1Ket dimteng caniac ti sao ni Jehova, a kinunana,
2Anac ti tao, ania ti cayo nga uvas a nangnangrona ngem iti aniaman a sabali a cayo, ti santac ti uvas nga adda iti nagbabaetan dagiti caycayo iti bakir?
3Maalanto aya kencuana ti taricayo a maipaay iti aniaman nga aramid? Wenno mangaladanto aya kencuana iti maysa a pasoc a pangibitinanda iti aniaman nga alicamen?
4Adtoy, naipuruac a pagsungrod iti apuy; ti apuy inuramna iti agsumbangir a mordongna ket iti tengngana nauram: adda aya pacaiservianna iti aniaman nga aramid.
5Adtoy idi awan pay ti nacsay, saan a tumutop iti uray ania nga aramid: diman ket nangnangronan idi inuram ti apuy ket nauram, tumutupto pay laeng ngata iti uray ania nga aramid!
6Gapuna, castoy ti cuna ni Apo Jehova: Sal. 80:8. Eze. 17:6; 19:10-14.Cas ti cayo nga uvas iti tengnga dagiti caycayo iti bakir, isu nga intedco a pangsungrod iti apuy, casta ti panangyawatconto cadagiti agnaed iti Jerusalem.
7Ket Eze. 14:8.isangocto ti rupac a maibusor cadacuada; pumanawdanto iti apuy, ngem ti apuy runutennanto ida; Eze. 6:7.ket mabigbigyonto a siac ni Jehova, intono isangoc ti rupac a maibusor cadacuada.
8Ket aramidecto ti daga a langalang, gapu ta naglabsingda, cuna ni Apo Jehova.
Who We AreWhat We EelieveWhat We Do
2025 by iamachristian.org,Inc All rights reserved.
