EZEQUIEL 31 - Ilokano Form-Based Bible: Ti Biblia (1973)

Ni Faraon mapacaammoan gapu iti gasat ti Asiria.

1Ket naaramid idi maicapul-lo ket maysa a tawen, iti maicatlo a bulan, iti umuna nga aldaw ti bulan, a ti sao ni Jehova dimteng caniac, a kinunana,

2Anac ti tao, agsaoca ken Faraon nga ari ti Egipto, ken cadagiti umariwecwecna: Asino ti capadpadam iti catan-ocmo?

3Adtoy, ti Asirio isu maysa idi a cantingen idiay Libano nga adda napintas a sangsangana, Isa. 17:9.ken linong a cas iti bakir, ken ti nawasnay a tayagna; ket ti tuctocna adda idi iti nagtengngaan dagiti nasamec a sangsanga.

4Isu tinaraonan dagiti dandanum isu pinatubo ti caadalman: dagiti carcarayanna nagtarayda iti aglicmut ti pagmulaanna; ket pinadanunna dagiti cancanalna cadagiti amin a caycayo ti away.

5Gapuna a ti catayagna Dan. 4:11.naipangato iti ngatoen dagiti amin a caycayo ti away; ket dagiti sangsangana immaduda, ket dagiti sangana immatidugda gapu cadagiti adu a dandanum, idi timpuarda.

6Amin dagiti tumatayab ti langit Eze. 17:23. Dan. 2:12, 21.inaramidda dagiti umumocda cadagiti sangana: ket iti siroc dagiti sangana amin dagiti an-animal ti away iyegda dagiti urbonda; ket iti baba ti linongna nagnaed dagiti amin a dadackel a nasnacion.

7Castoy idi ti imnasna iti kinatan-ocna, iti caatiddug dagiti sangana; ta ti ramutna adda idi iti arpad dagiti adu a danum.

8Dagiti cantingen iti minuyongan ti Dios isu saanda a nabalin nga inatiw; dagiti caycayo a parwa saanda idi a cas cadagiti sangana, ket dagiti caycayo ti castano saanda idi a cas cadagiti sangana; ket awan met idi ti aniaman a cayo bil. 9. Eze. 28:13.iti minuyongan ti Dios a cas kencuana iti kinasayaatna.

9Isu inaramidco a naimnas gapu iti caadu dagiti sangana, tapno, iti casta amin a caycayo ti Eden, nga adda idi iti minuyongan ti Dios, immapalda kencuana.

10Gapuna castoy ti kinuna ni Apo Jehova: Agsipud ta maipangatoca iti kinatayag, ket isu insaadna ti tuctocna iti nagtengngaan dagiti nasamec a sangsanga, Dan. 5:20.ket ti pusona tumangsit iti catayagna;

11Ngarud isu yawatconto iti ima ti nabileg dagiti nasnacion; di bumurong nga isu makibiangto kencuana, isu pinaruarco gapu iti kinadakesna.

12Ket dagiti gangannaet, ti Eze. 28:7.nacabutbuteng dagiti nasnacion, isu pinucawda, ket isu pinanawanda: iti rabaw dagiti banbantay ken cadagiti amin a lobong dagiti sangana natnagda, ket dagiti sangana nabungtolda iti denna dagiti amin a pagayusan ti danum ti daga; ket amin dagiti il-ili ti daga pimmanawda iti linongna, ket isu binaybayanda.

13Iti rabaw ti dadaelna amin dagiti tumatayab ti langit Eze. 32:4.agnaeddanto, ket amin dagiti animal ti away addadanto cadagiti sangana;

14Ta tapno awan cadagiti amin a caycayo iti arpad ti dandanum ti agpasindayag iti kinatayagna, ket dida met isaad ti tuctocda iti nagtengngaan dagiti nasamec a sangsanga, wenno dagiti nabileg agtalgedda iti cangatoda, amin met laeng dagiti uminum iti danum; ta isuda amin nayawatda ken patay, cadagiti bil. 16, 18. Eze. 26:20; 32:18, 24.nababa a paspaset ti daga, iti tengnga dagiti annac dagiti tattao, agraman cadagidiay bumaba iti dariwangwang.

15Castoy ti cuna ni Apo Jehova: Idi aldaw a bimmaba iti Tanem nagladingitac; inabbongac ti yuyeng a maipaay kencuana, ket tinipedco dagiti carayanna; ket dagiti dadackel a dandanum nagtaengda; ket pinagladingitco ti Libano a maipaay kencuana, ket amin dagiti caycayo iti away nagcapuyda gapu kencuana.

16Pinagkintayegco dagiti nasnacion iti daranudor Eze. 26:15.ti pannacatuangna, idi isu imbellengco idiay Tanem a naicuyog cadagidiay bumaba iti dariwangwang; ket Isa. 14:8.amin dagiti caycayo ti Eden, dagiti napili ken caimbagan ti Libano, amin dagiti uminum iti danum, naliwliwada cadagiti Isa. 14:9-11. Eze. 32:31.nababa a paspaset ti daga.

17Isuda met bimmabada idiay Tanem a naicuyog kencuana agingga cadagidiay napapatay iti campilan; wen, dagidiay tackiagna, a nagnaed iti linongna iti tengnga dagiti nasnacion.

18Asino ti capadam a castoy iti dayag ken iti cadackel cadagiti caycayo ti Eden? nupay casta maipababacanto a maicuyog cadagiti caycayo ti Eden agingga cadagiti nababa a paspaset ti lubong: agiddacanto iti Eze. 28:10.tengnga dagiti saan a nacugit, a maicuyog cadagidiay napapatay iti campilan. Daytoy isu ni Faraon ken amin ti umariwecwecna, cuna ni Apo Jehova.