ESTER 9 - Ilokano Form-Based Bible: Ti Biblia (1973)

Dadaelen dagiti Judios dagiti cabusorda. Ti fiesta ti Purim maituyang.

1 Est. 8:12. Idi maicasangapulo ket dua a bulan, nga isu ti bulan nga Adar, idi maicasangapulo ket tallo nga aldawna met laeng, idi a Est. 3:13.ti bilin ti ari ken ti pangngeddengna immadani iti pannacatungpalda, idi aldaw a dagiti cabcabusor dagiti Judios ninamnamada ti panangiturayda cadacuada, (idinto a naibawing iti maisupadi, a dagiti Judios nagturayda cadagiti gimmura cadacuada),

2Dagiti Judios Est. 8:11.naguornongda cadagiti il-ilida cadagiti amin a provincia ni ari Asuero, tapno mangcabil iti nagsapul iti pacadacsanda: ken awan ti tao a nacadaer cadacuada; ta Est. 8:17.ti panagbuteng cadacuada naitinnag cadagiti amin nga il-ili.

3Ket amin dagiti pangoloen dagiti provincia, ken dagiti satrapas, ken dagiti gobernador, ken dagiti nagaramid iti aramid ti ari, tinulonganda dagiti Judios; agsipud ta ti panagbuteng ken Mardokeo naitinnag cadacuada.

4Ta dackel idi ni Mardokeo idiay balay ti ari, ket ti damagna naisacnap cadagiti amin a provincia; ta ni lalaki a Mardokeo dumackel la idi a dumackel.

5Ket dagiti Judios kinabilda dagiti cabusorda iti panangcabil iti campilan, ken iti panangpapatay ken pannacarbec, ket inaramidda ti aniaman a kinayatda cadagiti gimmura cadacuada.

6Ket idiay Susan a palacio dagiti Judios pinatay ken dinadaelda ti limagasut a lallaki.

7Ket da Porsandata, Dalfon, Aspata,

8Ken Porata, Adalia, Aridata,

9Ken Parmasta, Arisai, Aridai ken Vaizata.

10A sangapulo nga annac a lallaki ni Aman nga anac a lalaki ni Amadata, a cabusor dagiti Judios, pinatayda; bil. 15, 16. Est. 8:11.ngem iti samsam isuda dida intignay ti imada.

11Iti daydi nga aldaw ti bilang dagiti napapatay naiyeg iti sango ti ari idiay Susan a palacio.

12Ket kinuna ti ari ken reina Ester, Dagiti Judios pinatay ken dinadaelda ti lima gasut a lallaki iti Susan a palacio, ken dagiti annac a lallaki ni Aman; ania ngarud ti inaramidda iti matda cadagiti provincia ti ari! Est. 5:6.Ania ita ti dawatmo? ket maitedto kenca: wenno ania pay ti kiddawmo? ket maaramidto.

13Idin kinuna ni Ester, No macaayayo iti ari, bil. 15. Est. 8:11.maited coma cadagiti Judio nga adda iti Susan ti panangaramidda no bigat met a mayalubog iti pangngeddeng itoy nga aldaw, ket maibitay coma dagiti annac a lallaki ni Aman iti rabaw ti pagbitayan.

14Ket ti ari imbilinna a maaramid ti casta: ket naited ti maysa a pangngeddeng idiay Susan; ket imbitayda dagiti sangapulo nga annac a lallaki ni Aman.

15Ket dagiti Judios nga adda idiay Susan bil. 2.naguornongda iti maicasangapulo ket uppat nga aldaw met ti bulan nga Adar, ket namatayda iti tallo gasut a lallaki idiay Susan; bil. 10.ngem iti samsam isuda dida intignay ti imada.

16Ket dagiti sabali a Judios nga adda idi cadagiti provincia ti ari nagtitiponda, ket incanawada dagiti biagda, ket addaanda inana cadagiti cabusorda, ket pinatayda dagidiay a gimmura cadacuada pitopulo ket lima a ribu; ngem iti samsam isuda dida intignay ti imada.

17 Daytoy naaramid iti maicasangapulo ket tallo nga aldaw ti bulan nga Adar; ket iti maicasangapulo ket uppat nga aldaw ti isu met laeng a bulan aginanada, ket isu ti inaramidda nga aldaw ti panagrambac ken ragsac.

