DAGITI SALMO 69 - Ilokano Form-Based Bible: Ti Biblia (1973)

Ickis ti Tuoc, ken Lunod cadagiti Cabcabusor. Ken agpangolo a Musico; maitonos iti Shoshannim. Salmo ni David.

1Isalacannac, O Dios; ta bil. 2, 14, 15. Jon. 2:5.dagiti danum sumrecda itoy cararwac.

2Lumlumnedac iti nauneg nga aloyooy, nga awan pagbatayan: maitapugac cadagiti nauneg a danum, a dagiti layus lapunosendac.

3Napacsoyanacon iti panagicickis; ti carabucobco nagmagan: dagiti matac umlayda bayat ti panagururayco iti Diosco.

4Dagidiay a Sal. 35:19. Juan 15:25.gumurgura caniac nga awan gapgapuna adaduda ngem dagiti booc toy uloc: dagidiay a mangracrac coma caniac, a cabcabusorco a di-umumno, nabilegda: Sal. 35:11. Jer. 16:11.ti saanco nga innala capilitan nga ipulangco.

5O Dios, sica ammom ti kinamauyongco; ket dagiti basbasolco saanda a mailinged kenca.

6Saanda cadi a mababainan gapu caniac dagiti agururay kenca, O Apo Jehova dagiti buybuyot: saanda cadi a maibabain gapu caniac dagiti mangbiroc kenca, O Dios ti Israel;

7Yantangay Jer. 15:15.gapu kenca nagsagabaac iti pannacaumumsi; ni bain inabbungotanna toy rupac.

8 Sal. 31:11. Isa. 53:3. Juan 1:11; 7:5. Nagbalinac a sangsangaili cadagiti cacabsatco, ken gangannaet cadagiti annac ni inac.

9 Sal. 119:139. Juan 2:17. Ta ti anep iti balaymo ibusennacon; Rom. 15:3.ket dagiti panangumsi dagiti mangumumsi kenca nagdissuorda caniac.

10Idi nagsangitac, ken ginugurac toy cararwac iti panagayuno, isu ti nacaumumsiac.

11Idi pinagcawesco ti nakersang a lupot, nagbalinac cadacuada a taltalangutangenda.

12Dagiti agtutugaw iti ruangan tantanawtawendac; ket siac ti idaldallot dagiti nabartec.

13Ngem no caniac, ti cararagco maipaay kenca, O Jehova, Isa. 49:8. 2 Cor. 6:2.iti tiempo a maiparbeng: O Dios, iti caruay ti kinamanagayatmo, sungbatannac iti kinapudno ti panangisalacanmo.

14 bil. 2. Sal. 144:7. Alut-utennac iti lab-og, ket dinac baybay-an a lumned: maisalacanac cadi cadagiti gumurgura caniac, ken cadagiti nauneg a dandanum.

15Ti dinackel saannac cadi nga iremrem, dinac met coma alun-unen ti yuyeng; ket ti Sal. 55:23.abut dina cadi iyemem ti ngiwatna caniac.

16Sungbatannac, O Jehova; yantangay ti kinamanagayatmo naimbag: Sal. 25:16.cas mayannurot ita caadu dagiti kinamanangngaasim taliawennac.

17Ket dica ilinged ta rupam itoy adipenmo; ta maducotanac: sungbatannac cadi a sidadaras.

18Umasidegca itoy cararwac, ket subbotem: sacaennac gapu cadagiti cabusorco.

19Ammom ti Sal. 22:6, 7. Heb. 12:2.pannacaumumsic, ken Mat. 27:29.pannacabainco, ken pannacaibabainco: dagiti casupadic addada amin iti sangoanam.

20Ti umsi binuracna toy pusoc; ket ita Mat. 26:37.sipupunnoac cadagiti dadagsen: ket nagmatamataac iti siasinoman a mangngaasi caniac, ngem awan; ken cadagiti mangliwliwa, ngem awan nasaracac.

21Iniccandac met ti apro a maipaay a taraonco; Mat. 27:34, 38. Mar. 5:23.ket iti pannacawawco pinainumdac iti suca.

22 Rom. 11:9, 10. Aginga bil. 28. Sal. 35:4-8; 109:6-15. Ti pangananda iti sangoananda agbalin coma a silo; ket no addada iti talna, agbalin coma a palab-ug.

23 Isa. 6:9, 10. Juan 12:39, 40. Cumudrep cadi dagiti matmatada, tapno iti casta dida macakita; ket dagiti lomlomoda pagpigergerem cadi a cancanayon.

24 1 Tes. 2:16. Ibuyatmo ti pungtotmo cadacuada, ket ti rungsot ta ungetmo magam-udna cadi ida.

25 Mat. 23:38. Luc. 13:35. D. Ara. 1:20. Ti pagtaenganda aglangalang coma; awan cadi ti macapagtaeng cadagiti calcalapawda.

26Ta idadanesda ti dinanarmon; ket Isa. 53:4.isarsaritada ti tuoc dagiti sinugatmo.

27 Rom. 1:28. Nayonam iti kinadakes dagiti kinadangkesda; ket saanmo ida a pasreken ita kinalintegmo.

28 Ex. 32:32. Fili. 4:3. Apoc. 3:5. Mapunasda coma iti libro ti biag, Luc. 10:20. Heb. 12:23.ket saanda a mailista cadagiti nalinteg.

29Ngem nacacaasiac ken situtuocac: ti panangisalacanmo, O Dios, ipangatonac cadi.

30Idaydayawconto ti nagan ti Dios iti canta, ken padayagecto iti panagyaman.

31Ket adaddanto a pacaayayoan ni Jehova ngem ti maysa a vaca, wenno toro a saraan ken cacuccucu.

32 Sal. 34:2. Dagiti naemma nakitada, ket maragsacanda: Sal. 22:26.dacayo a mangbiroc iti Dios, agrag-o coma ta pusoyo.

33Ta ni Jehova denggenna ti macasapul, ket saanna a laisen dagiti nacayawan a taona.

34 Sal. 96:11. Isa. 44:23. Ti langit ken daga idaydayawda coma, dagiti baybay Isa. 55:12.ken amin nga aggargaraw cadacuada.

35 Sal. 51:18. Isa. 44:26. Ta ti Dios isalacannanto ti Sion, ket bangonennanto dagiti il-ili ti Juda; ket agtaengdanto sadiay, ket tagicuaendanto.

36Castamet ti caputotan dagiti ad-adipenna tawidendanto; ket dagiti agayat iti naganna agnaeddanto sadiay.