalang; ken maibusor iti balay ti Juda, idi napanda iti pannacacayaw:

4Ngarud, adtoy, yawatcanto Eze. 21:20.cadagiti annac iti daya tapno tagicuaendaca, ket isuda isaaddanto dagiti pagpacarsoanda kenca, ken aramidenda dagiti pagnaedanda kenca; canendanto ti bungam, ken inumendanto ti gatasmo.

5Ket aramidecto ti Eze. 21:20. Rabba a pangyaponan cadagiti camello, ken dagiti annac ti Ammon a disso a pagiddaan dagiti pangen: ket mabigbigyonto a siac ni Jehova.

6Ta castoy ti cuna ni Apo Jehova: Agsipud ta pinagsinnipatmo dagiti im-imam, ken intabbugam dagiti sacsacam, ken nagragsacca iti amin a gura ti cararuam a maibusor iti daga ti Israel;

7Ngarud, adtoy, inyunnatco ti imac kenca, ket yawatcanto Eze. 7:21.a samsam cadagiti nasnacion; ket isinacanto cadagiti il-ili, ket dadaelencanto cadagiti dagdaga: pucawencanto; ket mabigbigmonto a siac ni Jehova.

8Castoy ti cuna ni Apo Jehova: Agsipud ta ti Isa. 15:1.Moab ken Eze. 35:2.Seir cunaenda, Adtoy, ti balay ti Juda cas la cadagiti sabali a nasnacion;

9Adtoy ngarud, luctacto ti bacrang ti Moab manipud cadagiti il-ili, manipud cadagiti il-ilina nga adda cadagiti beddengna, ti dayag ti daga, ti Jos. 12:3.Bet-jesimot, ken 1 Cron. 5:8.Baalmeon, ken Jer. 48:1.Kiriataim,

10Cadagiti annac iti daya tapno mapan a maibusor cadagiti annac ti Ammon, ket itedconto ida a tagicuaen, tapno dagiti annac ti Ammon saan coma a malagip cadagiti nasnacion;

11Ket ocomecto ti Moab; ket mabigbigdanto a siac ni Jehova.

12Castoy ti cuna ni Apo Jehova: Agsipud ta ti Sal. 137:7. Isa. 34:5.Edom nagaramid iti maibusor iti balay ti Juda iti panangbales, ket napaunget a napalalo, ket isu nabales cadacuada;

13Castoy ngarud ti cuna ni Apo Jehova, Iyunnatconto ti imac iti Edom, ket pucawecto kencuana ti tao ken animal; ket isu ti aramidecto a langalang 1 Cron. 1:45.manipud idiay Teman; uray pay agingga idiay Eze. 27:15, 20; 38:13.Dedan mapasagdanto iti campilan.

14Ket Jer. 49:7-22. Amos 9:12. Ab. 1:19, 21.icabilconto ti panangbalesco iti Edom babaen ti ima ti ilic nga Israel; ket aramidendanto idiay Edom ti cas mayalubog iti lucsawco ken cas mayannugot iti pungtotco; ket mabigbigdanto ti panangbalesco, cuna ni Apo Jehova.

15Castoy ti cuna ni Apo Jehova: Agsipud ta dagiti Isa. 14:29-32. Jer. 25:20; 47:1. Joel 3:4. Amos 1:6.Filisteos nagibalesda, ket nangbalesda nga adda gurada iti cararua a mangdadael iti agnanayon a panagbinnusor;

16Castoy ngarud ti cuna ni Apo Jehova, Adtoy, yunnatconto ti imac cadagiti Filisteos, ket pucawecto dagiti 1 Sam. 30:14.Kereteos, ket dadaelecto ti tidda iti igid ti baybay.

17Ket aramidecto ti dackel a panangbales cadacuada agraman napungtot a panangtubngar; ket mabigbigdanto a siac ni Jehova, intono isaadco ti panangbalesco cadacuada.