18Ngem dagiti Judios nga addada idi idiay Susan nagguornongda iti bil. 11, 15.maicasangapulo ket tallo nga aldawna ken iti maicasangapulo ket uppat nga aldawna; ket iti maicasangapulo ket lima nga aldaw iti isu met laeng a bulan naginanada ket inaramidda a maysa nga aldaw a panagrambac ken ragsac.

19Gapuna a dagiti Judios cadagiti purpuroc, a nagnaed cadagiti di nabacudan nga il-ili, inaramidda iti maicasangapulo ket uppat nga aldaw ti bulan nga Adar a maysa nga aldaw ti ragsac ken panagrambac, ken maysa a Est. 8:17.naimbag nga aldaw, ken ti bil. 22. Neh. 8:10, 12. Apoc. 5:11.panangipaw-it ti ap-apag ti mayusa ken maysa.

20Ket ni Mardokeo insuratna dagitoy ket impaw-itna dagiti sursurat cadagiti amin a Judio a nagtaeng cadagiti amin a provincia ni ari Asuero, asideg man ken adayu agpadpada.

21Tapno bilinenna ida a ngilinenda coma ti maicasangapulo ket uppat nga aldaw ti bulan nga Adar, ken castamet iti maicasangapulo ket lima nga aldawna laeng, iti tinawentawen,

22Cas cadagiti al-aldaw a panaginana dagiti Judios cadagiti cabusorda, ken ti bulan a naibawing cadacuada nanipud iti ladingit agtungpal iti ragsac, ken nanipud iti panagleddaang agtungpal iti naimbag nga aldaw; nga aramidenda ida nga al-aldaw ti panagrambac ken ragsac ken ti Neh. 8:10.panangipaw-it ti ap-apag ti maysa ken maysa, ken sagsagut iti napanglaw.

23Ket dagiti Judios inyusuatda nga aramiden cas inrugida ken cas insurat ni Mardokeo cadacuada.

24Agsipud ta ni Aman nga anac a lalaki ni Amadata nga Agageo, a cabusor dagiti amin a Judios, Est. 3:6, 7.nagpanagem a maibusor cadagiti Judios tapno dadaelenna ida, ket inaramidna ti Pur, cayatna a saoen, ginnasangasat, tapno runawenna ida, ken dadaelenna ida;

25Ngem idi a ti panggep immay iti sango ti ari, isu nagbilin babaen cadagiti sursurat a ti nadangcoc a gacatna, nga ingacatna a maibusor cadagiti Judios maisubli iti rabaw ti olona met laeng, ket isu ken dagiti annacna a lallaki maibitayda idiay pagbitayan.

26Gapuna a ninagananda dagitoy nga al-aldaw iti Purim, a mayannurot iti nagan ti Pur. Iti casta gapu cadagiti amin a sasao daytoy a surat, bil. 20.ken ti nakitada a maipapan itoy a panggep, ken ti dimteng cadacuada,

27Dagiti Judios inkeddengda, ken inannongda cadacuada, ken iti caputotanda ken amin a kimmamang met laeng cadacuada, iti casta saan a nagcurang a salimetmetanda bil. 21.dagitoy dua nga aldaw a mayalubog iti pannacaisuratda ken mayalubog iti natudingan a tiempoda tunggal tawen;

28Ken dagitoy nga al-aldaw malaglagipda ken masalimetmetanda iti agnanayon iti tunggal capoonan, tunggal familia, tunggal provincia, ken tunggal ili; ket dagitoy nga aldaw ti Purim dida maawan cadagiti Judio, uray ti pannacalaglagip cadacuada di mapucaw iti caputotanda.

29Idin ni Ester a reina, nga Est. 2:15.anac a babai ni Abihail, ken ni Mardokeo a Judio, nagsuratda a binuyog ti amin a pannacabalin tapno pasingkedanda itoy bil. 20. Est. 8:10.maicadua a surat ti Purim.

30Ket ni Mardokeo imbaonna dagiti sursurat cadagiti Judios, cadagiti Est. 1:1.sangagasut duapulo ket pito a provincia ti pagarian ni Asuero, agraman sasao ti talna ken pudno.

31Tapno pangpasingked cadagiti al-aldaw ti Purim cadagiti natudingan a tiempoda, a mayalubog iti imbilin cadacuada da Mardokeo a Judio ken reina Ester, ken cas panangeddengda a maipaay cadacuada met laeng ken ti caputotanda, iti panggep Est. 4:3, 16.dagiti panagayunar ken panagasugda.

32Ket ti bilin ni Ester pinasingkedanna dagitoy pangpanggep ti Purim; ket naisurat idi iti libro.