II CRONICAS 15 - Ilokano Form-Based Bible: Ti Biblia (1973)

Ni Asa dalusanna ti religion babaen ti pammagbaga ni Azarias.

1Ket Num. 24:2.ti Espiritu ti Dios immapay ken Azarias nga anac a lalaki ni Obed:

2Ket rimmuar a simmabet ken Asa, ket kinunana kencuana, Denggendac, Asa ken amin a Juda ken Benjamin: Ni Jehova adda cadacayo, bayat ti caaddayo kencuana; 1 Cron. 28:9. Jer. 29:13. Mat. 7:7.ket no isu ti sapulenyo, masaracanyonto ngem Deut. 31:17. 2 Cron. 12:5; 24:20.no isu ti baybay-anyo baybay-annacayto.

3Nabayag a tiempo itan, nga awan iti Israel ti napaypayso a Dios, Os. 3:4.awan ti padi a mangisursuro, ken awan ti linteg:

4Ngem idi iti pannacaparigatda isuda nagsublida ken Jehova a Dios ti Israel, ket nagsapulda kencuana, isu nasaracanda.

5Ket cadagidi a tiempo awan ti talna iti daydi a rimmuar, wenno iti daydi a simrec; no di ket dackel a pannacariribuc cadagiti amin nga agnaed cadagiti dagdaga.

6Ket nawarada a nasayyasayya, ti nacion, ket ti ili a maibusor iti; ta ti Dios riniribucan ida iti amin a pacarigtan.

7Ngem bumilegcayo, ket dicayo ipalubos a cumapuy dagiti im-imayo; ta ti aramidyo magungunaanto.

8Ket idi nangngeg ni Asa dagitoy a sasao ken padto ni Obed a mammadto timmured, 1 Ar. 15:2.ket iniccatna dagiti kinarimon iti amin a daga ti Juda ken Benjamin, 2 Cron. 13:19; 17:2; 19:4.ken cadagiti il-ili nga innalana idi iti caturodan ti Efraim, ket pinabarona ti altar ni Jehova, nga adda idi iti 2 Cron. 8:12.sango ti balcon ni Jehova.

9Ket inurnongna ti amin a Juda ken Benjamin, ken dagidiay a 2 Cron. 11:16.naggangannaet cadacuada a naggapu iti Efraim ken Manases, ken naggapu iti Simeon: ta timmabunoda kencuana a pimmanaw iti Israel iti nawadwad, idi nakitada a ni Jehova a Diosna adda idi kencuana.

10Iti casta nagurnongda a nagtitipon idiay Jerusalem iti maicatlo a bulan, iti maicasangapulo ket lima a tawen ti panagari ni Asa.

11Ket nagidatonda ken Jehova iti daydi nga aldaw 2 Cron. 14:13, 15.iti samsam nga incuyogda pito gasut a vacvaca ken pito ribu a carcarnero.

12 2 Ar. 23:3. 2 Cron. 29:10; 34:31. Neh. 10:29. Ket nakitulagda iti panagsapulda ken Jehova, a Dios dagiti ammada, iti amin a pusoda ken amin a cararuada;

13Ket nagtutulagda a ti siasinoman a di agsapul ken Jehova, a Dios ti Israel, Deut. 13:9.mapapatay coma, bassit, man wenno dackel, lalaki man wenno babai.

14Ket nagsapatada ken Jehova iti natbag a timec, ken iti panagriaw, ken agraman cadagiti 1 Cron. 15:28. Sal. 98:6. Os. 5:8.tortororot, ken agraman cadagiti cornetas.

15Ket ti amin a Juda nagrag-o iti maipapan iti sapata; ta nagsapatada idi iti amin a pusoda; ket nagsapulda kencuana iti amin a tarigagayda; ket isu nasaracanda: ket ni Jehova intedna cadacuada ti talna ti aglicmut.

16 1 Ar. 15:13-15. Ket castamet ni Maaca nga 1 Ar. 15:2, 10.ina ni ari Asa isu iniccatna iti kinareina, gapu ta isu nagaramid iti maysa a nacarimrimon a ladawan a maipaay iti maysa nga Ashera; ket ni Asa pinucanna ti ladawanna 2 Ar. 23:6, 15.ket pinagbalinna a tapoc, ket pinuuranna idiay waig a Cedron.

17Ngem dagiti 2 Cron. 14:3, 5.nangato a disdisso saanda a naiccat iti Israel: nupay casta ti puso ni Asa naimbag unay cadagiti amin nga al-aldawna.

18Ket isu inserrecna iti balay ni Jehova dagiti banbanag nga impaay ni amana, ken dagiti banbanag nga isu met laeng impaayna, pirac ken balitoc, ken al-alicamen.

19Ket awanen idi ti gubat inggana iti maicatlopulo ket lima a tawen ti panagari ni Asa.