II TAGA CORINTO 4 - Ilokano Form-Based Bible: Ti Biblia (1973)

Ti cascasaba ni Pablo.

1Gapuna, idinto ta adda cadacami daytoy a 2 Cor. 3:6.panagaywan, cas iti pannacagunodmi ti asi, saancam nga agcapuy:

2No di ket nagpanawanmi dagiti mailemlemmeng a nacababain, a 2 Cor. 2:17.dicam agsicsicap ken saanmi a killoen ti sao ti Dios, no di ket, iti panangiparangarang 2 Cor. 6:7; 7:14.ti pudno, 2 Cor. 6:4.italecmi ti bagimi 2 Cor. 5:11; 11:6.iti conciencia dagiti amin a tattao, iti imatang ti Dios.

3Ket no ti evangeliomi 2 Cor. 3:7, 14, 18.naabbongan pay laeng, naabbongan a maipaay cadagiti mapucaw:

4Cadacuada ti dios a Juan 12:31.nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, Col. 1:15. Heb. 1:3.isu a ladawan ti Dios.

5 1 Cor. 1:23. Ta dicam icascasaba dagiti bagbagimi, no di ni Cristo Jesus, nga Apo, 1 Cor. 9:19.ket dacami dagiti cas adipenyo, gapu ken Jesus.

6Ta ti Dios kinunana: Gen. 1:3.Tumpuarto ti silaw iti casipngetan, isu a naglawag cadagiti puspusotayo, a maipaay iti pannacalawag ti pannacaammo iti dayag ti Dios, iti langa ni Jesu-Cristo.

7Ngem addaancami iti daytoy a gameng cadagiti damili a vaso, 1 Cor. 2:5.tapno ti naindaclan a pannacabalin, biang coma ti Dios, a saan a cadacami;

8Cadagiti isu-amin a disso 2 Cor. 7:5.mailetancami, ngem saan a maparigat unay; agduaduacami, ngem saan a maiccat ti inanamami;

9 1 Cor. 4:12. Naidadanescami, ngem saan a nabaybay-an; naituangcami, ngem saancami a napucaw;

10Nga 1 Cor. 4:9; 15:31. 2 Cor. 6:9.itugtugotmi nga agnanayon iti bagimi ti ipapatay ni Jesus Rom. 6:8; 8:17. 2 Tim. 2:11.tapno ti biag ni Jesus maiparangarang met iti bagimi.

11Ta dacami nga agbiag, Rom. 8:36.agnanayon a maiyawatcami ken patay gapu ken Jesus, tagno ti biag met ni Jesus maiparangarang iti lasagmi a matay.

12Iti casta, ti patay agaramid cadacami, ngem ti biag, cadacayo.

13Ngem, idinto nga adda daydiay met laeng nga espiritu ti pammati, cas adda a naisurat;

Sal. 116:10. Namatiac ket gapuna nagsaoac:

Mamaticami met ket gapuna nga agsaocami met;

14Nga ammomi a ti namagungar ken Apo Jesus, pagungarennacamto met gapu ken Jesus; ket iparangnacamto a maicuyog cadacayo.

15Ta 1 Cor. 3:21. 2 Cor. 1:6.isu-amin maigapu cadacayo; tapno idinto nga 2 Cor. 1:11.immadu ti parabur gapu cadagiti adu, ti panagiaman umadu met a pacaidayawan ti Dios.

Kinaababa daytoy a biag, ken ti biag nga agnanayon.

16Gapuna, bil. 1.saancam a maupay; ngem uray ti tao a makinruar cumapuy la a cumapuy, Rom. 7:22.ti tao a makin-uneg mapabaro nga inaldaw.

17Ta ti nalag-an a sagabami, Rom. 8:18. 1 Ped. 5:10.nga apagcanito laeng, agaramid cadacami ti saan a marucud a cangato ken agnanayon a cadackel ti dayag:

18Idinto a dicam kitaen Rom. 8:24. 2 Cor. 5:7. Heb. 11:13.dagiti banbanag a makita, no di ket dagiti saan a makita; ta dagiti banbanag a makita saanda a mataginayon ngem dagiti saan a makita, mataginayonda.